IMAMAT 5:8 - Allah Wene Fano Wene Hupla Inane

⁸ Sue omanogo waluk it imam inambit wagunem, imam en sue omanogo ap a'nogo aweak leget fouwageluk mene tak warogo fikhi logogun. Sue ebe alonggop teget higi'lek kwanirogo wati logogun.

IMAMAT 5:8 ပူးပေါင်းရင်းမြစ်များ

IMAMAT 1:15

Fei wagunem it imam en sue a'nogo waluk mezbah were'ma wagunem he, alonggobak perelogo watfuluk unggul enek mezbah amboloba nol fikhi logogun. Nen, sue a'nogo amep he mezbah a'nogo era'lukwe andoma kweterisikhi logogun.

IMAMAT 1:17

A'nogo hilingfuluk he sue a'nogo ogolabi tegeti'legengge amik fendel higik fuluk he, fendelek omanogo mezbah amboloba nolfikhi logogun. A'nogo nol fugunem he amben nen Tuhan endawimo agaiyeget fikhi logogun o,” iluk yagatikhe.

ROMA 4:25

At Allah nen he, nit at ane sebelogo herakfisaluk weak hilingiti lago andi nen he, Yesus ebe afuni nen wasuageluk pelakfei wagaikhemo ebe watukwama re, hobuk, ”Wene hit hinoba mene korogo wokhigi,” iluk, At ninom ninambotkwe hunogo ninobagaigeluk eluget fesikhe andi.

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.