IMAMAT 4:4 - Allah Wene Fano Wene Hupla Inane

⁴ Sapi a'nogo waluk we'luk Tuhan Awi Sabu sale'ma solombonma omanogo fei wagunem, Imam Agung a'nogo nen enggi unggulmo sebel fuluk o sabu wuri'mo lelunggulmo aremnogo nen wati logogin.

IMAMAT 4:4 ပူးပေါင်းရင်းမြစ်များ

2 TAWARIKH 29:23

A'nogo hilingitukwasik he wurep oba re iren wam kambing aremnogo waluk he, it afuni a'nogo inom, at raja inom, samban ugunem lagaukwasik he it inebe abirengge a'nogo nen he inenggi kambing omanogoba sebeli lagaukwa.

YESAYA 53:6

Nit ninebe mondogat he wam domba longgo ikherek andi hak nonghong isugusik welagagu, kwe inanggwe lombok lagaikharek andi hak ninobabut lombogen weak hilingiti logagu. Nit ninebe mondogaren weak hilingiti lagagu mene a'nogo Tuhan nen waganogo at oba fakhasikhe.

DANIEL 9:26

A'nogo 62 kali 7 tahun logombik, ap Allah nen wenagaisogo menfagain mene andi weak hilingiti'lek meneat ebe wasugun. A'nogo wasumo, ap enupogot omame hokho mene agoromi tentara mene nen o kota Yerusalem inom, Allah awi wurik andi inom, meisalogo mondok leget fisagain. A'nogo logogun andem oba elugun kobokhogo re, Allah nen isikhe higithogoat, i fu nen yi mene ti mene waluk lagarek andi hak, weim yafik, yi mene ti mene mondok weaget figik, ugun.

IMAMAT 16:21

A'nogo waluk he, Harun enggi pirenet kambing andi unggul oba sebel fuluk, afuni Israel mene nen weak hilingitik, kwanirogo hilingitik, nane sagologo hilingitik horog hilingitik, aga mene andi mondogat fakhogo fikhi logouwak. A'nogo hilingisigin andiba afuni Israel mene weak hilingita mene andi mondogat felelenghogo kambing andi ungguloba fagain o. A'nogo fembik, ap ekhe ayonggo fogoin mene nen kambing andi silogo o leimo afuni le'ma andoma waluk lakfisa laga logouwak.

IMAMAT 4:15

Fei wagunem he it inogogwi kaindek inunggulenu andi mene inobaget mendek welagaikharek mene omanogo nen wam a'nogo ungguloba inenggi sebel fuluk aremnogo nenat wati logogun.

IMAMAT 4:29

Aren he wam a'nogo unggul oba enggi nen sebelek logolik, wam watfuluk noluogeluk senggelhuba mezbah werek mene a'nogo abel ambol fikhit andoma nen wati logogun.

IMAMAT 8:14

Andi mondogat hilingfisasikhesik, at Musa nen it inaweak lek hilingisogo fisoageluk wam sapi ai mene misik ket kotorek mene ekhe wanhikhesik at Harun inom, againafuri inom wam a'nogo unggul oba inenggi sebel fouwageluk yagaisasikhe.

BILANGAN 8:12

Andi hilingfuluk he it ap Lewi mene a'nogo inenggi re sapi ai mene pire aremnogo ungguloba sebelfugunem, misik ekhere it inaweak lek hilingisogo fisugu mene faget, nen misik ekhe re warogo nolnetu mene faget wo'nesugun. A'nogo hilingisugun mene andiba re it ap Lewi mene andi horek logogun.

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.