IMAMAT 27:8 - Allah Wene Fano Wene Hupla Inane

⁸ Nen, ap yi'nogo hilingisugun iluk ane fugu mene andi ambi onggo yi'nogo fikhi logogun iluk werek mene fugu aple elo'lek agu halok he, aren ap Tuhan obaget fugu mene a'nogo waluk it imam inambit waga logogun. Waluk wagunem it imam en kwelakhaluk onggo enggi hilingisu higithogo pelakfei wagunem he higithogo fikhi logogin.

IMAMAT 27:8 ပူးပေါင်းရင်းမြစ်များ

2 RAJA-RAJA 7:5

A'nogo isukwasik o arat sebelhugu kwelek aremnogo re, ap tentara Siria mene inawi tenda wuri'mo omanogo lagaukwa, oba nen he o andoma ap misik iluk ogo ekhe welagaukwa mondok lek.

YEREMIA 5:7

Tuhan nen ikhi logolik, ”Nenahalok An nen nagainafuri inaweak lek hilingisogo fisagain nogo? Iren he An oboget nealuk allah eberogo lek mene omanogo apne wili'lagwi andi. An nen it inamburu nunggu mene wogisugunem it inoba homorogo ninggi logolik meneat he, iren babi hilingitik, nen uang saburouwogeluk hesangge yanani hilingirik nikharek mene omanogo inambit lagik, hilingiri'lagwi andi.

IMAMAT 12:8

Nen, at he andi nen he domba fougetu aple elo'lek agu halok he, aren sue merpati ket alue agu mene pirerogo hea, athe sue tekukur ket alue agu mene pirerogo hea, inom waluk waga logogin, andi mene misik ekhe re Tuhan endawimo agaiyeget fugu mene, misik ekhe re aweak legabesuageluk mene, faget waluk wagunem he it imam en he, he a'nogo enggi sabul hosuageluk hilingitunem at he a'nogo ebe pugunsek mene aga logogin.

IMAMAT 27:9

Aren yi'nogo hilingisigin iluk ugu mene andi ambi wam Tuhan wokhesigin iluk ane fuluk halok wam amu mene inom agam esi nogo. Yi mene ti mene Tuhan obaget iluk fugu mene andoma re Tuhan angge horek mene asiginmo re aren agam esigin oba nen ogore wam ebe pirenet he Tuhan mene asigin.

IMAMAT 5:11

Nen, ap weak hilingitu mene andi nen he, sue muluk inom, sue abiang inom aremnogo at aweak lek hilingisogo fouwageluk fougetu mene eilmo lek agu halok he, aren tepung satu kilogram waluk waga logogin. Oba nen he fei wesigin mene andi re amep werek lek mene noluageluk fei wesigin lek halok he, andi re at aweak legabesuageluk hilingi'mo re tepung andi re zaitun amusu pelabek legengge kemenyan inom ambolebene tamulik legengge fei waga logogin.

IMAMAT 5:7

Oba nen he, ap weak hilingisigin mene a'nogo nen aweak leget fouwageluk anggo domba inom, kambing inom, mondogat lek halok he, aren sue muluk agun agwe wuthogo inom, nen sue abiang hak mene eil kuluk mene waluk we'luk he, misik ekhe re aweak leget fugu mene faget, nen misik ekhere warogo nolhuba andoma nolhu mene faget, waluk waga logogun.

MARKUS 14:7

It afuni inangge lek mene andi, hit hinom mondok logogun o. A'nogo logolik yi'nogo leberisogoin, iluk hinendawimo nen anggalugat leberisamo re fano o. A'nogo meneat he, an enek he, hit ninom mondok logogun lego.

2 KORINTUS 8:12

Hit hinangge lek mene fuk. Athe, werek mene hinendawinggen oba nen it andi fisogoin halok he, at Allah nen, ”Fano faga,” iluk anggagain.