IMAMAT 5:5 - Allah Wene Fano Wene Hupla Inane

⁵ Yi wene ti wene andi mondogat faget he, ap weak hilingitu agun a'nogo nen aweak fageti logogin.

IMAMAT 5:5 ပူးပေါင်းရင်းမြစ်များ

AYUB 33:27

Andiba re afuni hokhorogo inelokhoma nen aren ikhi logolik he, ”Mondok weak mene faget an nen fano mene anggikhi lagimo re naweak hokho mene werego. Ariginik kwelek oba nen he At Allah nen he an unggum wo'nete lek,” iluk igin.

MAZMUR 32:5

Namusu a'nogo palhu were'ma, hobuk nendawimo ebetigisik, an weak hilingiti lagagi mene ekhe sebel figi'lek, fakhogo neisena heilhanen fugunem, an weak hilingiti lagagi mene mondogat Haren sagalogo leget fisasigin.

AMSAL 28:13

Ap sa nen aweak endawimo hinago werek halok he at hobuk fano mene ekhe helagain mondok lek, nen ap sa nen aweak fakhogo fembik herakfisagain halok he, Tuhan nen endawi hundik hilingiti logogin.

YEREMIA 3:13

We haren fageti logolik, An neisena Tuhan Allahba weak hilingitik, Ane sagalogo figik, ikhi lagi iluk fagesigin andi fano o. Nen, haren fageti logolik he, An he e engga hikhogo wilibik mene a'makwe andoma nen tugwi kembu it inunggulenu amu mene nen obaget hilingitarek mene omanogo ninom pailak hilingiti lagi o, nen neisena Tuhan ane hologo hilingiti lagagi lego, iluk fage'no. Nen An Tuhan nane mondogat igi o,” iluk yagaisalan ikhemo yagahisa wagi o, isikhe.

DANIEL 9:4

A'nogo neisena Tuhan Allah ayonggo fikhi logolik he, afuni an ninom ninunggulenu misigat mene ninomen Allah ane sagalogo weak hilingitugu mene andi fakhogo fikhi logolik, mel yagati, ”Nineisena Allah henu hokho andi nen, nit Hat ninailorogo logolik fogethaforego, neisena. Hagainafuri nen, haren, Yi'nogo hilingiti logoino, ti'nogo hilingiti logoino, iluk komotninafigin wene andi higithogo hilingiti logolik, hebe inendawirogo welagaikharek mene andi, haren inebe hendawirinafu mondok logolik, wene warogo ninebe wo'ninafigin mene andi higithogoat ferinarek welagik, egendegaro, neisena. Meneat he, nit hat hawe a'ma lombokhogo logou ninabiren he, hane sagalogo weak hilingitik, kwanirogo hilingitik, ikhi logolik, Haren, Yi'nogo hilingiti logoino, ti'nogo hilingiti logoino, iluk komotninafigin wene andi, hane lisu palek oba louksek hilingiti'lek herakfisaluk, hunogo mene faget hilingitugu andi o, neisena.

IMAMAT 16:21

A'nogo waluk he, Harun enggi pirenet kambing andi unggul oba sebel fuluk, afuni Israel mene nen weak hilingitik, kwanirogo hilingitik, nane sagologo hilingitik horog hilingitik, aga mene andi mondogat fakhogo fikhi logouwak. A'nogo hilingisigin andiba afuni Israel mene weak hilingita mene andi mondogat felelenghogo kambing andi ungguloba fagain o. A'nogo fembik, ap ekhe ayonggo fogoin mene nen kambing andi silogo o leimo afuni le'ma andoma waluk lakfisa laga logouwak.

IMAMAT 26:40

Oba nen he it hinombawi nen inom, nen hiren inom, An nane sagalogo fuluk hilingiti lagep mene andoma hiren inom, nen hiren tagomangge mene nen inom hinaweak fagetu halok,

IMAMAT 5:13

Ap a'nogo aweak faget Tuhan nen lek hilingisogo fouwageluk he, it imam en warogo nolhi logogun. Oba nen he tepung fena tindel agu mene omanogo re gandum amep lek mene iluk nolhi logolik hilingitarek hakhogo it imam mene inobaget fikhi logogun,” iluk yagatikhe.

BILANGAN 5:7

ap a'nogo nen aweak fageti logolik, ap are weagat fagain mene a'nogo onggo higithogo wogeti logolik he dua puluh persen ekhe inom oba mangorogo wogeti logogin.

ROMA 10:10

Afuni inendawinggen Allah oba himbiret fugunem he, aren wene inoba mene korogo wokhaluk, hobuk inambotkwe at inom hunogo fisikherek. Nen, inambeba nen, at abok fakhogo ugunem he, telinaferek andi.

YOSUA 7:19

A'nogo oba agaikhemo Yosua nen hun Akhan oba ikhi logolik he, ”Namlogo, haren hilingiten mene andoma afuni Israel mene ineisena Tuhan Allah eilhanem fage'luk selekhogo nek ya nen in. Ekhe sebelhi'lek fakhogoat an yaganom o.” iluk yagatikhe.