A'nogo elalinafikhesik, Allah nen fanot fisikhi logolik, mel yagaisasikhe: ”Hiren taginabugun mene o yi awi ti awi eise asimbik it inenggiba logouwageluk, hinebe hokhorogo sik-pik ikhi logolik yi ikan ti ikan inom, yirue-tirue inom, yi mene ti mene ekhe eil ena mene ekhe eil polok mene mondogat hit eise logoino o.
IMAMAT 26:9 - Allah Wene Fano Wene Hupla Inane9 An nen hinagainafuri hinombawi hokhorogo wokhisigik, hinebe fanoabet hinobagagik, hilingisigin. An nen a'nogo hilinghinobagagin iluk Wene Warogo abok yagahisigi mene yi re ibi-eberogo nenat hilinghinobagagin. အခန်းကိုကြည့်ပါ။ |
IMAMAT 26:9
31 ပူးပေါင်းရင်းမြစ်များ
A'nogo meneat he, haren Ismael faget kino yaganetunem hane nesanggo holhi andi nen, an nen at Ismael fanotfigik, aren tagongge mene hokhorogo ta'lasuageluk wogetik, igin aro. A'nogo hilinglagunem, aren tagongge mene ekhe ap kaindek inebe 12 nen taginafik, nen, An nen inebe mondogat sik-pikhogo inunggulenu hokhorogo hilinglagik, igin o.
An nen hobugalep hokhorogoat fanothafik, haren tagongge mene inebe hesagal pogoroba hokhorogo welagarek andi hangge inom, i al i laut yenggelek era'lukwe welagarek andi hangge inom, mondok sik-pikhogo hilinglasuageluk hilinghafik, iren tagomangge mene o inaselei mene welagaikharekwe andoma mabenetfisaluk logouwageluk hilinginafik, igin o.
Hat hamlogomi inom, hombawi inom he pogoroba hesagalenggen hokhorogo werek andi hakhogo wokhetik, nen haren tagomangge mene inoba kweang yi abirengge it wogisigik, igin. Nen at Abraham An nane holfuluk nawene melalek inom, yi'nogo hilingi'no ti nogo hilingi'no iluk melalhu mene inom, tiphogo hilingiti lagaikhemo at alisikhogo re hat fanot hobagagin. A'nogo hilinghafunem neambik, it yi afuni ti afuni inunggulenu lombogen yaganeti logolik he, Abraham Ishak inombawi fanot fisikhi lagagin hak, nirogo higithogoat fanotninabin iluk yaganesugun,” iluk yagatikhe.
Haren tagongge re, wul al kweangma hokhorogo welagarek andi hangge hilinglasugun. A'nogo hilinglasimbik, o unggut poikwe-maikwe elikwe yikwe it mondok wialarik laga logogun. Wialarik laga logolik, hat hebe inom, haren tagongge mene inom, hit hinoba nen afuni inunggulenu lombok mondogat An nen fanorinafi logogin.
A'nogo fanotnobagakhi logolik mel yaganetikhe: ”Haren tagongge mene inebe mondok hokho asimbik, inunggulenu hokhorogo hilinglagik, hombalak hokhorogo ta'lagik, ikhi logouwageluk wokheti o. Nen, o yoma haren tagongge mene nen eise asimbik femhogo logoinogen iluk wokhesigin aro, iluk yaganetikhe,” iluk yagatikhe.
Oba nen he Tuhan en At againafuri inobaget endawi hundigen endawirinafikhesik, Aren wene it Abraham inom Ishak inom Yakub inom inoba warisasikhe mene a'nogo ebethikhi logolik a'luk he Aren it inebe mondogat leget fisoageluk herakfisasikhe lek, oba nen he, leberisagain iluk hilingitikhesik yogondak huli nen inom Aren againafuri inoba onggorari'logo mondok lek.
A'nogo yaganisasukwama, an nen he, mel yagaisasigi: ”Allah pogoroba lego mondok welagarek mene nen yabu andi eil hondologo katokhogo wusuageluk hilingninobagagin werego. Nit ninebe At Allah amingmingengge mene welago yi nen he, nit arat wusuogeluk ero fakhogoin aro. A'nogo meneat he, o Yerusalem yi hit eise fuk, hit mene legaro. Andi nen he, afuni nen o Yerusalem yi faget abok ikhi logolik, hit hinenu ikhi logogun mondok lego,” iluk yagaisasigi.
Hit An nunggulenu mene andoma hinesanggo holini o, An nen hineluk mondok logogun mene wokhisagain enggere, An Noba waga logoni o. An nen nendawi hundik hilinghinafik, tiphogo nek hilingitu welagik, hilingiti logogin iluk Daud oba wene waretigi a'nogoba hilingi'mo re, An nen hit ninom wene mondok-mondok logogun mene wati lagi o.
Aren ninambulak andi endawi nen fanorinabigin iluk abok isikhe a'nogo ebe hilinginafik, Yi'nogo hilinghinabigin iluk, wene onggwaregen abok yagaisasikhe a'nogo ebe hilingitik igin o, iluk he, nendawimo eberek logogin o, iluk yagaisasikhe. Yi'nogo hilingisigin o, iluk hombuk palogo nineisena Abraham yagatikhe hak hilingisi waga yi.
Aren, hit endawit hinabimbik, fanothinafu mondok were'ma, hit hinagainafuri hokhorogo taginafunem inebe sik-pik ikhi logogun o. Nen, hit hineabukwe yi mene ti mene yago mene fanotfugunem, gandum inom, anggur inom, e zaitun enggen amusu minyak keralhi logogun mene inom, enggen hokhorogo iti logogin aro. Nen, Aren he, hinenggim mene fanotfugunem, hinanggo sapi, kambing, domba inom, hokhorogo hilinglasigin aro. Nineisena Tuhan nen ninombalak yagaisikhi logolik, yi'nogo wokhisikhi logogin o, iluk wene warisasikhe higithogoat, hit o logogun oba andoma were'ma mondogat wokhisugunem a'nogoat helikhi logogun o.
ကြော်ငြာတွေ