IMAMAT 6:19 - Allah Wene Fano Wene Hupla Inane

¹⁹ Tuhan nen Musa wene melalek yi oba fikhi logolik,

IMAMAT 6:19 ပူးပေါင်းရင်းမြစ်များ

KELUARAN 29:2

tepung terigu mondok fano mene fiterek lek meneba inom mulelino. Mulelek engge omanogoba re roti zaitun amusuba wera'no, nen fena re amusu legengge wera'no, nen tindelasigin mene re kue amusu yugulhigik wera'no.

YEHEZKIEL 42:13

Ap andi nen an noba ikhi logolik, ”O pire wurik mene andem he mondok horek awi. Andoma re, ap imam en Tuhan elokhoma menla'luk, wam warogo nolhungge mondok fano mene omanogore andoma nen ninggi logogun o. Andoma nen enek warogo fugu mene mondok fano mene fikhi logogun engge ebere: gandum enggen palek inom, ninaweak lek hilingisogo ninobagauwageluk Tuhan kinotu mene inom, afuni inangge obali'mo fugu mene inom, andoma nek fikhi logogun.

IMAMAT 10:18

Kambing andi amep he Tuhan Awi Sabu sale'ma waluk wesuageluk he lego. Athe an nen melalhinobagagi hakhogo warek engge andi re hit andoma nen nanggwe hilingitep?” iluk yagaisasikhe.

IMAMAT 6:18

Amep werek lek mene ninggi logogun mene iluk fugu mene andi re, mondok hore'ma omame mondok hokho logogin andi nen he, ap ekhe nen nunggu mene andi fakhikhe halok inonggwaregen alomat fakhikhi logogun. Nunggu mene andi Tuhan obaget fugu meneba nen he it Harun ambisangma mene nen ninggi logogun iluk were'ma re, mondok-mondok andoma logolik it ap Harun ambisangma mene nek roti andoma helaluk ninggi logogun,” iluk yagatikhe.

IMAMAT 6:20

”It Harun ambisangma mene yabu imam mene hilingiti logogun iluk inunggul sebelogo menfisikhi logolik, warogo nolhi logogun mene faget iluk yagahesigin. Linggene inebe menfisugu sambul andi re, aren tepung gandum meneba sagalek mene satu kilogram Tuhan obaget fikhi logogin. Nen fenare hubet faget fuluk, fena hu'mokwe faget fei waga logogin.

BILANGAN 18:27

Hiren An nobaget enogo fikhi logogun mene andi re gandum enggen attak palogo fugu mene inom, anggur agai attak keralogo fugu mene andoma inom higitsek anggikhi logogun.

BILANGAN 18:9

An nobaget fugu mene andoma mondogat he ebe horek mene mezbah amboloba nolhi'lek mene andoma re hat mene aga logogin. Andoma ebere An nobaget amep lek mene wo'netu mene inom, ninaweak lek hilingisogo ninobagauwageluk fugu mene inom, ap inangge alomat fuluk obali'mo fugu mene inom. andoma mondogat he horek mene iluk fikhi logogun oba nen hat inom it hagainafuri inom hinobaget logogin.