IMAMAT 4:25 - Allah Wene Fano Wene Hupla Inane

²⁵ Wat fuluk imam enggi tumen amep a'nogoba yugul haluk, mezbah unggut kwe andimuk nganoksek mene ebene aremnogo yugul fikhi logogun, nen, alinlan he mezbah a'nogo erokwe kweisal isikhi logogun.

IMAMAT 4:25 ပူးပေါင်းရင်းမြစ်များ

KELUARAN 29:12

Sapi andi amep henggi nen waluk he mezbah andi andimuk ebene andoma yugul feino, tindel asigin mene re mezbah a'ma fikhit ma'lima kweisal feino.

YESAYA 40:21

O kweang attak andoma eroma nen hilinglagaikhe mene faget he hat he honggorengge welagen a? Hat he o attak andoma re yagaheti lagaukwa lega? Eroba nen o kweang yi hilinglagaikhe mene andoma re hat he fut figi'lek welagen andi a?

IMAMAT 16:18

at ebe wulibi wesimbik he, wam sue An faget warogo nolnetarek oba andi hosigiluk wesigin o. Wesimbik, sapi inom, kambing inom, amep endebat halok ekhe wanimbik he, mezbah oba andimuk fena-fena nganoksek andoma ebene wati logouwago.

IMAMAT 17:11

Yi mene ti mene eluk werek mene oma re amep oba nek eluk welagarek. Andi nen he, Tuhan nen ikhi logolik he amep mondogat he, At againafuri inaweak leget fisouwageluk mezbah amboloba omanogo nek kweisalisikhi logogun. Nen, mep andi re ebe eluk oba Aren inaweak lek hilingisogo fisikhi logogin.

IMAMAT 4:18

Amep fena fikhit he o Sabu elonggoma nen amben fano mene enu dupa nolhuba obalik wurik mene mezbah andimuk nganoksek mene a'nogo ebene wat fikhi logogun. Nen, tindurek he, warogo fei wagu mene nolhuba mezbah a'nogo o Sabu solombonma ebekwe kwi laguba andoma were'ma eisok erokwe kweisal isikhi logogun.

IMAMAT 4:24

Aren he wam a'nogo unggul enggi nen sebel fuluk wam warogo noluogeluk palharek oba, mezbah werek mene a'nogo abel ambol fikhit were'ma aremnogo nen wati logogun.

IMAMAT 4:30

Wat fuluk imam en enggi tum oba mep a'nogoba yugul haluk, mezbah unggut kwe andimuk nganoksek mene ebene omanogo yugul figik, nen, alinlan he mezbah a'nogo erokwe kweisal isigik, ikhi logogun.

IMAMAT 4:34

Watfuluk imam en wam amep omanogoba enggi tum oba yugul haluk, mezbah unggut kwe andimuk nganoksek mene ebene omanogo yugul figik, nen alinlan he mezbah a'nogo erokwe kweisal isigik, khi logogun.

IMAMAT 4:7

Mep a'nogo nen fena fikhit he o Sabu elonggoma nen amben fano mene enu duba noli kuguba obalik mezbah a'nogo andimuk nganoksek mene ebene watfuluk, fena abirengge re mezbah warogo nolhu men o Sabu elokhoma werek mene a'nogo eisok erokwe andoma kweisal isikhi logogin.

IMAMAT 5:9

Alonggop kwanirogo watfuluk sue a'nogo amep waganogo re mezbah esanggokwe kweterisikhi logogun oba nen he, fenare ap a'nogo aweak lek hilingisogo fouwageluk mezbah a'nogo eisok erokwe kweisal isikhi logogin.

IMAMAT 8:10

A'nogo mondogat hilingitukwasik, at Musa nen amusu ap menfisikhi logolik watfisikhi lagaukwa mene a'nogo waganogo re Awi Sabu sale'ma omanogo inom, o sabu andi elonggolokwe hilingitarek mene omanogoba inom kwetet higik warik lagaikhe. A'nogo hilingitikhe andiba re yi mene ti mene andoma mondogat he Tuhan faget tegelek logouwageluk hilingfesikhe.

IMAMAT 8:15

A'nogo yagaisasikhesik, at Musa nen wam a'nogo warogo amep fena wanhikhesik he, amep a'nogo mezbah andimuk nganok se'ma unggut fena-fena omanogo mezbah andi re Allah faget tegelek mene logouwageluk enggi tum oba yugulogo watfesikhe. Nen, mep fenakwe omanogo re mezbah a'nogo erokwe omanogo kweisal isasikhe. Obalik warogo nolhu mene faget andi re mondok horek logouwagiluk a'nogo hilingiti lagaukwa.

IMAMAT 9:9

Wat fesikhesik at Harun amlogomi nen wam amep a'nogo at Harun wogetukwama aren enggi tumen mep a'nogoba yugulhasikhesik mep a'nogo mezbah unggut 4 en hilingi'mo aremnogo ebene watfilik lagaikhe. A'nogo hilingfuluk amep fenakwe omanogobare mezbah erokwe kweisal isasikhe.

ROMA 10:4

At Kristus ebe kweangma pi wagaikhe andiba, wene Allah nen komotninafikhe wene a'nogo ebe agaikhe. Afuni inendawinggen at Kristus oba himbiret fagarek mene halok inebe lombok, wene inoba mene korogo wokhasikhesik, hobuk inambotkwe Allah inom hunogo fisikherek.

IBRANI 2:10

At Allah andi re, yi mene ti mene at onggwarek faget, onggwaregenat elalhikhe mene nen, afuni at againafuri hokhorogoat fogerinafi logogun oba woginarek loageluk, kwe wanhikhe mene ebe Yesus aro. Arenat afuni elok telinabimbik woginarek laga logouwageluk yi enggin ti enggin hilik-hilik wa'lasuageluk anggasikhe andi re, elok angga hagat higithogo anggasikhe.

IBRANI 9:22

Allah nen wene komotninafikhe wene andi higithogo hilingiti logolik, yi mene ti mene mondogat mep oba nek hotaresi'mo andi nen he, mep wulafi'lek halok he, afuni weak hilingitarek mene sebelogo legetfisagain elo'lek andi nen he, mep watikhe andi.