IMAMAT 7:21 - Allah Wene Fano Wene Hupla Inane

²¹ Nen, ap misik ekhe nen wam warogo nolhu mene a'nogo ap oba nen ogo, wam sue, paik, yi mene ti mene ogo, emere'ma senhagain mene nunggu halok he, ap andi ogo Allah amlogo mene werek he anggogoin legat,” iluk yagaisasikhe.

IMAMAT 7:21 ပူးပေါင်းရင်းမြစ်များ

KEJADIAN 17:14

Ap inebe lombok an nen wene warogo wokhinafi mene andi hologo inagap inenggalimo mene palinafi'lek halok, wene An nen warogo wokhinafi mene andi sagalogo herakfisikhe iluk, it inebe An nagainafuri logogun lego,” iluk yagatikhe.

KELUARAN 12:15

Nineisena Tuhan nen a'nogo yagaisasikhesik, ekhe mel yagaisasikhe: ”Hinenggi 7 nen logolik, sumburu roti enggen fitungge mene inom werago mene halok nagubo. Hinenggi 7 nen andiba logolik, afuni ekhe nen sumburu roti enggen fitungge mene andi inom werago mene nogoin halok, it inebe An nagainafuri, iluk igin mondok lek andi nen he, hinenggi 7 nen andi mene ninggi logouwogeluk he, hinenggi attak meneba logolik, hit hinaiba enggen sumburu roti fitungge mene andi ekhe werek halok, felelenghogo wulak fisogoin o.

KELUARAN 12:19

O hinenggi 7 nen andi logolik, enggen sumburu roti fitungge andi mene hinaiba nen mondok felelenghogo wulakfisano o. Afuni Israel mene ogo, athe, afuni ap pok mene ogo, sumburu roti enggen fitungge mene andi inom werago mene nunggu halok, it inebe an nagainafuri re lek u hago,” iluk yagaisasikhe.

YEHEZKIEL 33:25

Andi faget he Tuhan Lego Mondok welagarek mene a'nogo nen wene yi'nogo ti'nogo iluk an mimingnafi logolik, ”Hit he eino mep weregengge ninggik, tugwi kembu fogeratik, afuni inoatik, ikhi lagep. A'nogo hilingiti logoligen hinambong sisengge kweang yi nit ninanggweang ikhi lagep andi ambi.

YEHEZKIEL 4:14

A'nogo ikheba nen he an nen onggo yagati logolik, ”Eige, Tuhan Mondok Lego welagen mene neisena! An nebe yenggere'ma nen pikhit yogondak welagi huli nen he nunggu mene saliok weregengge wam warek mene a, mene olomene aigando a, andomaba nen an nebeba weaget fakhigirek mene ekhe werek lego, nen nunggungge saliogengge anggagarek mene andoma an nen ekhe nunggu aplere legaro,” iluk igi.

IMAMAT 11:20

Eluk-elugengge mene agerabul wulibik andoma mondok saliogengge mene ninggi logou fuk,

IMAMAT 12:1

Tuhan nen wene melalek Musa oba fesikhe mene re yi.

IMAMAT 17:10

Nen, afuni Israel mene ogo, it pok meneba nen afuni Israel mene inanggelekwe femhoho werek mene nen ogo wam kurik meberengge nunggu halok he Tuhan nen wene oba fagain, nen at ebe faget An namlogo mene werek he anggagain lek.

IMAMAT 17:14

Yi mene ti mene mondogat eluk werek mene andi re ebe eluk mondogat he amep oba nek werek. Andiba re, Tuhan nen ikhi logolik it afuni Israel mene halok he mep andi mondagat ninggi logogun mondok lek. Ap sa nen wene hilingisu fuk iluk, ikhe mene yi, ane oak sagalogo hilingite halok he, at andi Allah againafuri mene werek he anggogoin lek.

IMAMAT 18:29

Ap ekhe nen weak mondok inali'lip mene hilingitu halok he, at ebe Allah againafuri mene werek anggogoin lek a'nogo hinelu o.

IMAMAT 19:8

Sa nen, wam andi Allah fisogo mene, iluk futfigi'lek, kurik na lek hak aga mene andi nagain halok, weak hilingisigin mene andi wene onggwarek oba fakhamo re, An nen, at andi ebe An nagainafuri mene iluk anggagain lego.

IMAMAT 20:3

Ap ekhe nen omalik warogo kembu Molokh oba wogosi lagu halok he An Nawi Sabu wurik mene emerogo figik, Nenu fano mondok welagi a'nogo sebelogo figik igin andi nen, An nen ap andi wene oba fembik at ebe An nagainafuri mene werek he anggagain lek.

IMAMAT 22:3

Hineisena Tuhan nebe An aro. Andi halok he ap ekhe hit hinambisangma mene ebe emerek logoligen it afuni Israel mene nen enogo fuluk warogo wo'nesi wagu mene omanogoba horokhogo laluk aren mezbah oba andoma warogo noligin lek. Wene melalek yire hundik-hundik hilingiti logogun.

IMAMAT 22:4

It Harun ambisangma mene ekhe ou agap oba purak hangge inoba were'ma halok ogo, agap enggalimo mene ou logolik kurele wulibi wagu halok ogore, at ebe oan pugunsek yagati'lek werek kwelek aren yi mene ti mene An nobaget fei wagu mene andoma ekhe nanogo. Ap imam misik ekhe nen ap warek meneba fakhikhe halok inom, agap enggalimo meneba nen kurele wulibi wagu halok inom,

IMAMAT 23:29

Sa nen o andi sambul sumburu yi mene ti mene ekhe nagain halok, at ebe An nagainafuri mene werek iluk anggagain mondok lego.

IMAMAT 7:20

Nen, ap ekhe nen he at ebe emerek logoligen nagain halok he, at andi re ebe Allah amlogo werek iluk anggogoin lek.

IMAMAT 7:22

Tuhan nen Musa oba wene melalek ekhe re yi fesikhe:

IMAMAT 7:25

Ap en warogo nolugun iluk fei wesugun mene omanogo asei nogoin halok he ap andi at Allah amlogo mene werek he anggogoin lek.

IMAMAT 7:27

Ap sa nen wene melalek andi sagalhu halok he, at andi Allah amlogo werek anggogoin lego,” iluk yagatikhe.

BILANGAN 19:22

Yi mene ti mene ap emerek mene nen fakhagain mene halok he andoma abirengge emetlaga logogin, nen ap amu mene nen fakhogoin mene ogo re emerek werek kwelek enek mo ubuk ikhi logogin.

ULANGAN 14:10

Yi mene ti mene iba welagarek oba nen amurul inom, afunggu inom lek halok he wesa mene hilingi'mo ninggi logou fuk.

ULANGAN 14:3

A'nogo yagaisasikhesik ekhe yagaisikhi logolik, ”Hineisena Tuhan Allah nen yi re wesa mene iluk yagaisugu kwelek he na fugo.

1 SAMUEL 20:26

A'nogo meneat he, at Saul endawimo nen he, ”At Daud en weak mene ekhe enggi fakfikhesik oba horati'legen, nit Allah againafuri hilingitorek hak hilingisuogoluk wagi'lek higi,” iluk anggasikhesik he, andi sambul endawimo nen he, ”Daud ebe lek yi nenahalok,” iluk areng palhikhe lek.