IMAMAT 6:20 - Allah Wene Fano Wene Hupla Inane

²⁰ ”It Harun ambisangma mene yabu imam mene hilingiti logogun iluk inunggul sebelogo menfisikhi logolik, warogo nolhi logogun mene faget iluk yagahesigin. Linggene inebe menfisugu sambul andi re, aren tepung gandum meneba sagalek mene satu kilogram Tuhan obaget fikhi logogin. Nen fenare hubet faget fuluk, fena hu'mokwe faget fei waga logogin.

IMAMAT 6:20 ပူးပေါင်းရင်းမြစ်များ

1 TAWARIKH 23:29

Iren ogo wene yi faget hilingiti logogun mene re yi: roti Tuhan obaget weragaisogo fei wagu mene inom, tepung Allah obaget foukhogo hilingiti logogun mene inom, kue serapolweak mene ebe ragi legenggeba werago mene inom, wam werogo inom, tepung e zaitun amusu inom munenek engge inom, andi faget hilingiti logolik halhi logogun. Nen irenat he, afuni nen Tuhan Awi wuri'mo obaget fei wagu mene omanogo enggin walhigik, keralhik, hilingiti logogun.

KELUARAN 16:36

Afuni o omanggum welagaukwa andem sambul he, iwak fano mene ambe mondok hetokhogo kwalhi lagaukwa re, huli 20 liter nen kwalogo fikhi lagaukwa.

KELUARAN 29:2

tepung terigu mondok fano mene fiterek lek meneba inom mulelino. Mulelek engge omanogoba re roti zaitun amusuba wera'no, nen fena re amusu legengge wera'no, nen tindelasigin mene re kue amusu yugulhigik wera'no.

IMAMAT 23:13

Yi mene ti mene nenggarek mene An nobagakhi logolik he, tepung 2 kilo mene e zaitun amusu inom misi'mo mulelogo nen nolnesugun o. A'nogo nolnesugun halok, An hineisena Tuhan nendawimo fano asigin o. A'nogo nolneti logolik he, i anggur enggen amusu 1 liter nobagakhi logogun.

IMAMAT 5:1

Ekhe ikhi logolik, ”Wam inaweak lek hilingisogo fouwageluk wogosi waga logolik he, ap ekhe o wene heirogo tegetarek oba andoma nen weinamhogo hikhe mene faget inom, esanggo holhe mene faget inom, fagesin iluk yagatunemen, aren fakhogo igi'lek labelhe halok he, at fagesigin lek andi onggo re onggwaregen ambisangma saburilik laga logogin.

IMAMAT 5:11

Nen, ap weak hilingitu mene andi nen he, sue muluk inom, sue abiang inom aremnogo at aweak lek hilingisogo fouwageluk fougetu mene eilmo lek agu halok he, aren tepung satu kilogram waluk waga logogin. Oba nen he fei wesigin mene andi re amep werek lek mene noluageluk fei wesigin lek halok he, andi re at aweak legabesuageluk hilingi'mo re tepung andi re zaitun amusu pelabek legengge kemenyan inom ambolebene tamulik legengge fei waga logogin.

IMAMAT 6:11

A'nogo hilingfuluk at a'nogo asu amu mene laberaluk wul a'nogo hambokhogo waluk he, o sabu wuri'mo nen endakwe fikhit obalik enegenggere'ma andoma fei wilifi logogin.

IMAMAT 6:19

Tuhan nen Musa wene melalek yi oba fikhi logolik,

BILANGAN 28:10

Warogo nolhi logogun engge andi re, linggene Sabat sambul hundik-hundik wogeti logolik, linggene hundik wogotu mene a'nogo inom anggur agai wogetu mene a'nogo inom seberogo wogeti logogun.

BILANGAN 28:3

Iren Tuhan obaget fuluk warogo wogeti logogun mene ebere yi: Linggene hundik-handik faget he domba eagwi ai mene pirerogo agapma agambut palek lek mene umur satu tahun mene waluk he,

IBRANI 5:1

It ap Allah eisewerek inogogwi kaindek inebe lombok andi re, afuni Allah againafuri nen, ap it mene ekhe Allah faget hilingiti logolik, it mene yi mene ti mene fugunem, Allah wogetik, weak hilingitarek mene faget inanggo waluk wagunem waretik, ikhi logouwageluk wenagaisogo menfisagarek.

IBRANI 7:27

It ap Allah eisewerek kaindek andi re, hundik-handigat inonggwarek weak hilingitarek mene faget tak inanggo Allah faget waretaresigen, hobuk afuni ekhe weak hilingitarek mene faget inanggo Allah faget warogo wogotarek meneat he, at Yesus enek he, nit weak hilingitorek mene faget ninanggo Allah waresu hak, at ebe misigamat faget wa'laga logolik, ebe Allah wogetikhe andi.