IMAMAT 5:16 - Allah Wene Fano Wene Hupla Inane

¹⁶ Ap a'nogo nen attak fei waga lek mene a'nogo faget onggo obali'mo fikhi logolik he, 20 persen ekhe inom mangorogo fugunogo. Fuluk aren it imam omanogo wogisamo, iren ap a'nogo aweak lek hilingisogo fouwageluk wam a'nogo warogo nolumo, Tuhan nen ap a'nogo aweak lek hilingisogo fagain.

IMAMAT 5:16 ပူးပေါင်းရင်းမြစ်များ

MAZMUR 69:4

An nane hokhorogo yagahetu werek kwelek nomame mondok lek a'luk nalonggobele puk agunem welagi, neisena Allah nen telnabi wesigin iluk yetharek were'ma-were'ma re, neilenggen mondogat ou agunem welagi.

KELUARAN 22:1

”Ap misik ekhe nen wam sapi hea, domba hea, ekhe hina'luk senggelogo onggo wanhu halok, sapi misik faget obali'mo sapi 5 nen fogoin, nen domba misik faget obali'mo domba 4 en fogoin.

IMAMAT 22:14

Nen at imam ekhe eisok erokwe mene lek we ap amu meneba nen onggothogo nunggu mene An Tuhan nobaget fei wagu mene omanogo ekhe nagain halok, aren obali'mo it imam inoba dua puluh persen ekhe inom mangorogo wogisagain fano.

IMAMAT 27:13

Nen, ap a'nogo nen ambi wam a'nogo nekhengge onggwarek onggo palagain iluk anggugu halok he, aren wam a'nogo onggo hilingik aple higithogo fuluk fena dua puluh persen ekhe inom to'morogo fikhi logogin.

IMAMAT 27:15

Nen, ap a'nogo nen ambi o wurik a'nogo onggwarek onggo palagain iluk anggugu halok he, aren o a'nogo onggo hilingik aple higithogo fuluk he ekhe dua puluh persen inom seberogo fikhi logogin.

IMAMAT 27:27

Oba nen he wam saliogengge mene eak attak-attak ta'lagu mene halok he, onggo palhi logogun fano, nen onggo re Tuhan Awi Sabu salek oba werek higithogo fuluk he dua puluh persen ekhe inom seberogo fikhi logogun. Nen, onggo palhu lek halok he, ap amu mene inoba onggo Tuhan Awi Sabumo werek mene higithogo huniti logogun.

IMAMAT 27:31

Nen, ap ekhe nen ambi enggen ugu mene andoma fena huniragain anggugu halok he, andi faget onggo Tuhan Awi wuri'mo werek mene higithogo inom, ekhe dua puluh persen inom seberogo fikhi logogin.

IMAMAT 4:20

Andi nolhi logolik hilingitu mene andi re, afuni inaweak legaphogo fouwageluk sapi ai mene warogo nolhi logolik hilingitarek a'nogo hakhogo hilingiti logogun. Afuni weak a'nogo hilingitunem he, at Imam Agung a'nogo nen wam warogo nolhi logogin. Andiba re Tuhan nen afuni inaweak a'nogo lek hilingisogo fisikhi logogin.

IMAMAT 4:26

Andi nen he wam lambulogo ninobagauwageluk warogo nolhi logolik hilingitarek a'nogo hakhogo wam asei abirengge omanogo mezbah amboloba nolhi logogun. It imam en ap inoe ferinarek welagarek mene a'nogo aweak faget warogo nolhuba re, Tuhan nen ap a'nogo aweak lek hilingisogo fikhi logogin.

IMAMAT 5:10

Andi mondogat hilingfuluk he, wene melalek yi'nogo hilingi'no ti'nogo hilingi'no iluk werek mene higithogo re, sue pirenek mene a'nogo imam en warogo noletunem ap a'nogo aweak Tuhan nen lek hilingisogo fikhi logogin.

IMAMAT 5:13

Ap a'nogo aweak faget Tuhan nen lek hilingisogo fouwageluk he, it imam en warogo nolhi logogun. Oba nen he tepung fena tindel agu mene omanogo re gandum amep lek mene iluk nolhi logolik hilingitarek hakhogo it imam mene inobaget fikhi logogun,” iluk yagatikhe.

IMAMAT 5:6

Nen, at aweak hilingisigin mene a'nogo leget fouwageluk onggo re aren wam domba ogo, kambing ogo, he mene halok misik ekhe waluk wagunem, it ap imam omanogo nen ap a'nogo aweak lek hilingisogo fouwageluk wam a'nogo warogo Tuhan wogeti logogun.

IMAMAT 7:2

Wam hilingitu onggo faget andi re, wam senggelhuba obali'mo omanogo nen pal fuluk amep enek he mezbah a'nogo esanggo 4 en fikhit omanogo kweisal isikhi logogun.

BILANGAN 5:7

ap a'nogo nen aweak fageti logolik, ap are weagat fagain mene a'nogo onggo higithogo wogeti logolik he dua puluh persen ekhe inom oba mangorogo wogeti logogin.

BILANGAN 5:8

Oba nen he, ap oba weagerogo fagain mene a'nogo wa'lagunem at agaila'lak inom horoksek mene ekhe werek lek halok he, onggo fogoin engge andi waganogo Tuhan wogosumo, it imam inap inangge asigin. Onggo palugun engge andi re domba ai mene ap weak hilingitu mene a'nogo aweak hosuageluk fogoin mene andi inom sebesugun lek.

LUKAS 19:8

at Zakheus a'nogo menlagaikhesik he, Yesus oba mel yagatikhe: ”Noe! An nangge yi mene ti mene mondogat tulem heirogo minggilogo re, it afuni inenggi lek mene andi sumburisagain. Nen, an nen afuni nera nen lalinafi mene halok he, onggo nenggi 4 oba nen hobuk oba loukhogoat wogisagain o,” iluk yagatikhe.

KISAH PARA RASUL 26:20

Wene andi, attak it afuni Yahudi mene o Damsyik andoma welagaukwa mene yagaisasigi. Hobuk o Yerusalem lambik logolik, it andoma mene yagaisigik, o propinsi Yudea mene mondogat yagaisigik, isigisik, it endakwe mene yagaisilik nikhi lagi. A'nogo yagaisilik nikhi logolik he, weak hilingiti lagep mene herakfisambik hinobabut hebelasimbik hinelokhe Allah wogo'no o. Hinelokhe Allah wogosimbik he, hinobabut afuni inobabut hebela'luk hilingitarek hagat hilingiti logoino o, iluk yagaisikhi lagi.

1 SAMUEL 6:3

iren ikhi logolik he, ”Peti Wene Warogo Allah nen afuni Israel mene woginafikhe iluk hilingik mene andi, hiren weat lakfogoin mondok lego. We, nit weak hilingito, iluk onggo palogo yi mene ti mene ekhe inom hogo lakfogoin o. A'nogo lakfogoin halok, hit hinebene tuk-tugenggerik laga mene andi lek asuageluk hilinghinabigin o. A'nogo hilinghinafunem, hiren he, afuni Israel mene ineisena Allah nen nit wene ninoba filik wagasik mondok werek andi, ero andi nen higi, iluk hinelu asugun aro,” iluk yagaisasukwa.