IMAMAT 5:1 - Allah Wene Fano Wene Hupla Inane

¹ Ekhe ikhi logolik, ”Wam inaweak lek hilingisogo fouwageluk wogosi waga logolik he, ap ekhe o wene heirogo tegetarek oba andoma nen weinamhogo hikhe mene faget inom, esanggo holhe mene faget inom, fagesin iluk yagatunemen, aren fakhogo igi'lek labelhe halok he, at fagesigin lek andi onggo re onggwaregen ambisangma saburilik laga logogin.

IMAMAT 5:1 ပူးပေါင်းရင်းမြစ်များ

1RAJA-RAJA 22:16

A'nogo yagatikhemo, at Ahab en he, ”Haren yaganeti logolik, Nineisena Tuhan enu hombuk palogo wene sugwi asigin mene lek, ebe asigin meneat yagaheti lagi o, iluk Allah enu hombuk palogo yagane'nogoluk henggi miren oba komotnabigin nogo?” iluk yagatikhe.

1RAJA-RAJA 8:31

At ekhe nen, it ekhe weak hilinginafemo iluk wene oba fuluk, ebe waluk wagunem, wam yi mene ti mene Hat faget nolheti logogun oba obuluk hawi wuri'mo werek yiba wagunem, aren he, An weak ekhe hilingiti'lek, iluk Hat henu hombuk paluagaluk wagunem,

2 TAWARIKH 18:15

Oba nen he at Ahab en onggo ikhi logolik he, ”Haren Tuhan enuba an wene yaganesigiluk halok he, eberogo mene nek yagane'no; An nen wene andi faget he nenggi miren oba heluet hobagi nogo?”

MAZMUR 38:4

Hat ha'mage an noba fugunem he an noba ou mondok weakhogo hugu welagi, an naweagen he nebeba mondogat selek ekhe werek lek.

KELUARAN 22:11

wene andi faget he, wene kabogeri'lagwiba omanogo lambik, ap kulhi logogin mene a'nogo nen he, an nen kulhi logouwageluk noba fikhe mene andi re an nen hinati lego, iluk Tuhan enu hombuk palogo igin. Nen eberogo aren herate lek halok he, alomat laga mene andi faget he, onggwarek agun andi oba lombok, nen at kulhi laga mene andi nen onggo feinogo.

AMSAL 29:24

Ap inenggi abisak wanharek mene inom seberogo hilingiri'lagwi mene andi re, it inonggwarek inebe inabiren hilingiri'lagwi. Nen aren pilingitunem higithogo fagetu halok he at unggum oba fogoin. Oba nen aren ane legat logogin halok he Allah nen homan oba fagain.

AMSAL 30:9

Nen an nenggi werek agi halok he, an nen ikhi logolik, an he, Hat ninom hundik logou re nabit igi hanogo. Nen an nenggi lek mene agi halok he, an nen afuni inangge hinasumo nen he Hat henu sebelogo figi hanogo o,” iluk isikhe.

YESAYA 53:11

Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.

YEREMIA 23:10

Nit ninanggweang oba oma re afuni Tuhan oba tiphogo hilingiri'lagwi lek mene nek hokhorogo werek. It he inobaharo mene omanogo nek hilingitu logolik inomame a'luk logouwageluk menfisugu mene omanogoba we kwanirogo yugunat hilingiri'lagwi. Tuhan nen homan ikfisugunem he engga o leimo omanogo mondogat pukliok ugunem he, o kweang yi nogo mondogat fong watu werek.

YEHEZKIEL 18:20

Ap weak hilingiterek mene andi nek he at ebe wa'lasigin, at amlogo andi re at eisena aweak onggo wa'lasigin lek, hebekhogo re eisena ogo amlogo aweak onggo wa'lasigin legat. Ap fano hilingitarek mene andi inobabut fanorogo nek hilingitunem onggo ogo fano mene nek hikhi logogin. Nen inobabut weak mene andi re ina'mageba nek hilingitarek andi ambisangma re ou-pou mene nek hikhi logogun.

YEHEZKIEL 18:4

Afuni inebe lombok inareagun andi re An mene werek, ap inalue mene inom yenggerugwi magendek mene inom andoma inareagun he An mene nek were'ma re. ap ekhe weak hilingitu halok he ap andi ebeat wa'laga logogin.

IMAMAT 17:16

Nen, aren ambi a'nogo hilingite lek halok he at hilingitu mene onggo ambisangma saburikhi logogin, ikhe iluk yaga'no,” iluk yagatikhe.

IMAMAT 19:8

Sa nen, wam andi Allah fisogo mene, iluk futfigi'lek, kurik na lek hak aga mene andi nagain halok, weak hilingisigin mene andi wene onggwarek oba fakhamo re, An nen, at andi ebe An nagainafuri mene iluk anggagain lego.

IMAMAT 20:17

Ap mene misik ekhe nen at onggwarek erei inom ogo, nen ineisena misik oba nen inagaisa amu-amu mene halok ogo, inom sebetu halok he it andi hilingisu mondok elo'lek mene hilingitama iluk inonggwaregen hilingisugun onggo saburogoin andi. Nen, it andi re An nagainafuri mene werek he anggagain lek.

IMAMAT 5:15

”Nen, ap misik ekhe nen wenggelek legengge nen Tuhan obaget palfigi'lek hundik-handik fikhi logogin ilugen, figi'legengge hilingitu halok he ap andi nen fei wesigin lek mene andi higithogo fouwageluk obali'mo waluk nolesi wesigin fano. Nolesi wesigin mene andi re domba ogo kambing ogo ai mene halok misiktek higik, agap oba agambut palek lek mene halok o Tuhan Awi Sabu sale'ma onggo werek higithogo fuluk fei waga logogin.

IMAMAT 5:17

At Tuhan nen ikhi logolik wene yi'nogo hilingi'no ti'nogo hilingi'no iluk isikhe mene a'nogo misik ekhe ap misik ekhe nen wenggelek legengge ferekhogo sagalfugu halok he, aren hilingisigin mene andi onggo hikhi logogin enek.

IMAMAT 7:18

Oba nen he, wam kurik omanogo ando were'ma inenggi henaganek meneba asigin oba nen nunggu halok he, iren warogo nolugun mene a'nogo Tuhan nen wanigin lek andi nen at onggwarek oba weaget fakhagain andi. Nen at nagain agun andi re weak enek hilingisiginmo re, at hilingisigin onggo ambisangma hagain enek.

BILANGAN 9:13

Andiba nen he it afuni ekhe inebe emerek lek, nen kwe yaranggwe inom lagi'lek logolik meneba nen seni Paskah andi faget fogerati legengge hilingitu halok he, aren linggene melalek logogin aremnogoba wam warogo An wo'nesigin lek andiba re, An nen it andi faget An nagainafuri mene werek anggagain lek. Aren a'nogo hilingisigin andiba re ambisangma andoma hagain enek.

MATIUS 26:63

at Yesus ane igi'lek kamo isikhemo re, at ap kain Allah eisewerek mene a'nogo nen he, ”Allah amlogo Kristus lakfei wesigin isukwa a'nogo, ebe hat halok he, yaganisanok iluk, at Allah eluk mondok welagarek mene enu hombuk palogo yagaheti o,” iluk yagatikhemo,

1 PETRUS 2:24

Nit ninobabut weak hilingiti lagagu mene andi, afuni wa'la'luk yi mene ti mene hilingitarek lek andi hak, nit weak mene herakfisaluk, nineluk logolik Allah amolo mene hilingiti logouwageluk, nit weak hilingiti lagagu mene korogo, at Kristus oba fakhasikhemo, ebe eba menogo fuluk watukwa andi. At ebe hit faget oumo agambut telerogo watukwa andiba, hit fanothinafikhe andi.

HAKIM–HAKIM 17:2

Logolik linggene misik sambul he aren agaisaba ikhi logolik, ”Heisa, hat uang perak mene ebe 1.100 nen longgo ikhe sambul aremnogo an nen nesanggo holhugunemen he, heisa haren he ap hinate mene a'nogo homan fikhi lagen hiigi, nagaisa. Nagaisa ebe an nen hinatinggere uang ebe yi!” iluk isikhemo agaisa nen onggo ikhi logolik he, ”Namlogo, hebe Tuhan nen fanot hobagauwago!” iluk yagatikhe.