IMAMAT 7:9 - Allah Wene Fano Wene Hupla Inane

⁹ Amep werek lek mene nolhunem noli waga logogun mene inom, kuali ba isago mene inom, kethigik werago mene inom he, it imam waluk fei wagunem Tuhan wogeti logogun mene andi angge aga logogin

IMAMAT 7:9 ပူးပေါင်းရင်းမြစ်များ

2 RAJA-RAJA 12:17

Andem oba re at Hazael afuni Siria mene inoe raja andi nen he o kota Gad sebelhikhesik he, aren o Yerusalem ogo weim sineli kwigin iluk wengggelhikhe.

YEHEZKIEL 44:29

It andi re An nobaget gandum inom wam inaweak horogo leget fisoageluk warogo fugu mene inom, afuni inangge obali'mo fugu mene inom andomaba ineluk logogun, nen yi mene ti mene An nobaget iluk enogo nobagakhi logogun engge andoma re it enek wogisikhi logogun.

IMAMAT 2:10

Tindel agu mene re, it ap imam mene aga logogun. Roti andi re Tuhan faget fei wagu mene hilingi'mo mondok horek mene logogin.

IMAMAT 5:13

Ap a'nogo aweak faget Tuhan nen lek hilingisogo fouwageluk he, it imam en warogo nolhi logogun. Oba nen he tepung fena tindel agu mene omanogo re gandum amep lek mene iluk nolhi logolik hilingitarek hakhogo it imam mene inobaget fikhi logogun,” iluk yagatikhe.

IMAMAT 7:10

Oba nen amep werek lek mene waluk fei wesugun oba nen he isago lek mene halok, amusuba mulelek mene ogo nen iringik mene ogo mondogat andoma re, it hun Harun ambisangma mene imam omanogo a'luk it inebe higit-hagathogo sumburikhi logogun.

IMAMAT 7:8

Nen, wam a'nogo agap ogo re at imam a'nogo meneat asigin.

BILANGAN 18:9

An nobaget fugu mene andoma mondogat he ebe horek mene mezbah amboloba nolhi'lek mene andoma re hat mene aga logogin. Andoma ebere An nobaget amep lek mene wo'netu mene inom, ninaweak lek hilingisogo ninobagauwageluk fugu mene inom, ap inangge alomat fuluk obali'mo fugu mene inom. andoma mondogat he horek mene iluk fikhi logogun oba nen hat inom it hagainafuri inom hinobaget logogin.

1 KORINTUS 9:13

It ap Allah awi wurik eisewerek logolik yabu andoma hilingiti logolik, inamburu re, Allah aiba mene nenggarek iluk he, hinonggot nogo? Nen, Allah anggo ware'luk endu noletarek oba noleti logolik a'nogoat fena kurogo it nenggarek iluk he, hinonggot nogo?

1 KORINTUS 9:7

Ap tentara inogogwi kaindegen inagoromi weim yabuageluk inayonggo fugunem, it inonggwaregen inenggi onggo heragaisogo ekhe yafarek nogo? Lego. Nen, it ekhe nen anggur awi yakfuluk he, enggen itunem ekhe inonggwarek nenggarek lek nogo? I a, athe, it ekhe inanggo domba hokhorogoat fisogo logolik he, eilak amusu ekhe inonggwarek nenggarek lek nogo? Nenggaregaro,” iluk yagaisikhi lagi.

GALATIA 6:6

Nen, at ekhe nen fano wene yagahisugunem hit hinesanggo holhi lagep mene nen hinangge fano mene werek halok wogisikhi logoino.