IMAMAT 3:3 - Allah Wene Fano Wene Hupla Inane

^3-4 Wam at Tuhan ninom sebesugun iluk fei waga logogun andi mene, it imam en Tuhan faget iluk fikhi logogun mene re yi: Elonggomangge sei huli'lipsek mene inom, anggerang pirenet inom, amuli inom, asimogol fano mene inom halok.

IMAMAT 3:3 ပူးပေါင်းရင်းမြစ်များ

MAZMUR 119:70

It ap ariginik mene andoma nen he futfili'lagwi lek, oba nen he Hat hawene melalek andiba nek he an nendawimo nagaiyek mene hilingnobagali'lago.

KELUARAN 29:13

Andi hilingfuluk he, sapi andi amian sei inom, elonggomangge huli'lip sek mene inom, amuanggo enggen pire mondok fanongge andoma inom, waganogo mezbah amboloba fuluk endu nologo An wo'nesigin.

KELUARAN 29:22

Domba ai mene a'nogo asei inom, ageba asei werek mene a'nogo inom, elonggomanggeba asei huli'lipsek mene a'nogo inom, wam amuanggo oba nen mondok fano fikhit mene halok ogo, amuanggo pire aremnogo asei et engge inom, enggi eisok ebekwe mene inom, wanino.

AMSAL 23:26

Namlogo e! Hendawinggen oba nen an hilingitirek mene fanorogo futfuluk, an nobabut waganogo hilingiti logoino.

YESAYA 6:10

A'nogo yaganetesik ekhe ikhi logolik he, ”A'nogo hilingitunem it ineilenggen higik, inesanggo holhik, futfigik, uluk it inobabut hebella'luk he An noba inambotkwe wagunem, An nen it inebe fano hilinginafi hanogore, inendawinggen helep hak harot fisigik, inesanggo tagumet fisigik, ineilenggen humun fisigik ino o,” iluk yaganete.

YEHEZKIEL 36:26

A'nogo sobalhinabimbik An nen hinendawinggen ket mene wokhisigik, wenggelhu mene ket mene woghisigik, igin. Nen hinendwinggen helep hak omamerek welagep mene andoma re An nen agamhogo hinendawinggen fano sakhorek mene wokhisagain.

YEHEZKIEL 44:15

Tuhan Lego Mondok welagarek mene a'nogo nen ikhi logolik, ”Unggulenu Israel mene nen An heraknobabagun oba re hun Zadok againafuri mene imam Lewi inap andoma nen An nobaget nawi wuri'mo andoma yabu higithogo hilingiti logogun. Andi faget we yogondak ogo irenat wam warogo asei inom amep inom waluk An nobaget fuluk wo'neti logouwak.

IMAMAT 1:12

Wam a'nogo mondogat kurogo hilingfugunem, it imam omanogo nen he wam kurik omanogo inom, unggul palek inom, asei inom waluk he mezbah a'nogo amboloba nol fikhi logogun.

IMAMAT 1:8

Nol fuluk he wam a'nogo unggul palek inom asei inom he, endu amboloba nol fikhi logogun.

IMAMAT 16:25

A'nogo nolneti logolik, it weak hilingita mene An nen horogo legetfisoageluk wam warogo An nobaget nolnesugun mene andi asei re mezbah oba andoma nolhi logouwago.

IMAMAT 3:16

Wogotunem it imam andem oba yabu hilingitu inaben he abirengge andoma mezbah amboloba nol fikhi logogun. nunggungge iluk nolhi logogun mene andi nen he, Tuhan endawimo agaiyeget fikhi logogun. Wam asei andoma mondogat he Tuhan mene nek logogin.

IMAMAT 3:2

Fei we'luk ap waluk wagu mene a'nogo enggi wam a'nogo ungguloba sebel fugunem Tuhan Awi Sabu wurik oba solombonma aremnogo nen wati logogun. Nen, it imam at Harun ambisangma mene omanogo nen he sapi amep omanogo waluk mezbah unggut enggaminogo abel higithogo kweterisilik laga logogun.

IMAMAT 4:10

Abirengge andi re lambul asugun mene iluk warogo nolhi logogun a'nogo hakhogo mezbah warogo nolhu meneba omanogo nolhi logogun.

IMAMAT 7:30

Nunggu mene warogo fei wagu mene andi re, at onggwaregenat waluk waga logogin. Fei we'luk wam andi asei inom elonggo palek inom andi re aren wam Tuhan obaget enggi tum warek anggo iluk fikhi logogin.

IMAMAT 7:5

mondogat andi re abirengge nunggu mene Tuhan faget woge'luk nolhi logogun. Nolhunem iren nolhu mene andi re hilingitu mene onggo aga logogin.

IMAMAT 9:10

A'nogo hilingitikhesik Tuhan nen Musa yagatikhe higithogo wam a'nogo asei inom, amuanggo inom, asimogol oba fano mene omanogo inom mondogat he mezbah amboloba omanogo nolhukwa.

MATIUS 13:16

Meneat he, hit enek he, hineilenggen higik, hinesanggo holhik, ikhi lagep andi nen he, hinendawimo hinagaiyek anggikhi logoni o.

MATIUS 15:8

’Allah nen he, it afuni yoma re, we, inambeba nen an fogetnafi logolik, inendawinggen oba nen he an noba ebeti'lek ale'ma meneba ebesi lili'lagwi.

ROMA 5:5

Fano asigin iluk ninendawimo ninagaiyek hikhi lago andiba, Allah nen Areagun wo'nisasikhemo ninendawimo logolik, i hinatarek hak, Allah nen endawitninaferek mene andi ninendawimo peterogo ninobagaikherek andiba ninailo lekhogo welago.

ROMA 6:6

Nit ninobabut ninetogat logolik weak hilingiti lagagu mene andi herakfisoageluk he, Yesus eba menfuluk ninomat ninoatukwa andi nen, nit ninobabut attak mene andi amingmingengge logogun lego, iluk ninelu.

ULANGAN 30:6

A'nogo hilinghinabimbik, hit hinebe inom, hiren tagongge mene inom, hinagap hinenggalimo mene palhinabu hak, hinendawinggen tegelogo hinobagaumo, hinendawinggen inom, inobabut inom misik asimbik, nineisena Tuhan Allah hinendawinggen hundik logolik, hinebe hineluk hinaiba andoma logogun o.

1 SAMUEL 2:15

At ap Allah eisewerek inamingmingengge mene andi nen he, wam asei endu nolugun mene faget oan tegelogo figi'le'ma we'luk he, afuni wam Allah faget fisaluk nolesugun mene andi mel yagaisikhi lagaikhe: ”It ap Allah eisewerek mene wam kurik isago mene wanugun inabit andi nen he, wam senggelek eluk mene halok endu enggen oba werakhoagaluk wo'ne'ni o,” iluk yagaisikhi lagaikhe.