IMAMAT 4:21 - Allah Wene Fano Wene Hupla Inane

²¹ Andi nen sapi ai mene a'nogo re waluk wulibi laluk, at Imam Agung a'nogo onggwarek aweak lek hilingisogo fouwageluk sapi ai mene warogo noluwogeluk hilingitarek higithogo waluk wulibi laluk o Sabu a'nogo abel endakwe fikhit noli laga logogun. Afuni inaweak legaphogo fisoageluk he a'nogo nek hilingiti logogun.

IMAMAT 4:21 ပူးပေါင်းရင်းမြစ်များ

EZRA 8:35

Linggene a'nogo sambul enek he it afuni hele warogo fisa lagaukwa ma nen wagaukwa mene omanogo inebe mondogaren, Tuhan Allah afuni Israel mene ineisena a'nogoba wam Tuhan endawimo agaiyek hoageluk mene warogo noletukwa. Andi sambul wam watukwa mene it afuni Israel mene inebe lambulogo faget he sapi ai mene 12 nen inom, domba eagwi 77 nen inom watukwa. Andi nen fena re nit ninonggwarek faget ninaweak lek hilingisogo ninobagauwageluk Tuhan kino yagati logolik faget iluk he, wam kambing 12 nen watugusik he, mondogat warogo re Tuhan obaget iluk nolhugu.

KELUARAN 29:14

Wam sapi andi eino inom, alabut inom, agap inom, enggi, eisok abirengge andoma waganogo endakwe fikhit nol feino. A'nogo noligin mene andi re, it imam inaweak legap esuageluk hilingisigin.

YEHEZKIEL 45:22

Hinenggi attak meneba re ap ekhe enu werek logolik melalinafi logogin mene a'nogo nen he at onggwarek inom, afuni mondogat inom inaweak legetfisoageluk he sapi ai mene misik ekhe warogo fikhi logogin.

IMAMAT 16:15

A'nogo arat hilingfuluk he, afuni Israel mene mondogat weak hilingita mene An nen horogo legetfisoagaluk kambing warogo senggelino o. Senggelimbik, amep he, An nonggwarek nawi hulu hore'ma a'nogo waluk kwimbik, wam sapi ai mene amep waluk kwimbik hilingisigin andi higithogoat, peti An nen wene warogo wokhinafigi iluk hilingik werek andi ambe sa'lip ebene kwetet higik, watfuluk he, elokhekwe figit kwetet higik, watfikhi logouwago.

IMAMAT 16:21

A'nogo waluk he, Harun enggi pirenet kambing andi unggul oba sebel fuluk, afuni Israel mene nen weak hilingitik, kwanirogo hilingitik, nane sagologo hilingitik horog hilingitik, aga mene andi mondogat fakhogo fikhi logouwak. A'nogo hilingisigin andiba afuni Israel mene weak hilingita mene andi mondogat felelenghogo kambing andi ungguloba fagain o. A'nogo fembik, ap ekhe ayonggo fogoin mene nen kambing andi silogo o leimo afuni le'ma andoma waluk lakfisa laga logouwak.

IMAMAT 16:27

Nen, sapi ai mene a'nogo inom, kambing ekhe a'nogo inom afuni weak hilingita mene An nen horogo legetfisoageluk, wa'nesimbik, amep An Nonggwarek Nawi hulu hore'ma a'nogo waluk kwigin mene andi ebe re, leget enda'ma waluk wulibi lambik, wam ebe pire andi mene agap inom, ebe inom, al inom, mondogat endu nolhi logouwago.

IMAMAT 4:13

Nen, it weak hilingiti logogun mene andi re afuni Israel inap mondogat weak hilingfuluk, Tuhan Awene melalek werek mene omanogo misik ekhe wenggelhigik legengge nen taganet fuluk hilingiri'lagwi,

IMAMAT 4:20

Andi nolhi logolik hilingitu mene andi re, afuni inaweak legaphogo fouwageluk sapi ai mene warogo nolhi logolik hilingitarek a'nogo hakhogo hilingiti logogun. Afuni weak a'nogo hilingitunem he, at Imam Agung a'nogo nen wam warogo nolhi logogin. Andiba re Tuhan nen afuni inaweak a'nogo lek hilingisogo fisikhi logogin.

IMAMAT 6:11

A'nogo hilingfuluk at a'nogo asu amu mene laberaluk wul a'nogo hambokhogo waluk he, o sabu wuri'mo nen endakwe fikhit obalik enegenggere'ma andoma fei wilifi logogin.

IMAMAT 6:23

Amep werek lek mene weragaisogo noli waga logogun mene andi re endebengge iluk ogo ekhe it ninggi'legengge mondogat it imam en nolhi logogun,” iluk isikhe.

IMAMAT 8:17

Oba nen he sapi a'nogo eino inom, agap inom, elonggomangge mondogat inom, alabut inom, wam sapi andi abirenggeba nen he, we fena amumu enogo fesukwa mene omanogo nek fuluk he, mondogat Tuhan nen wene melalek yagaisasikhe higithogo o Tuhan Awi Sabu salek oba omanogo nen endakwe fikhit nolhukwa.

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

IBRANI 13:11

O andoma it ap Allah eisewerek inoe kain en it mondogat weak hilingiti lagaukwa mene Allah nen sebelogo legetfisoageluk, wam warogo amep waluk o Allah onggwarek awi hulumo andoma kwikhi lagaikhe meneat he, wam ebe nek he, leget enda'ma endu noli wulifi lagaukwa.