IMAMAT 7:31 - Allah Wene Fano Wene Hupla Inane

³¹ A'nogo hilingitunem it imam omanogo nen asei a'nogo nek he mezbah amboloba omanogo nolhi logogun oba nen he elonggo palek a'nogo nek he, it imam mene omanogo inangge aga logogun.

IMAMAT 7:31 ပူးပေါင်းရင်းမြစ်များ

KELUARAN 29:26

Domba ai mene a'nogo amik andi re An nenu warek mene iluk wo'ne'no. Nen andi nek he hat hobaget mene asigin.

IMAMAT 3:11

Fugunem imam andem oba yabu hilingiti logogin mene a'nogo nen he mondogat andoma nunggu mene andi re Tuhan obaget fugu mene iluk mezbah amboloba nolhi logogin.

IMAMAT 3:16

Wogotunem it imam andem oba yabu hilingitu inaben he abirengge andoma mezbah amboloba nol fikhi logogun. nunggungge iluk nolhi logogun mene andi nen he, Tuhan endawimo agaiyeget fikhi logogun. Wam asei andoma mondogat he Tuhan mene nek logogin.

IMAMAT 3:5

Mondogat andi re amu mene inom seberogo nolhu mene iluk mezbah amboloba nolhi logogun. A'nogo nol fugunem he amben nen he Tuhan endawimo agaiyeget fikhi logogin.

IMAMAT 5:13

Ap a'nogo aweak faget Tuhan nen lek hilingisogo fouwageluk he, it imam en warogo nolhi logogun. Oba nen he tepung fena tindel agu mene omanogo re gandum amep lek mene iluk nolhi logolik hilingitarek hakhogo it imam mene inobaget fikhi logogun,” iluk yagatikhe.

IMAMAT 6:16

Nen, tepung fena abirengge andi re roti fiterek lek mene werak fuluk, it imam omanogo nen o Tuhan Awi Sabu sale'ma solombonma obalik Mondok Hore'ma andoma nen ninggi logogun. Amep werek lek mene nunggu mene andi re inaweak legabesuageluk warogo fugu mene inom, hilingitu onggo obali'mo fugu mene inom, hilingik hakhogo hilingi'more mondok horek mene logogin. Nen, andi re at Tuhan nen it imam ninggi logogun mene iluk wogisasikhe mene re ebe andi.

IMAMAT 6:26

Nen, at imam en warogo fei kugu mene andi re obalik tegele'ma o Sabumo ohulumo kwi laguba andoma nen ninggi logogin.

IMAMAT 7:34

Wam elonggo palek inom eisok ebekwe sanoksek inom andem he enogo Tuhan faget inenggi tum watfuluk it afuni inunggulenu Israel mene nen wogeti logogun mene andoma it imam omanogo wogisikhi logogun mene re andi. Wene andi re, it afuni Israel mene nen hundik-handik it imam mene faget hilingiti logogun menere a'nogo.

IMAMAT 8:29

At Musa nen it menfisugu sambul andi re at onggwarek faget Tuhan warogo nolesuhak he wam domba a'nogo elonggo palek wanhikhesik he, aren enggi tum oba warogo fuluk Tuhan obaget wogetikhe. Abirengge andi re at Tuhan nen Musa oba yi'nogo hilingi'no iluk yagatikhe mene higithogo hilingitikhe.

BILANGAN 18:11

Yi mene ti mene afuni Israel mene nen An nobaget enogo fei wagu mene andoma ogo re hat hobagerat logogin. An nen hat inom hat hagainafuri ap mene inom helime mene inom hinobaget wokhisasigi. Nen wene melalek andire hinenggi hundik-handik andoma a'nogo nek logogin. It hat homolo lekwe nen inebe emerek lek mene re andoma ninggi logogun fano.

BILANGAN 18:18

Eino re hit mene logogin meneat he amik inom eisok ebekwe inom he An nobaget inuknealuk fikhi logogun mene a'nogo emberek higit logogin.

1 KORINTUS 9:13

It ap Allah awi wurik eisewerek logolik yabu andoma hilingiti logolik, inamburu re, Allah aiba mene nenggarek iluk he, hinonggot nogo? Nen, Allah anggo ware'luk endu noletarek oba noleti logolik a'nogoat fena kurogo it nenggarek iluk he, hinonggot nogo?

ULANGAN 18:3

Ap misik ekhe wam sapi, domba ogo ekhe warogo Allah faget fugu halok he, wam enggi inom, elokhonggen inom, alabut inom andi re, it imam a'nogo inangge asuageluk wogisikhi logogun.