IMAMAT 3:9 - Allah Wene Fano Wene Hupla Inane

^9-10 At Tuhan ninom sebesugun iluk anggo warogo fei waga logogin mene andi nen, it imam en domba andiba Tuhan obaget iluk fikhi logogun mene re yi: Sei elonggomangge huli'lip sek mene inom, sei ageroma andem mene sapukhogo inom, anggerang sei inom, amuli fano mene inom, asimogol fena fano mene inom halok fikhi logogun.

IMAMAT 3:9 ပူးပေါင်းရင်းမြစ်များ

2 SAMUEL 6:17

A'nogo hilingirik wagaikhesik he, Peti Wene Warogo Allah nen wo'ninafikhe, iluk hilingik a'nogo obuluk at Daud en o su mene wutikheba andoma fesukwa. A'nogo fesukwasik, at Daud en wam nineisena Tuhan faget warogo noletik, Allah ninom lambulho, iluk warogo noletik, isikhe.

1RAJA-RAJA 3:15

A'nogo yagatikhemo, abi hasikhesik eluk agaikhesik he, ”Allah nen nabiba yaganetemo higi,” iluk futfesikhe. A'nogo futfuluk, ambotkwe o Yerusalem wagaikhesik, nineisena Enupogoren Peti Wene Warogo wo'ninafikhe iluk hilingik a'nogo elokhoma mendek logolik, wam yi mene ti mene Allah faget warogo noletik, Allah ninom lambulogo iluk ekhe warogo noletik, isikhe. A'nogo hilingitikhesik, agoromi kaindek mondogat faget pesta hilingitikheat.

1RAJA-RAJA 8:63

A'nogo warogo noleti logolik, at Salomo nen Allah ninom lambulogo iluk wam sapi 22.000 nen watikhe, nen domba 120.000 nen watikhe. At kain raja Salomo inom, afuni Israel mene inom, inomen nineisena Tuhan awi wutukwa mene faget wam a'nogo warogo kwe hutukwa.

1RAJA-RAJA 8:64

A'nogo hilingiti logolik, enggi andi sambul at Salomo nen Allah awi wuri'mo elokhoma higit o sili hilingitikhe mene andi heirogo tulem hulirogo Allah faget fisasikhe. A'nogo hilingiti logolik, at faget wam sapi ebe noletik, sumburu gandum mene noletik, Allah ninom lambulogo iluk anggo ebe waretukwa mene sei noletik, isikhe. Wam, yi mene ti mene Allah faget noleti logogin oba mezbah wutikhe mene a'nogo obalik keloksek welagaikhemo re, andoma mondogat he, o silimo nen noletikhe andi.

1 TAWARIKH 16:1

Peti Wene Warek a'nogo re at Daud en o sabu Peti faget iluk obalik halfesikheba a'nogo fei kwisukwa. Fei kwisukwasik he iren wam Allah endawimo agaiyek hoageluk mene inom, nen fanot ninabuageluk mene inom, At obaget hilingiti logolik warogo noletukwa.

KELUARAN 29:22

Domba ai mene a'nogo asei inom, ageba asei werek mene a'nogo inom, elonggomanggeba asei huli'lipsek mene a'nogo inom, wam amuanggo oba nen mondok fano fikhit mene halok ogo, amuanggo pire aremnogo asei et engge inom, enggi eisok ebekwe mene inom, wanino.

AMSAL 23:26

Namlogo e! Hendawinggen oba nen an hilingitirek mene fanorogo futfuluk, an nobabut waganogo hilingiti logoino.

YESAYA 53:10

Tuhan nen anggikhi logolik, at enggin-fenggin hoak iluk anggasikhe, nen nit ninebe mondogat ninaweak hosuageluk wam warogo nolharek hak At ebeat wasuak anggasikhe. A'nogo hilingite andiba at umur uanhogo logolik at ambisangma nen tago mene eilenggen isagain, at oba nen he Tuhan endawimo anggasikhe mene a'nogo mondogat higit aga.

IMAMAT 17:5

A'nogo hilingitunogo iluk wene melalek yagaisasikhe andi re iren wam Tuhan obaget warogo fei logoin iluk we yabumo nen hesangge warogo waluk fei wagu aple andi faget, it afuni Israel mene nen halok he Tuhan Awi Sabu sale'ma nek waluk waga logouwak, waluk wagunem, iren wam oba lambulogo ninobagauwageluk inetokhogo waluk it imam inambit o Tuhan Awi Sabu Sale'ma solombonma andoma fei wagunem wati logogun.

IMAMAT 7:3

It imam omanogo nen he mezbah a'nogo amboloba wam asei mene mondogat, ageroma asei sapukhogo inom, elonggomanggeba asei huli'lipsek mene inom, anggerang asei inom, asimogol mene mondok fano mene inom,

IMAMAT 8:25

At Musa nen domba a'nogo asei inom, sei ageroma andem mene inom, anggerang sei huli'lipsek mene omanogo inom, asimogol fano mene inom, eisok pikhitkwe mene inom, amuanggo sei inom,

IMAMAT 9:19

Kambing inom sapi inom andem oba mene asei omanogo waganogo re,

1 SAMUEL 10:8

An nebe wesimbigen he, wam Allah faget warogo noletik, Allah ninom hobuk lambulninabuagaluk waretik, haren hilingisigin mene yagahetik, igiluk wesiginmo re, hat o Gilgal lambik an ye'narek henggi 7 nen logoino o,” iluk yagatikhe.