IMAMAT 27:34 - Allah Wene Fano Wene Hupla Inane

³⁴ Wene melalek andi Tuhan nen Tom Sinai ba nen it afuni Israel mene faget iluk Musa yagatikhe mene re andi.

IMAMAT 27:34 ပူးပေါင်းရင်းမြစ်များ

IMAMAT 26:46

Tom Sinaiba nen Tuhan nen awene melalek inom yi'nogo hilingiti logoino ti'nogo hilingiti logoino iluk it afuni Israel mene faget Musa ba yagatikhe mene re andi.

IMAMAT 7:38

At Tuhan nen it afuni Israel meneba wam warogo noluageluk o Sinai leimo nen, at Musa Tom Sinaiba nen wene melalek andi oba fesikhe.

BILANGAN 1:1

Tahun pirenek meneba were'ma tanggal satu tugi pirenek mene folelhunem afuni Israel mene o Mesir herakfuluk wulibi wagaukwasik, o Sinai leimo Tuhan Awi wuri'mo omanogo nen Allah ane Musaba yi'nogo yagasi wagaikhe:

BILANGAN 28:6

Andire inetokhogo hilingiti logogun mene, attak-attak Tom Sinaiba nen warogo noletikhe mene re andi. Amben nen he, Tuhan endawimo agaiyeget fesikhe.

BILANGAN 3:1

Yire At Tuhan nen Tom Sinaiba nen Musaba ane yagatikhe huli andem oba at Harun inom Musa inom inagainafuri ineisok erokwe hilingik welagaukwa menere yi'nogo.

BILANGAN 36:13

Afuni inunggulenu Israel mene o Moab tonggoma i Yordan aik oba nen, o kota Yerikho horokhogo aremnogo welagaukwa huli, Tuhan nen awene melalek inom, yi'nogo ti'nogo hilingiti logogun mene iluk inom, afuni Israel mene inobaget Musabene nen yagatikhe mene re andoma.

YOHANES 1:17

Wene Allah nen komotninafikhe wene a'nogo Musa bene nen yaganisasikhe meneat he, Allah obabut fano nen fanotninafik, eberogo wene yaganisigik uageluk, at amlogo Yesus Kristus lakfei wagaikhemo yaganisasikhe andi.

ULANGAN 1:3

It afuni Israel mene o Mesir en wulibi wagaukwasik oba nen tahun 40 ba, tugi it inenggi wenati logolik 11 mene wenatarek oba, tanggal satu ba re, at Musa nen nineisena Tuhan en wene, ”Yi'nogo hilingi'no, ti'nogo hilingi'no,” iluk afuni Israel mene yagaisoageluk yagatikhe mene andi mondogat yagaisasikhe.

ULANGAN 29:1

At Tuhan nen Musa inom afuni Israel mene inom yagaisikhi logolik hinane yi'nogo wene warogo feino iluk yagaisasikhemo, it o Moab kweang oba logolik wene watukwa mene ebe yi: Wene warek fesukwa mene andi re wene attak o Tom Sinai ba nen At Tuhan inom it afuni Israel mene inomen watukwa mene a'nogo ambisangma wene watukwa.

ULANGAN 4:45

Wene andi a'nogo hilingitukwa andi re, it inebe o Mesir en mondogat wulibi wagaukwasik i Yordan abel fena mo liabi wagarek fikhit tonggoma o kota Bet-Peor amik higithogo asi wagaukwasik wogisasikhe. O andoma re o attak hun Sihon it Amori mene inobaget inoe raja logolik attak at o kota Hesybon halogo fisikhi logolik, sebelinarek welagaikhe kwe. At Musa inom it afuni Israel mene inom o Mesir en wulibi waga logolik mabenet fisasukwa kwe omanogo.

ULANGAN 4:5

An nen, wene nineisena Tuhan Allah nen, yi'nogo hilingi'no, iluk, komorogo yaganisasikhe hagat mondogat yagahisigi o. Hiren he, o kugun oba andoma sebeli kwimbik logolik, wene andi mondogat hologo hilingiti logoino.