IMAMAT 6:11 - Allah Wene Fano Wene Hupla Inane

¹¹ A'nogo hilingfuluk at a'nogo asu amu mene laberaluk wul a'nogo hambokhogo waluk he, o sabu wuri'mo nen endakwe fikhit obalik enegenggere'ma andoma fei wilifi logogin.

IMAMAT 6:11 ပူးပေါင်းရင်းမြစ်များ

KELUARAN 29:37

Inenggi 7 andem oba re hundik-handik a'nogo hilingiti logogun. A'nogo hilingitunem he, mezbah andi mondogat andoma horek mene logogin. Nen, amu-amu mene nen mezbah andi ekhe senhikhe halok he, Tuhan enek wogeti logoino, nen ap sa nen mezbah andi senhikhe halok he horek logouwageluk hilingfogoin mene andi re mondok omame hokhore'ma re inebe alomat fakhikhi logogun,” iluk yagatikhe.

YEHEZKIEL 44:19

It ambi o enda'ma afuni kabogetarek oba omanogo wulibi laluk halok he, it imam en he su yabu hilingiti logolik labetu mene omanogo o An nawi wuri'mo nen senggelek mondok hore'ma omanogo nonggologo fuluk inasu amu mene laberikhi logogun, andi re su amu tegelek mene andoma nen inagainafuri alomarogo fisanogo iluk a'nogo hilingiti logogun andi.

IMAMAT 16:27

Nen, sapi ai mene a'nogo inom, kambing ekhe a'nogo inom afuni weak hilingita mene An nen horogo legetfisoageluk, wa'nesimbik, amep An Nonggwarek Nawi hulu hore'ma a'nogo waluk kwigin mene andi ebe re, leget enda'ma waluk wulibi lambik, wam ebe pire andi mene agap inom, ebe inom, al inom, mondogat endu nolhi logouwago.

IMAMAT 24:9

Roti andoma re naiba fei wagu mene it imam mene inobaget oba nen Tuhan wogosi wagu mene mondok horek mene hilingi'more roti andi re at Harun eisok erokwe mene faget, iren obalik mondok horek oba omanogo nen ninggi logogun,” iluk isikhe.

IMAMAT 4:12

mondogat andi re waluk o sabu wurik mene abel endakwe fikhit wulibi laluk, wul kweisali laguba andi faget obuluk enegenggerogo were'ma aremnogo e nolhu mene wurogo amboloba nolhi logogun.

IMAMAT 4:21

Andi nen sapi ai mene a'nogo re waluk wulibi laluk, at Imam Agung a'nogo onggwarek aweak lek hilingisogo fouwageluk sapi ai mene warogo noluwogeluk hilingitarek higithogo waluk wulibi laluk o Sabu a'nogo abel endakwe fikhit noli laga logogun. Afuni inaweak legaphogo fisoageluk he a'nogo nek hilingiti logogun.

IMAMAT 6:10

Nen, warogo nolhu mene a'nogo mondogat wul agunem he, it imam en su celana horok mene inom su jubah mondok fano mene kain lenan oba selebensek mene inom laberaluk he, wam amusu wul oba pugunem yalelogo re mezbah wurik mene a'nogo erokwe andoma fikhi logogun.

IMAMAT 6:12

Endu mezbah amboloba andi re nagul agi'lek amulok lagagu mondok logouwagen he, hubet hundik-handik it imam omanogo nen he mezbah a'nogo amboloba andoma nolfuluk inaweak faget warogo nolugun iluk wam lambulogo fisoageluk a'nogo asei omanogo inom nolhi logogun, a'nogo hilingitunem he Tuhan endawimo agaiyeget fikhi logogun,” iluk yagaisoageluk, yagatikhe.

IMAMAT 6:20

”It Harun ambisangma mene yabu imam mene hilingiti logogun iluk inunggul sebelogo menfisikhi logolik, warogo nolhi logogun mene faget iluk yagahesigin. Linggene inebe menfisugu sambul andi re, aren tepung gandum meneba sagalek mene satu kilogram Tuhan obaget fikhi logogin. Nen fenare hubet faget fuluk, fena hu'mokwe faget fei waga logogin.

IMAMAT 6:22

Hundik-handik inetokhogo at Harun ambisangma mene ap imam inoe Imam Agung logouwageluk menfogoin mene a'nogo nen Tuhan obaget iluk fei wesugun andi re abirengge wogeti logogun.

IMAMAT 7:6

It ap mene nek imam omanogo ineisok erokwe mene wam andi ninggi logogun fanoba nen he, wam andi mondok horek mene hilingi'mo re, arogo obalik tukse'ma omanogo nenat enek ninggi logogun.