IMAMAT 4:34 - Allah Wene Fano Wene Hupla Inane

³⁴ Watfuluk imam en wam amep omanogoba enggi tum oba yugul haluk, mezbah unggut kwe andimuk nganoksek mene ebene omanogo yugul figik, nen alinlan he mezbah a'nogo erokwe kweisal isigik, khi logogun.

IMAMAT 4:34 ပူးပေါင်းရင်းမြစ်များ

YESAYA 42:21

Tuhan nen he telinabigin iluk agaiyek werek, wene Aren komotninafikhe wene andi, esinetfigik, agaugwetfigik, ikhi logoilep anggikherek.

IMAMAT 4:18

Amep fena fikhit he o Sabu elonggoma nen amben fano mene enu dupa nolhuba obalik wurik mene mezbah andimuk nganoksek mene a'nogo ebene wat fikhi logogun. Nen, tindurek he, warogo fei wagu mene nolhuba mezbah a'nogo o Sabu solombonma ebekwe kwi laguba andoma were'ma eisok erokwe kweisal isikhi logogun.

IMAMAT 4:25

Wat fuluk imam enggi tumen amep a'nogoba yugul haluk, mezbah unggut kwe andimuk nganoksek mene ebene aremnogo yugul fikhi logogun, nen, alinlan he mezbah a'nogo erokwe kweisal isikhi logogun.

IMAMAT 4:30

Wat fuluk imam en enggi tum oba mep a'nogoba yugul haluk, mezbah unggut kwe andimuk nganoksek mene ebene omanogo yugul figik, nen, alinlan he mezbah a'nogo erokwe kweisal isigik, ikhi logogun.

IMAMAT 4:7

Mep a'nogo nen fena fikhit he o Sabu elonggoma nen amben fano mene enu duba noli kuguba obalik mezbah a'nogo andimuk nganoksek mene ebene watfuluk, fena abirengge re mezbah warogo nolhu men o Sabu elokhoma werek mene a'nogo eisok erokwe andoma kweisal isikhi logogin.

YOHANES 17:19

It inebe hat honggwarek faget ebe weneba tegelek logouwageluk he, an it faget nebe tegelogo fisigirik welagi o.

ROMA 10:4

At Kristus ebe kweangma pi wagaikhe andiba, wene Allah nen komotninafikhe wene a'nogo ebe agaikhe. Afuni inendawinggen at Kristus oba himbiret fagarek mene halok inebe lombok, wene inoba mene korogo wokhasikhesik, hobuk inambotkwe Allah inom hunogo fisikherek.

ROMA 8:1

Yogondak nit Kristus Yesus ninom hundik welago mene halok Allah nen wene ninoba fuluk weagetninabigin lego.

ROMA 8:3

Attak he, Allah nen komotninafikhe wene a'nogo, nit afuni ninobabut lebelek andi nen he, fano hilingninabu elo'lek agaikhe. Elo'lek agaikhemo re, nit afuni ninobabut weak hilingitu were'ma, Allah onggwarek amlogo nit hangge hilingla'luk, nit weak hilingitorek mene andi wene oba fesikhesik sebelfisoageluk lakfei wagaikhemo sebelfisasikhe andi.

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

IBRANI 10:29

Andi hak, it afuni nen Allah amlogo meneat he, ineisogen al perelogo herakfisigik, Allah nen nit ninom hunesuogeluk Kristus wa'lagaikhe andiba amep oba fano horinafikhe meneat he, hobuk inendawimo nen sebelfigik, Allah obabut fano mene Areagun a'nogo inane asegen wokhigik, ugu halok he, wene mondok enggin mene inoba fembik weagerinabigin o.

IBRANI 2:10

At Allah andi re, yi mene ti mene at onggwarek faget, onggwaregenat elalhikhe mene nen, afuni at againafuri hokhorogoat fogerinafi logogun oba woginarek loageluk, kwe wanhikhe mene ebe Yesus aro. Arenat afuni elok telinabimbik woginarek laga logouwageluk yi enggin ti enggin hilik-hilik wa'lasuageluk anggasikhe andi re, elok angga hagat higithogo anggasikhe.

1 PETRUS 2:24

Nit ninobabut weak hilingiti lagagu mene andi, afuni wa'la'luk yi mene ti mene hilingitarek lek andi hak, nit weak mene herakfisaluk, nineluk logolik Allah amolo mene hilingiti logouwageluk, nit weak hilingiti lagagu mene korogo, at Kristus oba fakhasikhemo, ebe eba menogo fuluk watukwa andi. At ebe hit faget oumo agambut telerogo watukwa andiba, hit fanothinafikhe andi.

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.