IMAMAT 3:11 - Allah Wene Fano Wene Hupla Inane

¹¹ Fugunem imam andem oba yabu hilingiti logogin mene a'nogo nen he mondogat andoma nunggu mene andi re Tuhan obaget fugu mene iluk mezbah amboloba nolhi logogin.

IMAMAT 3:11 ပူးပေါင်းရင်းမြစ်များ

MAZMUR 22:14

Mene singa nen yi mene ti mene ebe halmakhigik nagaluk, ane kouwarik wagarek hak, iren an noasuogeluk inambe anghogo weri'lagwi.

YEHEZKIEL 44:7

Iren An nawi wuri'mo emerogo faga, andi re it ap enda'ma mene inagap inenggalimo palek lek mene andoma nen An nawene melalek higithogo hilingiri'lagwi lek mene andoma kuageluk yagaisugunem, amusu inom An nobaget warogo nolhu mene amep inom, waluk kugu mene andiba emerogo faga. Iren ina'meilo mene hilingiri'lagwi andiba re An ninom wene warek welago mene a'nogo taganet fili'lagwi andi.

IMAMAT 21:6

At he An nobaget nunggu mene warogo wo'nesi waga logoginmo re, ebe fano tegelek logolik hilingiti logogin. At ebere An nonggwarek nangge eneksek mene were'ma An nenu sebelogo feinogo.

IMAMAT 21:8

Hineisena Tuhan nebe Anat hilingi'mo An nebe horek welagi hak An nagainafuri inom horegat logoubagaigeluk enogo fakhasigimo, it afuni Israel mene nen he imam andi re An nobaget nunggu mene warogo nolnetunem At onggwarek faget enogo fakhikhe mene iluk fageti logogun fano.

IMAMAT 22:25

Wam ap pok mene nen kulharek mene wokhisugu mene halok he wam andi agap palek mene hak hilingi'mo, An nen wanigin lek enggere nunggu mene iluk An wo'nesi wesu fuk.

IMAMAT 3:16

Wogotunem it imam andem oba yabu hilingitu inaben he abirengge andoma mezbah amboloba nol fikhi logogun. nunggungge iluk nolhi logogun mene andi nen he, Tuhan endawimo agaiyeget fikhi logogun. Wam asei andoma mondogat he Tuhan mene nek logogin.

IMAMAT 3:5

Mondogat andi re amu mene inom seberogo nolhu mene iluk mezbah amboloba nolhi logogun. A'nogo nol fugunem he amben nen he Tuhan endawimo agaiyeget fikhi logogin.

MALEAKHI 1:12

A'nogo meneat he, hiren he, Nineisena Tuhan faget wam, yi mene ti mene noletarek oba yi weak. Ma re, yi mene ti mene weak mene yugunat fisogoin aro, iluk anggikhi lagep andiba nenu weagerogo fikhi lagebo.

MALEAKHI 1:7

’Hiren nunggungge An nobaget nolhuba mezbah wurik mene a'nogo nolu lek mene oba nen nolhi lagep andiba re, lek nogo a? A'nogo hilingiti logoligen hiren ikhi logolik he, ’Niren ninggi'nogo hilingitoba Hat weaget hobagakhi lago nogo?’ iluk ikhi lagep andiba re, ’An mene mezbah andi emeti lagep andi ba o!

BILANGAN 28:2

afuni inunggulenu Israel mene inoba yagaisikhi logolik he, iren inendawimo nen furogo wenggelfuluk he linggene wenago mene aremnogoba re nunggu mene amben he At Tuhan endawimo healherek mene omanogo obaget wogeti logogun.

BILANGAN 28:24

Wene andem higithogo re hiren Tuhan obaget hinenggi 7 hari nen hambukhogo warogo nolhi logogun. Hiren nolhi logogun mene andoma re, linggene hundik-hundik nolhik, anggur agai hinago figik ikhi logogun mene omanogoba to'mongge faget. Hiren warogo nolhi logogun mene andi amben he Tuhan endawimo healhi logogin.

ROMA 8:32

At onggwarek amlogo endawi agi'lek nit mondogat faget wa'lasuageluk lakfei wagaikhe. At obabut fano nen a'nogo wo'nisasikhesik he, yi mene ti mene oba loukhogo wo'nisagain lek nogo? Wo'nisagain aro.

1 KORINTUS 10:21

Hit he, ninoe Enupogot agai hinago ninggik, munggwarengge obabut weak mene agai hinago ninggik, ugun mondok lego. Nen, ninoe Enupogot amburu nenggarek oba ninggik, munggwarengge obabut weak mene amburu nenggarek oba ninggik, ugun mondok legaro.

WAHYU 3:20

Yethani! An nebe kweba mendek logolik, kwe ane papaget hikhi lagi o. A'nogo papaget hugunem, sa nen nane esanggo holimbik he, kwe hutneagain halok, an at oba kwi wesimbik he, sumburu ninggi logolik nagailak-hagailak higit nemberek hundik logogun o.