IMAMAT 6:14 - Allah Wene Fano Wene Hupla Inane

¹⁴ Tuhan obaget amep werek lek mene wa'luk nolhi logogun mene faget awene melalek he yi: ”Nen, amep legengge mene andi re it Harun ambisangma mene omanogo nen waluk mezbah a'nogo era'lu waga logogun.

IMAMAT 6:14 ပူးပေါင်းရင်းမြစ်များ

1 TAWARIKH 9:31

Yi mene ti mene weragaisogo fugu mene waluk Tuhan obaget fuguba omanogo fei lagu mene faget he, ap Lewi mene misik ekhe enu Matica hun Salum amlogo manggusa mene unggulenu Korah mene oba nen menfesukwama logolik hilingiti lagaikhe.

IMAMAT 1:13

A'nogo hilingfuluk ap a'nogo nen he elonggomangge inom, eisok sanoksek inom sobalhi logogin. A'nogo nek hilingfilik laluk he, it imam omanogo nen abirengge Tuhan obaget, mezbah amboloba nolfikhi logogun. Nol fugunem amben nen he Tuhan endawimo agaiyeget fikhi logogun.

IMAMAT 1:17

A'nogo hilingfuluk he sue a'nogo ogolabi tegeti'legengge amik fendel higik fuluk he, fendelek omanogo mezbah amboloba nolfikhi logogun. A'nogo nol fugunem he amben nen Tuhan endawimo agaiyeget fikhi logogun o,” iluk yagatikhe.

IMAMAT 1:9

A'nogo hilingfuluk he, ap a'nogo nen wam a'nogo elonggomangge inom enggi eisok sanoksek inom i sobal fugunem he, imam andem oba yabu hilingiti logogun mene omanogo nen he abirengge nol fikhi logogun. Nen, warogo nol fikhi logogun mene nen he Tuhan endawimo agaiyegerati logogin.

IMAMAT 10:12

A'nogo yagatikhemo, at Musa nen Harun inom amlogomi inebe pire Eleazar inom Itamar inom yagaisikhi logolik, ”Nunggu mene Tuhan faget fugu mene gandum andoma waluk he, tepung andi mene oba nen he roti fiterek lek meneba wera'luk, werago fugu mene andi re ebe mondok horek mene hilingi'mo mezbah era'lu horokhogo andemen nano.

IMAMAT 6:15

Waluk we'luk amep werek lek mene a'nogo abirengge Tuhan obaget fogo iluk enegenggegore, it Harun ambisangma mene omanogo nen tepung inenggi misigen yinggilogo wanu hak amusu inom kemenyan inom waluk mezbah a'nogoba nolhunem, amep lek mene nolesugun mene omanogo amben en Tuhan endawimo agaiyeget fikhi logogin.

BILANGAN 15:4

Ap ekhe nen domba hea, kambing hea, fuluk Tuhan faget warogo noligin iluk waluk waga logolik halok he, wam andem ebe lombok inom he tepung satu kilogram inom, zaitun amusu satu liter inom munenegengge fugu mene faget mangorogo inom, anggur agai re satu liter inom waluk waga logoino.

BILANGAN 15:6

Hiren warogo waluk waga logogun engge andoma ambi domba ai mene misikhogo wati logolik halok he hiren tepung dua kilogram inom he zaitun amusu setengah liter inom munenogo, amep lek mene fugu mene inom waluk waga logolik he,

BILANGAN 15:9

andem faget we'luk halok he, hiren tepung tiga kilogram inom, zaitun amusu dua liter inom munenogo hilingfuluk he, amep lek mene andoma inom,

YOHANES 6:32

A'nogo yagatukwama, aren he, mel yagaisasikhe: ”An nen wene ekhe yagahisak. Sumburu pogoroba nen pelak hisa waga lagaikhe andi re, at Musa nen fuk. Lego. Athe, sumburu ebe mene andi re, an Neisena nen afuni kweangma mene inelugerinabuageluk an nebe pogoroba nen pi wagagi andiaro,” iluk yagaisasikhe.