IMAMAT 7:30 - Allah Wene Fano Wene Hupla Inane

³⁰ Nunggu mene warogo fei wagu mene andi re, at onggwaregenat waluk waga logogin. Fei we'luk wam andi asei inom elonggo palek inom andi re aren wam Tuhan obaget enggi tum warek anggo iluk fikhi logogin.

IMAMAT 7:30 ပူးပေါင်းရင်းမြစ်များ

MAZMUR 110:3

Hat hebe Handom horek oba andoma homamerogo wagunem he, o hubet lilengge welagarek hak, hat hagoromi ap alage mene inendawinggen nenat yabugun iluk, esa hokhorogo logalugun.

IMAMAT 10:14

Oba nen he. hit inom hit hinagainafuri inom he wam elonggo palek inom, ago palek inom inane menfuluk enekhoogo fugu andoma ninggi logogun fano. Andi re it afuni inunggulenu Israel mene nen lambulogo ninobagauwageluk mene warogo nolhu mene andoma hit imam mene hinobaget he andi hilingi'mo re, hiren we hesanggema obalik wesa le'ma andoma nen nogoin halok fano.

IMAMAT 10:15

Nen, wam ogo enekhogo fei wagu mene inom, elonggo palek inenggi tum warogo fei wagu mene wam sei nolengge nolhu mene inom waluk we'luk Tuhan obaget fei waga logogun. Tuhan nen wene melalek oba ikhe hakhogore andoma mene andi re hat inom nen hat againafuri inom hinangge mondok-mondok aga logogin,” iluk yagaisasikhe.

IMAMAT 3:14

Tuhan faget nunggu mene iluk wogeti logolik he, it imam en he kambing a'nogo elonggomangge wogosugun menere yi: Asei elonggoma huli'lipsek mene inom, anggerang asei mene inom, asimogol mondok fano mene inom wogeti logogun.

IMAMAT 3:9

At Tuhan ninom sebesugun iluk anggo warogo fei waga logogin mene andi nen, it imam en domba andiba Tuhan obaget iluk fikhi logogun mene re yi: Sei elonggomangge huli'lip sek mene inom, sei ageroma andem mene sapukhogo inom, anggerang sei inom, amuli fano mene inom, asimogol fena fano mene inom halok fikhi logogun.

IMAMAT 8:27

A'nogo fesikhesik abirengge a'nogo at Harun inom at amlogomi inom inenggiba fesikhemo iren inenggi tum warogo Tuhan obaget fesukwa.

IMAMAT 8:29

At Musa nen it menfisugu sambul andi re at onggwarek faget Tuhan warogo nolesuhak he wam domba a'nogo elonggo palek wanhikhesik he, aren enggi tum oba warogo fuluk Tuhan obaget wogetikhe. Abirengge andi re at Tuhan nen Musa oba yi'nogo hilingi'no iluk yagatikhe mene higithogo hilingitikhe.

IMAMAT 9:20

wam pire aremnogo amik oba fesikhesik, at Harun nen waganogo mezbah amboloba nolhikhe.

IMAMAT 9:21

Nen, wam a'nogo amik inom, eisok ebekwe mene inom, omanogo re Tuhan faget noletungge iluk inenggi tum warogo wogetukwa. Andi re it imam mene faget at Musa nen yagaisasikhe higithogo hilingitukwa.

BILANGAN 6:20

A'nogo fugunem it imam en he nunggungge andoma re Tuhan obaget enogo wogotu mene iluk ebikhit inukhikhi logogun. A'nogo hilingisugun mene andi re domba ai mene a'nogo elonggo palek oba inom, ago palek inom wene melalek oba it imam inangge mene logogin iluk hilingik mene a'nogo werek kwelek he, enogo wesa fikhit mene andem imam inangge aga logogin. Andi mondogat hilingfuluk enek he ap ane menfagain mene andi anggur agai ninggi logogin fano.

BILANGAN 8:11

a'nogo hilingfisugunem enek he at Harun nen it ap Lewi mene andi, it afuni Israel mene nen An nobaget tegelogo fuluk wo'nesumo nek he, iren An nobaget yabu hilingiti logogun.

YOHANES 10:18

An nen wa'lasigin anggigi le'maat, it afuni ekhe nen obakheba noasumo elo'lego. We, An nonggwarek nendawimo nenat, nebe wa'lasigin anggagain obaat wa'lasigin o. Wa'lasumo, hobuk nambotkwe neluk asigin andi nonggwarek nendawimo nen anggagain oba aro. A'nogo hilingisuageluk neisena nen laknobagai wagaikhe meneat hilingisigin o, iluk eberogoat yagahisigi,” iluk yagaisasikhe.

2 KORINTUS 8:12

Hit hinangge lek mene fuk. Athe, werek mene hinendawinggen oba nen it andi fisogoin halok he, at Allah nen, ”Fano faga,” iluk anggagain.

ULANGAN 18:3

Ap misik ekhe wam sapi, domba ogo ekhe warogo Allah faget fugu halok he, wam enggi inom, elokhonggen inom, alabut inom andi re, it imam a'nogo inangge asuageluk wogisikhi logogun.