IMAMAT 7:32 - Allah Wene Fano Wene Hupla Inane

³² Eisok ebekwe mene re amu tegelogo fuluk,

IMAMAT 7:32 ပူးပေါင်းရင်းမြစ်များ

KELUARAN 29:27

It imam mene menfisugu sambul andiba re, domba andi mene a'nogo amik inom, ago inom nen An wo'netu mene Nenu warek mene iluk wo'ne'luk it imam inobaget wephogo fogoin.

IMAMAT 10:14

Oba nen he. hit inom hit hinagainafuri inom he wam elonggo palek inom, ago palek inom inane menfuluk enekhoogo fugu andoma ninggi logogun fano. Andi re it afuni inunggulenu Israel mene nen lambulogo ninobagauwageluk mene warogo nolhu mene andoma hit imam mene hinobaget he andi hilingi'mo re, hiren we hesanggema obalik wesa le'ma andoma nen nogoin halok fano.

IMAMAT 7:33

at imam andi sambul wam lambulogo ninobagauwageluk mene a'nogo amep inom, asei inom waluk he nolhuba omanogo noligin mene andi enogo wogeti logogun.

IMAMAT 7:34

Wam elonggo palek inom eisok ebekwe sanoksek inom andem he enogo Tuhan faget inenggi tum watfuluk it afuni inunggulenu Israel mene nen wogeti logogun mene andoma it imam omanogo wogisikhi logogun mene re andi. Wene andi re, it afuni Israel mene nen hundik-handik it imam mene faget hilingiti logogun menere a'nogo.

IMAMAT 9:21

Nen, wam a'nogo amik inom, eisok ebekwe mene inom, omanogo re Tuhan faget noletungge iluk inenggi tum warogo wogetukwa. Andi re it imam mene faget at Musa nen yagaisasikhe higithogo hilingitukwa.

BILANGAN 5:9

Afuni Israel mene nen yi mene ti mene mondogat Tuhan faget fugu mene andoma re, it ap imam fugu mene wanhi logogun mene andi inangge aga logogin.

BILANGAN 6:20

A'nogo fugunem it imam en he nunggungge andoma re Tuhan obaget enogo wogotu mene iluk ebikhit inukhikhi logogun. A'nogo hilingisugun mene andi re domba ai mene a'nogo elonggo palek oba inom, ago palek inom wene melalek oba it imam inangge mene logogin iluk hilingik mene a'nogo werek kwelek he, enogo wesa fikhit mene andem imam inangge aga logogin. Andi mondogat hilingfuluk enek he ap ane menfagain mene andi anggur agai ninggi logogin fano.

ULANGAN 18:3

Ap misik ekhe wam sapi, domba ogo ekhe warogo Allah faget fugu halok he, wam enggi inom, elokhonggen inom, alabut inom andi re, it imam a'nogo inangge asuageluk wogisikhi logogun.

1 SAMUEL 9:24

A'nogo yagatikhemo, aren he, wam oak mene kurik wendeberogo isagaisogo re, Saul awe a'ma fei wagaikhemo, at Samuel en he, mel yagatikhe: ”Wam isago yoma re, hat faget afuni inayonggo figi mene yoma hinom logolik nanogoluk ale'ma tegelogo figi mene. Halok he, nan o,” iluk yagatikhe. A'nogo yagatikhemo andi sambul Saul at Samuel emberek wam inom, sumburu inom nasukwa.