IMAMAT 26:7 - Allah Wene Fano Wene Hupla Inane

⁷ Hiren ap hinaselei mene inomame elok mabenet fisikhi logogun.

IMAMAT 26:7 ပူးပေါင်းရင်းမြစ်များ

1 TAWARIKH 19:15

It Amon inap a'nogo nen kwelakhasukwa re it tentara Siria inap a'nogo heise pugulik-pagalik ugunem hasukwasik he, it ogore hun Abisai oba sebetukwasik inomat higilogo re inawi kota fikhit enek kwi lagaukwa. At Yoab a'nogo it ap Amon inap inom weim yafukwasik he o Yerusalem lagaikhe.

ESTER 9:16

Andi hilingitu kwelek he, it afuni Yahudi mene o propinsi amukwe werek mene ogore inebe seberogo kabogetukwasik he inonggwarek inebe inili waganogo re, ap it inoba inabit anggikhi lagaukwa mene omanogo inebe 75.000 nen inoatukwa. Oba nen he inangge re telasukwa legat.

MAZMUR 81:15

An nen weak-weakhogo it inaselei mene omanogo wolelenggenhogo fisigik, nen it inaweim mene omanogo mondogat inomame leget fisigik, hilinginabile o.

IMAMAT 26:36

Nen, It hinagaila'lak ap hinaselei mene nen hugisa lamo logogun mene andoma re, An nen inailo mondok hokho mene hilingfisamo e engga sogoi en fun hugunem abolok lelok ugungge faget he inailo nen heise wulifi logogun. It afuni inaselei mene hinera'lu horokhogo werek lek oba nen ogore, it inaselei mene nen weim oba mukhinarek wagunem hak hit hinailo nen yawarilik laga logolik longgo ikhi logogun.

IMAMAT 26:6

An nen mene olomene anini weak mene hit hinanggweang oba nen legetfisamo re, hit hinoba weim yafu mene ekhe logogin lek. An nen hit hinoba hinamel-mel lekhogo hilinghinobagaumo re, hiren hinaiba andoma amu meneba ekhe hinailo lekhogo nogokhi logogun.

IMAMAT 26:8

Nen, hit hinebe fuaben oba nen he ap hinaselei mene inebe 100 nen mene inomame elok mabenet fisa hak logogin. Nen hit mene ap hinebe 100 nen oba nen he it inaselei mene inebe 10.000 nen mene elok mabenet fisa hak logogin.

ULANGAN 28:7

It afuni hinaselei mene nen hinoasi kwi wagu halok he At hineisena Tuhan nen hit hinaselei mene andi mabenet fisikhi logogin. Iren higit-hagathogo erarogo fuluk tok kwelabi waga logogun oba nen he heise mondok telfol ikhi logogun.

ULANGAN 32:30

Ap ebe misigat mene nen, inebe seribu mene, ninggi'nogo nen mugisikhe, Ap inebe pire mene nen he, inebe sepuluh ribu mene, ninggi'nogo mugusogo wulakfisaga, Nineisena Tuhan nen, inebe onggo palogo woginafemo, Allah omame hokho a'nogo nen, inebe herakfisikhemo.

YOSUA 23:10

Hit hineisena Tuhan Allah a'nogo nen wene yagahisikhe mene higithogo re, Aren hit hinobaget weim yafunem he ap hit hinanggele'ma nen he ap mondok hokho-pokhorogo mabenet fisikhi logogun o.

HAKIM–HAKIM 15:15

A'nogo tekhogo lagaikhemo hasukwasik, wam keledai misigat mene kerat wa'lagaikhe mene agaukwak oak heragaisogo wanhikhesik he, andiba afuni inebe 1.000 nen pinggi inoatikhe.

HAKIM–HAKIM 4:16

A'nogo wagaikhemo, ap Barak en aselei mene kereta kuda weim yafarek mene inom, tentara mene esa ekhe logalek omanogo inom, muginarek o Haroset-Hagoyim fisa lagaukwasik he, ap Sisera agoromi tentara esa logolek omanogo ap misigat ekhe herakfisigi'lek felelenghogo inoatukwa.

HAKIM–HAKIM 7:23

A'nogo lagaukwama, Gideon nen ap inunggulenu Naftali mene inom, Asyer mene inom, inunggulenu Manasye mene i Yordan aik elikwe mo liabi wagarek higit andoma welagaikharek mene inom, aik yi kwe mo ubukhogo kwi lagarek higit andoma welagaikharek mene inom, inayonggo fesikheat. A'nogo inayonggo fesikhemo, ap tentara Midian mene omanogo mugisasukwa.

1 SAMUEL 14:13

A'nogo yagatikhesik, at Yonatan agot alage mene a'nogo ombo'nerogo re pililo lagasikhe. A'nogo lagasikhesik Yonatan a'nogo wulibi waga logolik it afuni Filistin mene omanogo enggi nen tamukhigik pelakfisilik lagunem he, agot alage at asikhe waluk nikhi lagaikhe mene a'nogo nen hobuk ombo'ne lagakhi logolik inebe pinggi inoarik lagasikhe.