IMAMAT 4:1 - Allah Wene Fano Wene Hupla Inane

^1-2 At Tuhan nen Musa mimingiti logolik, ”It inunggulenu Israel mene ap sa nen wenggelek le'ma nen Tuhan nen yi'nogo hilingi'no ti'nogo hilingi'no ikhe mene a'nogo sagalogo fuluk weak hilingitu halok, wene melalek yi'nogo hilingiti logogun iluk hane menfei lan o.

IMAMAT 4:1 ပူးပေါင်းရင်းမြစ်များ

IMAMAT 16:3

Wene palek werek andi higithogo at Harun nen An Nonggwarek nawi hulu senggele'ma hore'ma andoma kwigiluk halok he, wam sapi ai mene it weak hilingita mene An nen horogo legetfisoageluk, wa'netik, nen domba ai mene lolnetik, imbik halok enek kwikhi logouwago.”

IMAMAT 3:17

Afuni Israel mene nen he amep inom asei inom andoma ninggi logogun lek. Wene melalek yire etok mondok were'ma, it Israel mene nen o yi awi ti awi andoma logolik wene yi tiphogo nek hilingiti logogun,” iluk yagatikhe.

IMAMAT 4:13

Nen, it weak hilingiti logogun mene andi re afuni Israel inap mondogat weak hilingfuluk, Tuhan Awene melalek werek mene omanogo misik ekhe wenggelhigik legengge nen taganet fuluk hilingiri'lagwi,

IMAMAT 6:30

Wam inaweak legaphogo iluk hilingitu sambul faget warogo fei wagu mene andi it ninggi'legengge nol fuluk abirengge amep fena re Senggelek Hore'ma andoma waluk kugu mene faget fikhi logogun,” iluk yagatikhe.

IMAMAT 9:8

A'nogo yagatikhemo at Harun a'nogo lagaikhesik aren sapi ai mene at onggwarek aweak leget fisoageluk faget fouget fesikhe mene a'nogo mezbah were'ma omanogo waluk lagaikhesik wasi lagaikhe.