IMAMAT 6:18 - Allah Wene Fano Wene Hupla Inane

¹⁸ Amep werek lek mene ninggi logogun mene iluk fugu mene andi re, mondok hore'ma omame mondok hokho logogin andi nen he, ap ekhe nen nunggu mene andi fakhikhe halok inonggwaregen alomat fakhikhi logogun. Nunggu mene andi Tuhan obaget fugu meneba nen he it Harun ambisangma mene nen ninggi logogun iluk were'ma re, mondok-mondok andoma logolik it ap Harun ambisangma mene nek roti andoma helaluk ninggi logogun,” iluk yagatikhe.

IMAMAT 6:18 ပူးပေါင်းရင်းမြစ်များ

KELUARAN 29:37

Inenggi 7 andem oba re hundik-handik a'nogo hilingiti logogun. A'nogo hilingitunem he, mezbah andi mondogat andoma horek mene logogin. Nen, amu-amu mene nen mezbah andi ekhe senhikhe halok he, Tuhan enek wogeti logoino, nen ap sa nen mezbah andi senhikhe halok he horek logouwageluk hilingfogoin mene andi re mondok omame hokhore'ma re inebe alomat fakhikhi logogun,” iluk yagatikhe.

IMAMAT 3:17

Afuni Israel mene nen he amep inom asei inom andoma ninggi logogun lek. Wene melalek yire etok mondok were'ma, it Israel mene nen o yi awi ti awi andoma logolik wene yi tiphogo nek hilingiti logogun,” iluk yagatikhe.

IMAMAT 4:24

Aren he wam a'nogo unggul enggi nen sebel fuluk wam warogo noluogeluk palharek oba, mezbah werek mene a'nogo abel ambol fikhit were'ma aremnogo nen wati logogun.

IMAMAT 4:3

Ap weak hilingitu mene andi re Imam Agung inoe a'nogo weak hilingitunem it afuni Israel mene inom at ombo'ne weak hilingitu halok, Tuhan nen aweak legaphogo fouwageluk aren wam sapi ai mene ket kotorek mene agap palek lek mene misik warogo Tuhan obaget fikhi logogin.

IMAMAT 4:33

Aren he enggi wam a'nogo unggul oba sebel fuluk, wam warogo noluogeluk ebe senggelharek oba mezbah welagarek higithogo abel utara fikhit andoma nen wati logogun.

IMAMAT 6:10

Nen, warogo nolhu mene a'nogo mondogat wul agunem he, it imam en su celana horok mene inom su jubah mondok fano mene kain lenan oba selebensek mene inom laberaluk he, wam amusu wul oba pugunem yalelogo re mezbah wurik mene a'nogo erokwe andoma fikhi logogun.

IMAMAT 6:19

Tuhan nen Musa wene melalek yi oba fikhi logolik,

IMAMAT 6:27

Wam andi re mondok horek hilingi'mo ap ekhe asuba amep kweterogo lagu halok he, su andi obalik amu tegele'ma nen sobalhi logogun. Nen ap ogo athe we amungge mene iluk ogo, wam andi fakhugu halok onggwaregen alomat fakhikhi logogin.

IMAMAT 6:29

It imam ineisok erokwe mene halok he warogo fei wagu mene mondok hi-horek mene andi ninggi logogun.

IMAMAT 7:6

It ap mene nek imam omanogo ineisok erokwe mene wam andi ninggi logogun fanoba nen he, wam andi mondok horek mene hilingi'mo re, arogo obalik tukse'ma omanogo nenat enek ninggi logogun.

BILANGAN 18:10

Andoma re hat hobaget mondok horek mene were'ma re, nouwogeluk halok he obalik mondok fano horek oba nenat, ap halok enek ninggi logogun.

BILANGAN 18:8

Tuhan nen Harun oba yagati logolik, ”An nobaget enekhogo fuluk wo'netu mene andoma mondogat endu nolhi'lek mene andoma re hat mene. Andoma mondogat he hat mene iluk wendeberogo were'ma re mondok-mondok logogin. A'nogo were'ma hat inom haren tagongge mene inom An nen wokhisikhi logogin.

1 KORINTUS 9:13

It ap Allah awi wurik eisewerek logolik yabu andoma hilingiti logolik, inamburu re, Allah aiba mene nenggarek iluk he, hinonggot nogo? Nen, Allah anggo ware'luk endu noletarek oba noleti logolik a'nogoat fena kurogo it nenggarek iluk he, hinonggot nogo?

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.