Inenggi 7 andem oba re hundik-handik a'nogo hilingiti logogun. A'nogo hilingitunem he, mezbah andi mondogat andoma horek mene logogin. Nen, amu-amu mene nen mezbah andi ekhe senhikhe halok he, Tuhan enek wogeti logoino, nen ap sa nen mezbah andi senhikhe halok he horek logouwageluk hilingfogoin mene andi re mondok omame hokhore'ma re inebe alomat fakhikhi logogun,” iluk yagatikhe.
IMAMAT 6:27 - Allah Wene Fano Wene Hupla Inane27 Wam andi re mondok horek hilingi'mo ap ekhe asuba amep kweterogo lagu halok he, su andi obalik amu tegele'ma nen sobalhi logogun. Nen ap ogo athe we amungge mene iluk ogo, wam andi fakhugu halok onggwaregen alomat fakhikhi logogin. အခန်းကိုကြည့်ပါ။ |
IMAMAT 6:27
11 ပူးပေါင်းရင်းမြစ်များ
Ebe a'nogo yi mene ti mene andoma mondogat andi re, An nobaget enek logouwageluk hilingfoumore, andoma mondogat he tegelek mene logogin. Yi mene ti mene nen inom, afuni nen inom, andiba agap endebat ekhe fakhugu halok he, no andoma mondogat horek mene hilingi'mo, omame mondok logogin andi nen he, it inebe alomat fakhikhi logogun.
It ambi o enda'ma afuni kabogetarek oba omanogo wulibi laluk halok he, it imam en he su yabu hilingiti logolik labetu mene omanogo o An nawi wuri'mo nen senggelek mondok hore'ma omanogo nonggologo fuluk inasu amu mene laberikhi logogun, andi re su amu tegelek mene andoma nen inagainafuri alomarogo fisanogo iluk a'nogo hilingiti logogun andi.
Nen, yi mene ti mene andi warek fili nen ogo athe amu mene ekhe amboloba pugu halok ogo, amungge andi emeregat logogin. Amungge andi re nena mene faget hilingitungge andi hilingik kwelek, e meneba hilingik mene hea, su karung meneba hea, hilingik kwelek misik mene andi iba kwelagaisogo fikhi logogun, a'nogo fugunem misik mene andi nek emerek werek kwelek mo arat ubuk ikhi logogin.
Amep werek lek mene ninggi logogun mene iluk fugu mene andi re, mondok hore'ma omame mondok hokho logogin andi nen he, ap ekhe nen nunggu mene andi fakhikhe halok inonggwaregen alomat fakhikhi logogun. Nunggu mene andi Tuhan obaget fugu meneba nen he it Harun ambisangma mene nen ninggi logogun iluk were'ma re, mondok-mondok andoma logolik it ap Harun ambisangma mene nek roti andoma helaluk ninggi logogun,” iluk yagatikhe.
Ap ekhe nen ambi wam warogo Tuhan obaget fuguba omanogo senggelek misik ekhe helaluk, asu pisarek mene endakwe labetu mene jubah wurep yinggilik meneba hinagaisogo helaluk lamo nen he, at asu jubah nen roti hea, athe amu mene isagongge hea, anggur hea, zaitun amusu hea, athe nunggu mene amungge meneba andoma hea, sen hamo nen he, andoma mondogat fano horek logou hak anggegeba?” iluk yagaisan o, yagatikhe. A'nogo yagatikhemo at Hagai nen it imam omanogo inoba heinok wogisasikhemo nen iren onggo ikhi logolik he, ”Lego,” iluk yagatukwa.
Halok he, nerugwi nagaila'lak. Hinebe nendawi e. At Allah nen a'nogo logogun iluk abok yaganisasikhe andi nen, ninebeba nen, ninendawinggen oba nen, weak hilingitorek mene andi, fanorogo horogo herakfisouwogo. A'nogo herakfisambik, Allah ebe ninailo logolik he, ninebe at faget fisaluk logouwogen, ninendawinggen katokhogo wurigerati logouwogo.
At Allah endawimo amolo anggikherek oba hinendawimo weagat a'luk he, ”Nambigen weak hilingitimo,” iluk hinobabut hebelasimbik he, fano mene ninghogo hilingitik, wene hinoba lek higithogo hilingitik, hina'mage lagagik, hinailo agik, ”Paulus ninom ambi a'lo e,” iluk noba ebetik, hinendawimo aganhanhogo hilingitik, at weak hilingitikhe mene andi enggi onggoba wulakfisigik, egep andi hani! A'nogo hilingiti logolik hit weak ekhe hilingiti'lek wene hinoba mene korogo mondok lakfisegebo.
ကြော်ငြာတွေ