IMAMAT 4:12 - Allah Wene Fano Wene Hupla Inane

¹² mondogat andi re waluk o sabu wurik mene abel endakwe fikhit wulibi laluk, wul kweisali laguba andi faget obuluk enegenggerogo were'ma aremnogo e nolhu mene wurogo amboloba nolhi logogun.

IMAMAT 4:12 ပူးပေါင်းရင်းမြစ်များ

KELUARAN 29:14

Wam sapi andi eino inom, alabut inom, agap inom, enggi, eisok abirengge andoma waganogo endakwe fikhit nol feino. A'nogo noligin mene andi re, it imam inaweak legap esuageluk hilingisigin.

YEHEZKIEL 43:21

Andi hilingfuluk sapi ai mene inaweak horinafu mene andi waluk obalik mondogat tukhogo hilingi'mo o Tuhan awi wurik andi era'lu obalik mondok hore'ma andoma nen endakwe fikhit andoma endu nolino.

IMAMAT 13:46

At oba ou andi mene wanhu were'ma andem he, ebe emeregat logolik, o sabu sale'ma nen enda'ma it afuni amu mene were'ma nen eil uanhogoat logogin.

IMAMAT 16:27

Nen, sapi ai mene a'nogo inom, kambing ekhe a'nogo inom afuni weak hilingita mene An nen horogo legetfisoageluk, wa'nesimbik, amep An Nonggwarek Nawi hulu hore'ma a'nogo waluk kwigin mene andi ebe re, leget enda'ma waluk wulibi lambik, wam ebe pire andi mene agap inom, ebe inom, al inom, mondogat endu nolhi logouwago.

IMAMAT 4:21

Andi nen sapi ai mene a'nogo re waluk wulibi laluk, at Imam Agung a'nogo onggwarek aweak lek hilingisogo fouwageluk sapi ai mene warogo noluwogeluk hilingitarek higithogo waluk wulibi laluk o Sabu a'nogo abel endakwe fikhit noli laga logogun. Afuni inaweak legaphogo fisoageluk he a'nogo nek hilingiti logogun.

IMAMAT 6:23

Amep werek lek mene weragaisogo noli waga logogun mene andi re endebengge iluk ogo ekhe it ninggi'legengge mondogat it imam en nolhi logogun,” iluk isikhe.

IMAMAT 6:30

Wam inaweak legaphogo iluk hilingitu sambul faget warogo fei wagu mene andi it ninggi'legengge nol fuluk abirengge amep fena re Senggelek Hore'ma andoma waluk kugu mene faget fikhi logogun,” iluk yagatikhe.

IMAMAT 6:4

Fei waga logolik he, ap weak hilingisigin mene a'nogo nen he agaila'lak inangge labelhigik helagain mene omanogo abirengge obali'mo onggo fagain. Nen, at weak hilingitunem herakfuluk halok he, at onggwarek agun a'nogoba onggo wogeti logolik, aren dua puluh persen ekhe inom to'morogo wogosigin.

IMAMAT 8:17

Oba nen he sapi a'nogo eino inom, agap inom, elonggomangge mondogat inom, alabut inom, wam sapi andi abirenggeba nen he, we fena amumu enogo fesukwa mene omanogo nek fuluk he, mondogat Tuhan nen wene melalek yagaisasikhe higithogo o Tuhan Awi Sabu salek oba omanogo nen endakwe fikhit nolhukwa.

IMAMAT 9:11

Oba nen he, wam a'nogo agap inom, eino inom enek he o sabu sale'ma omanogo abel endakwe fikhit andoma nolhikhe.

BILANGAN 15:35

Tuhan nen Musaba yagati logolik he, ”Ap andi re ebe pinggi wasugun. At ebe waluk he o sabu wurik mene omanogo abel endakwe fikhit wulibi laluk he, it afuni a'nogo nen helep oba tunghogo pinggi warogo foumo wa'lasigin.” iluk yagatikhe.

BILANGAN 19:3

imam Eleazar wogosi we'no. Fei wagu mene andi re O Sabu wuri'mo nen waluk enda'ma wulibi laluk, ap imam inelokhoma nen wati logogun.

BILANGAN 19:5

Sapi andi agap inom, eino inom, al inom, amep inom, mondogat he imam elokhoma andoma endu nolhi logogin.

BILANGAN 5:3

An nebe namlogomi ninom welagiba andoma emetlasinogo iluk he, it wulibi loageluk yagaisikhi logogun,” iluk yagaisano yagatikhe.

IBRANI 13:11

O andoma it ap Allah eisewerek inoe kain en it mondogat weak hilingiti lagaukwa mene Allah nen sebelogo legetfisoageluk, wam warogo amep waluk o Allah onggwarek awi hulumo andoma kwikhi lagaikhe meneat he, wam ebe nek he, leget enda'ma endu noli wulifi lagaukwa.