IMAMAT 4:26 - Allah Wene Fano Wene Hupla Inane

²⁶ Andi nen he wam lambulogo ninobagauwageluk warogo nolhi logolik hilingitarek a'nogo hakhogo wam asei abirengge omanogo mezbah amboloba nolhi logogun. It imam en ap inoe ferinarek welagarek mene a'nogo aweak faget warogo nolhuba re, Tuhan nen ap a'nogo aweak lek hilingisogo fikhi logogin.

IMAMAT 4:26 ပူးပေါင်းရင်းမြစ်များ

2 TAWARIKH 29:24

A'nogo hilingfuluk he at raja nen melalinafi logolik he, it afuni Israel mene inebe mondok faget wam inaweak legaphogo fouwageluk mene inom, wam warogo nolengge nolhu mene inom wasugun iluk yagaisasikhemo re, a'nogo higithogo, kambing omanogo watukwasik he amep he it imam omanogo nen it afuni abirengge inaweak legaphogo iluk he mezbah wurik oba a'nogo kweisal fesukwa.

YEHEZKIEL 43:22

Ohealek he haren kambing ai mene agambut palek lek mene ekhe inaweak horogo leget fugu mene faget warogo nolhi logolik, mezbah andi amep oba hora'no. Sapi ai mene kotorek mene a'nogoba hilingisigin mene aremnogo higithogo nek hilingi'no.

IMAMAT 1:4

A'nogo fei we'luk he, at a'nogo nen enggi wam a'nogo unggul sebel fugunem, at Tuhan nen he ap andi nen fugu mene andiba aweak legaphogo fugu mene iluk wanhi logogin.

IMAMAT 12:8

Nen, at he andi nen he domba fougetu aple elo'lek agu halok he, aren sue merpati ket alue agu mene pirerogo hea, athe sue tekukur ket alue agu mene pirerogo hea, inom waluk waga logogin, andi mene misik ekhe re Tuhan endawimo agaiyeget fugu mene, misik ekhe re aweak legabesuageluk mene, faget waluk wagunem he it imam en he, he a'nogo enggi sabul hosuageluk hilingitunem at he a'nogo ebe pugunsek mene aga logogin.

IMAMAT 14:18

A'nogo hilingfuluk amusu fena werek mene omanogo abirengge re, ap a'nogo ungguloba kweisal isikhi logogun. A'nogo hilingisugun andiba it imam en Tuhan eilhanem ap a'nogo ebeba fano horek mene logouwageluk hilingisugun.

IMAMAT 15:15

Wogisa wagunem it imam omanogo nen sue misik ekhere at aweak lek hilingisogo fouwageluk, nen ekhere aren nolengge nolhu mene iluk wogeti logogun. A'nogo hilingiti logogun oba ap a'nogo ebe pugunsek logouwageluk it imam en Tuhan elokhoma fanoet fikhi logogun andi.

IMAMAT 17:11

Yi mene ti mene eluk werek mene oma re amep oba nek eluk welagarek. Andi nen he, Tuhan nen ikhi logolik he amep mondogat he, At againafuri inaweak leget fisouwageluk mezbah amboloba omanogo nek kweisalisikhi logogun. Nen, mep andi re ebe eluk oba Aren inaweak lek hilingisogo fisikhi logogin.

IMAMAT 19:22

Fei wagunem, ap weak hilingite mene andi, an nen horogo legetfisoageluk, ap imam mene nen afuni weak hilingita mene horinabuageluk An nobaget hilingiti logolik, wam domba andi wa'nesugun o. A'nogo hilingitunem An nen at aweak hilingite mene andi horogo legetfisagain o.

IMAMAT 3:5

Mondogat andi re amu mene inom seberogo nolhu mene iluk mezbah amboloba nolhi logogun. A'nogo nol fugunem he amben nen he Tuhan endawimo agaiyeget fikhi logogin.

IMAMAT 4:19

Wam a'nogo asei abirengge waluk he mezbah amboloba nolhi logogun.

IMAMAT 4:20

Andi nolhi logolik hilingitu mene andi re, afuni inaweak legaphogo fouwageluk sapi ai mene warogo nolhi logolik hilingitarek a'nogo hakhogo hilingiti logogun. Afuni weak a'nogo hilingitunem he, at Imam Agung a'nogo nen wam warogo nolhi logogin. Andiba re Tuhan nen afuni inaweak a'nogo lek hilingisogo fisikhi logogin.

IMAMAT 4:31

Asei re misi'mo lambulogo ninobagauwageluk warogo nolhi logolik, hilingitarek higithogo abirengge waluk imam en Tuhan endawimo agaiyek hoageluk mezbah amboloba nolhi logogin. Afuni we hesangge mene faget he imam en a'nogo warogo nolhunem, ap a'nogo aweak Tuhan nen lek hilingisogo fikhi logogin.

IMAMAT 4:35

A'nogo hilingfuluk wam a'nogo asei re Tuhan nen lambulogo ninobagauwageluk, warogo nolhi logolik hilingitarek higithogo, asei omanogo abirengge wanhi logogun. Asei omanogo re, nunggu mene inom, Tuhan obaget nolhu mene omanogo inom seberogo mezbah amboloba nolhi logogun. A'nogo nek it imam en he ap a'nogo aweak faget warogo wogeti logogun, andiba ap andi Tuhan nen aweak lek hilingisogo fikhi logogin o,” iluk yagatikhe.

IMAMAT 5:10

Andi mondogat hilingfuluk he, wene melalek yi'nogo hilingi'no ti'nogo hilingi'no iluk werek mene higithogo re, sue pirenek mene a'nogo imam en warogo noletunem ap a'nogo aweak Tuhan nen lek hilingisogo fikhi logogin.

IMAMAT 5:13

Ap a'nogo aweak faget Tuhan nen lek hilingisogo fouwageluk he, it imam en warogo nolhi logogun. Oba nen he tepung fena tindel agu mene omanogo re gandum amep lek mene iluk nolhi logolik hilingitarek hakhogo it imam mene inobaget fikhi logogun,” iluk yagatikhe.

IMAMAT 5:16

Ap a'nogo nen attak fei waga lek mene a'nogo faget onggo obali'mo fikhi logolik he, 20 persen ekhe inom mangorogo fugunogo. Fuluk aren it imam omanogo wogisamo, iren ap a'nogo aweak lek hilingisogo fouwageluk wam a'nogo warogo nolumo, Tuhan nen ap a'nogo aweak lek hilingisogo fagain.

IMAMAT 5:18

Nen hilingitu mene onggo iluk obali'mo fei waga logolik he, wam domba ogo, kambing ogo, ai meneba nen agap oba agambut palek lek mene halok o Tuhan Awi Sabu sale'ma onggo werek higithogo mene fei waga logogun. Nen, it imam omanogo nen he wam a'nogo warogo ap a'nogo aweak faget nolhunem he, at aweak Tuhan nen lek hilingisogo fikhi logogin.

IMAMAT 6:7

It imam omanogo nen he ap a'nogo aweak faget warogo nolhunem Tuhan nen ap a'nogo aweak legaphogo fikhi logogin,” iluk yagatikhe.

BILANGAN 15:25

A'nogo hilingi'luk he at imam en afuni inaweak lek hilingisogo fisoageluk inobaget hilingiti logogin. Andiba re, iren hilingisugun mene andi inendawi wenggelfuluk hilingisugun le'ma nen iren ninaweak lek hilingisogo ninobagauwageluk, Tuhan obaget nolhu mene wam waluk wesugun mene andiba re, afuni andi inaweak lek hilingisogo fisikhi logogin.

BILANGAN 15:28

A'nogo fugunem he. it imam en ap a'nogo Tuhan elokhoma nen aweak lek hilingisogo fouwageluk he obaget hilingiti logogin.