IMAMAT 27:17 - Allah Wene Fano Wene Hupla Inane

¹⁷ Nen, kweang andi ambi Tahun Inonggwarek Oak wogisugu mene a'nogoba fugu halok, onggore abirengge higithogo fikhi logogun.

IMAMAT 27:17 ပူးပေါင်းရင်းမြစ်များ

IMAMAT 25:10

Tahun 50 mene andi re enogo fuluk afuni inoba wene warogo wulafi logolik, tahun yire afuni yi mene ti mene fikhalogo fugu mene o, iluk tahun andiba re kweang yi mene ti mene onggo hunita halok he, it inonggwarek mene inoba ogo nen iren tagomangge mene inoba ogo, hobuk inambotkwe inonggwarek wogisigik, ap sa nen inamingmingengge logouwageluk onggo palikhe halok ogo eisena agaisa inonggwarek inambotkwe wogisigik hilingiti logogun.

IMAMAT 25:11

Hit hineabu waganogo awi yasu fuk. gandum hit hineabumo enggen hesangge wulifu mene halok inom, hit hineabumo nen anggur enggi tegetu lek mene halok inom he andorogo fakhikhi logou fugat.

IMAMAT 25:13

Tahun andiba kweang onggo palugun mene halok he onggwarek eisewerek meneba wogeti logogun.

IMAMAT 25:9

A'nogo wenatunem en enek tugi 7 nen tanggal 10 ba aga halok afuni inaweak legaphogo fugu sambul a'nogo higithogo agu halok, hinailokwe andoma mondogat trompet tombouwe hak mene a'nogo ane fut hoageluk yagaisano.

IMAMAT 27:14

Nen, Ap ekhe at awi wurik Tuhan faget iluk fugu halok it imam en o a'nogo hilingik aple obabut kwelakhaluk onggo yi'nogo iluk tekhogo ikhi logogun. Nen, onggo iren yi huli iluk fikhi logogun mene andi re mondok-mondogat logogin.

IMAMAT 27:16

Nen, ap ekhe anggweang fena Tuhan faget iluk fugu halok, onggo re kweang andiba awi miren hakhogo yasugun iluk ineil halfulugen fikhi logogun. Nen, gandum 20 kilo faget onggo re uang perak mene 10 nen fikhi logogun.

IMAMAT 27:18

Oba nen he kweang andi Tahun Inonggwarek Oak wogisugu mene huli a'nogo mondogat agunem, hobuk halok he it imam en Tahun Inonggwarek Oak wogisugu mene hobuk mene a'nogo oan wagi'lek werek kwelek tahun miren logogin iluk onggo yi'nogo fou hak iluk wenak haluk onggo sebelogo fouwageluk yagaisikhi logogin.