IMAMAT 6:4 - Allah Wene Fano Wene Hupla Inane

^4-5 Fei waga logolik he, ap weak hilingisigin mene a'nogo nen he agaila'lak inangge labelhigik helagain mene omanogo abirengge obali'mo onggo fagain. Nen, at weak hilingitunem herakfuluk halok he, at onggwarek agun a'nogoba onggo wogeti logolik, aren dua puluh persen ekhe inom to'morogo wogosigin.

IMAMAT 6:4 ပူးပေါင်းရင်းမြစ်များ

KEJADIAN 21:25

A'nogo oba nen he, hobugen at raja Abimelekh amingmingengge nen i mogo habulik mene ekhe telasukwa mene a'nogo faget Abraham en Abimelekh oba ikhi logolik he, nenahalok i mogo andi telha he, iluk nendawimo mondok weak ari'lago iluk isikhe.

NEHEMIA 5:11

Arigini'mo re hiren ogo it afuni inoba hinagengga uang halok ogo, gandum halok ogo, nen anggur halok ogo, at he zaitun, amusu halok ogo it inoba hinombalegengge werek mene andoma mondogat legaberik lani. It inanggweang inom, inagayo anggur yabu inom, inagayo zaitun yabu inom, inawi wurik inom, andoma hiren it inonggwarek inoba wogisano!” iluk yagaisasigi.

AYUB 20:19

Aren he ap amu mene sebelogo fisigik, ap inangge lek mene inoba weaget fisigik, o aren wute lek meneba nen telogo heligik hilingiti laga.

AYUB 24:2

Ap fena nen he it inanggweang wogolhouwogeluk he, kweang huli-huli warek mene a'nogo higilik lili'lagwi. Iren he domba hinasi laluk he it inanggo awi wuri'mo omanogo kwelakfakha weri'lagwi.

YEHEZKIEL 18:12

Aren afuni inenggi lek mene eranhogo wene lalinafik, inangge teligik, ap at oba palegengge werek mene nen inendawinggen litungge iluk werek mene omanogo felelenghogo heligik, ikherek. Aren ap Tuhan inonggot mene nen tugwi kembu fogeratarek kwe omanogo laluk he kembu ina'meilo mene omanogo fogeraterek.

YEHEZKIEL 18:18

Hebekhogore eisena nen eranhogo wene igik, afuni inangge teligik, weak amu mene inomat hilingitik, hilingiterek mene andi re at onggwarek aweak hilingiterek mene andoma ambisangma at ebeat wa'lasigin.

YEHEZKIEL 18:7

Aren he eranhogo wene igik, afuni inangge teligik, ikherek legat. Afuni inangge endawi lirengge fisogo logouwak hobuk onggo fagain iluk wogetu mene omanogo weak-weak ambotkwe wogisikherek. Afuni inamburu nele were'ma inamburu wogisigik, nen afuni inasu laberugu mene le'ma inasu wogisigik, ikherek.

YEHEZKIEL 44:19

It ambi o enda'ma afuni kabogetarek oba omanogo wulibi laluk halok he, it imam en he su yabu hilingiti logolik labetu mene omanogo o An nawi wuri'mo nen senggelek mondok hore'ma omanogo nonggologo fuluk inasu amu mene laberikhi logogun, andi re su amu tegelek mene andoma nen inagainafuri alomarogo fisanogo iluk a'nogo hilingiti logogun andi.

IMAMAT 24:18

Areagun werek mene inom halok he, areagun werek mene inomat wut-wut aga logogun iluk awene melalek were'ma, ap sa en ap ekhe anggo wate halok he, anggo obali'mo higithogo wogeti logogun.

IMAMAT 24:21

Ap ekhe nen wam watu halok he, wam at obali'mo fikhi logogin oba nen he, ap watu halok enek he, arogo wene oba fuluk ebe pinggiat wasugun.

IMAMAT 4:12

mondogat andi re waluk o sabu wurik mene abel endakwe fikhit wulibi laluk, wul kweisali laguba andi faget obuluk enegenggerogo were'ma aremnogo e nolhu mene wurogo amboloba nolhi logogun.

AMOS 3:10

Tuhan nen a'nogo ikhesik, ekhe mel ikheat: ”Afuni Samaria mene nen he, inawi fano mondok wuri'mo andoma yi mene ti mene weak hilinginafi logolik, telogo heligik, hugulengge wanhik, aga mene omanogoba mondok peterogo fakhaluk werego. A'nogo logolik, inobabut higithogo hilingitu aplere mondok inonggot werek.

MIKHA 2:2

Iren inendawimo ebeti logolik, afuni nen yabu helagarek mene faget ebe'luk halok he, yabu a'nogoat teligik, nen o wurik faget inendawimo inamolo anggaluk halok he, o a'nogo tolulurogo kwi lagik, hilingitaresik he, o a'nogoba yi mene ti mene werek mene omanogo inom, afuni inebe inom, mondogat inenggi abisak helagarek andi.

ZEFANYA 1:9

Nen afuni An inonggot mene nen hilingitarek hakhogo An nobaget a'nogo hilingitarek mene inom, nen it inogogwi inailoba andoma yi mene ti mene hugul wanharek mene omanogoba hoporasugun iluk inangge hinatik, inebe inoatik, hilingitarek mene andoma re An nen unggum inoba fagain enego,” iluk ikhe.

MALEAKHI 1:13

A'nogo anggikhi logolik he mel ikhi lagep: Yi'nogo hilingiti logou re, mondogat ninabit ari'lago, iluk, hinambisang singgin yaganeti lagep andi. A'nogo ikhi logolik An hinendawimo seramet nobagaluk he, wam yi mene ti mene yogot wanhi lagep mene inom, eisok weak mene inom, oba ou werek mene inom, An faget nobagakhi lagep. Ariginik mene nobagakhi lagep andi re, An nen wanigin iluga?

BILANGAN 5:7

ap a'nogo nen aweak fageti logolik, ap are weagat fagain mene a'nogo onggo higithogo wogeti logolik he dua puluh persen ekhe inom oba mangorogo wogeti logogin.