IMAMAT 27:21 - Allah Wene Fano Wene Hupla Inane

²¹ Tahun Inambotkwe Oak wogisagarek mene arat kwi lagunem, hobuk meneba re kweang andi mondok-mondok Tuhan mene asiginmo, it imam omanogo inenggiba fogoin fano.

IMAMAT 27:21 ပူးပေါင်းရင်းမြစ်များ

EZRA 10:8

linggene henagan arem oba nek ap misik ekhe wesigin lek mene andi re angge yi mene ti mene mondogat telaluk he at andi re afuni nit mene werek fuk anggogoin. Iluk he lisu palek a'nogo it holhu mene inogogwi melalinafarek inap omanogo nen enek it inenggi amusu cap fuluk lak fesukwa.

YEHEZKIEL 44:29

It andi re An nobaget gandum inom wam inaweak horogo leget fisoageluk warogo fugu mene inom, afuni inangge obali'mo fugu mene inom andomaba ineluk logogun, nen yi mene ti mene An nobaget iluk enogo nobagakhi logogun engge andoma re it enek wogisikhi logogun.

IMAMAT 25:10

Tahun 50 mene andi re enogo fuluk afuni inoba wene warogo wulafi logolik, tahun yire afuni yi mene ti mene fikhalogo fugu mene o, iluk tahun andiba re kweang yi mene ti mene onggo hunita halok he, it inonggwarek mene inoba ogo nen iren tagomangge mene inoba ogo, hobuk inambotkwe inonggwarek wogisigik, ap sa nen inamingmingengge logouwageluk onggo palikhe halok ogo eisena agaisa inonggwarek inambotkwe wogisigik hilingiti logogun.

IMAMAT 25:28

Oba nen he kweang a'nogo onggwarek onggo palogo helugu aple enggin agu halok he, ap onggo palagain agun a'nogo enggimo eise a'luk were'ma nen tahun lologo oak wanhu mene a'nogoba waga logogin. Andiba nek he kweang a'nogo at onggwarek agun angge aga logogin.

IMAMAT 25:31

Nen o kota endep kwe leget waganogo kwelabek lek mene ogore awene melalek kweang faget hilingik andi higithogo nek hilingiti logogun. Arigini'mo re at onggwarek agun a'nogo nen Tahun Inonggwarek Wogisagarek oba a'nogo higithogo onggo hunirikhe halok he, o a'nogo ap awi eisewerek a'nogo mene aga logogin.

IMAMAT 27:20

Nen, kweang a'nogo ambi aren Tuhan oba oan onggo palek le'ma nen ap amu mene ekhe nen hunitunem halok he, aren kweang andi faget eiserogo welagaba aremnogo arat lek agasi'more hobuk onggo paligin iluk inogo.

IMAMAT 27:22

Ap ekhe nen ambi yabu aren onggo palikhe mene Tuhan wogetu halok he,

BILANGAN 18:14

Yi mene ti mene kweang Israel meneba nen An nobaget enogo fagama werek mene andoma re hat mene asigin.

ULANGAN 13:17

Yi mene ti mene mondok homan oba werek mene andi re, hit hinonggwarek faget iluk ogo ekhe fakhogoin mondok lego, abirengge mondok pin tagalogo fisamo, At Tuhan a'mage hit hinoba logogin mene a'nogo leget fikhi logolik hit hinoba endawi hundik hilinghinafik, endawi sakhorek oba hilinghinafik, Aren hit hinombawi inunggulenu hokhot fisikhi logolik fanot fisasikhe hakhogo, hirogo a'nogoat hilinghinabigin.

YOSUA 6:17

Andi nen he, o kota Yerikho mondogat weagetfikhi logolik inebe inom, yi mene ti mene mondogat inom he, Allah faget fisa hak mondok legetfisano o. A'nogo meneat he, he Rahap yanani nikherek mene a'nogo nek he, aren ap niren ineil penesuageluk lakfisogo mene hinakfisikhe a'nogo nen he, at ebe inom, eisena agaisa inom, oe agot inom, inom enek he, ineluk herakfisano o.