IMAMAT 26:6 - Allah Wene Fano Wene Hupla Inane

⁶ An nen mene olomene anini weak mene hit hinanggweang oba nen legetfisamo re, hit hinoba weim yafu mene ekhe logogin lek. An nen hit hinoba hinamel-mel lekhogo hilinghinobagaumo re, hiren hinaiba andoma amu meneba ekhe hinailo lekhogo nogokhi logogun.

IMAMAT 26:6 ပူးပေါင်းရင်းမြစ်များ

2 RAJA-RAJA 2:24

A'nogo yagatukwama, at Elisa elokhe lagokhogo eilenggen yenggerugwi omanogo yerisasikhesik Tuhan enu hombuk palogo homan ikfisasikhemo, paik unum hangge hokho mene enu beruang helou mene ebe pire enggama nen wulibi wagaukwasik, yenggerugwi omanogo inebe 42 nen mane aigen libi'labakhogo inoatikhe.

1 TAWARIKH 22:9

A'nogo yaganeteba nen he, Aren abok wene yaganeti logolik he, yi'nogo yaganete yi: Hat he hamlogo abengge misik ekhe ta'lasumo re, ap inaselei mene faget inailo legengge logolik melalinafi logogin. Nen, An nen he at lebethugunem ap aselei mene nen ogo ekhe at inom weim yabi waga logogun mondok lek. Nen, aren afuni melalinafi logogin oba andoma re An nen o afuni Israel mene werekwe mondok inailo legengge fano lioksek logouwageluk hilingfisagain andi nen he, at andi enu re Salomo salino.

2 TAWARIKH 20:30

Andiba re, at Tuhan en Yosafat oba aren melalinafukwe omanogo mondogat ap youk mondok legengge fanorogo logouwageluk hilingfisasikhemo re, at Yosafat a'nogo weim abok legengge melalinafu welagaikhe.

AYUB 11:19

It afuni haselei meneba re hailorinafi logogin lek, it afuni hokhorogo nen haren leberinabuageluk kino yagaheti logogun.

AYUB 5:23

Hat yabu wanhi logogin oba andoma re helep mondok le'ma segetlekhogo wanhi logogin o. Nen, wam maro aigen libilhafi logogin lego.

MAZMUR 144:14

Nit ninanggo sapi andoma mondok hokho pokhorogo saga ikhi logolik, ekhe longgo igi'lek, eagwi ekhe alabutmo nen, eagwi ekhe alabutmo nen perelogo lek agi'lek logouwak. Nit ninawi kota amdoma nen ebekhe kwe andoma enggin-fenggin hikhi logolik heinet ekhe wati logogun hanogo.

MAZMUR 147:14

Nen hit hinailoba andoma hinailo legengge logouwageluk Aren kagalhinarek welagik, nen gandum enggen mondok fano meneba hinoba homot hinobagagik, ikherek.

MAZMUR 29:11

We At Tuhan nen enek againafuri inomame wogisigik, it inoba mondok fanorogo hilingfisigik, ikhi logouwak.

MAZMUR 3:5

An nen nane ninghogo Tuhan yagatunem he, At Andom horek meneba omanogo nen nane onggo yaganeri'lago.

MAZMUR 4:8

Afuni nen inangge enggen palikhi logolik inendawimo inagaiyegetarek mene andi re maben hak oba nen he, an he nendawimo Haren mondok nagaiyek hokho mene kwelaknobagakhi lagen.

MAZMUR 85:8

Tuhan nineisena, Haren hendawi hundik hilingninafu welagen mene andi inuk isan o, Hat hoba nen ninagap telogo ninobagakhi lagen mene andiba telninabin o.

KELUARAN 23:29

Kweang andiba we alomarogo were'ma yi mene ti mene maro mene hokhorogo sik-pik inogo re, it andi An nen inebe tahun we misik oba nek ambine mugisogo wulaginabigin lek.

AMSAL 3:24

Haren hailo legengge laluk nogokhi logogin, nen hup inukhogo nogo hobabe lekhogo nogokhi logoginat.

AMSAL 6:22

Wene iren yagaheri'lagwi mene andoma re, hat lagain kwe wokharek lagu mene inom, o hubanggo hebe kagalharek werek mene inom, hat nogokhi la'luk heluk agunem yi'nogo hilingisin iluk yagahetu mene inom werek.

YESAYA 35:8

O andoma re ebekwe hokho mene ekhe logogin, ”Ebekwe andi enu re Inagap telinaferekwe,” iluk salek logogin. Ap weak hilingitarek mene re kwe andi kwe laga logogun mondok lek, ap kembu mene re ap kwe andiba louwogeluk lagunem inendawinggen lugu-lugwirinafi logogun mondok lek.

YESAYA 35:9

Andoma re singa ogo athe mene aik anini mene amu mene iluk ogo ekhe logogin lek, Afuni Tuhan nen telinabigin mene re kwe andiba laga logogun.

YESAYA 45:7

An nen mum inom selek inom elalogo fesigi, An nenat enggin- fenggin inoba lakfei wagik, fanoaberinafik igirek, Andoma mondogat he An Tuhan nenat hilingitirek.

YESAYA 9:7

Tuhan nen afuni Israel mene weak mondok hilingitunem wene inoba mondogat fesikhe.

YEREMIA 30:10

An nagainafuri Israel mene re hinailosu fugo! An namingmingengge Yakub he hoak leigesu fugat! Hat inom hat hambisangma mene nen tagomangge mene inom he o kweang mondok yatma hit hinenggi hele warogo hinobagasukwama andoma nen hinagap telogo hinobagagin. Hit hinambotkwe hinaiba wesimbik hinailo legengge logogun. Hiren hinailoratu mene ekhe logogin lek, hinabolok legengge fano liokhogo logogun.

YEREMIA 31:26

Andem sambul afuni nen ikhi logolik, ”An nogo homokhogo igirik he noba mondok fisok ikhe o,” iluk ikhi logogun.

YEHEZKIEL 14:15

Ekhere An nen mene aik anini weak mene o kweang andiba lakfei wesumo senggelinafi logogin fano, Andiba re o kweang andoma bene mondogat namelmel mene hilingisogo foumo afuni kwe andi kwe lagik wagik ikhi logogun mondok lek.

YEHEZKIEL 14:17

Ekhere An nen o kweang yiba weim lakfei wesimbik An nen yagati logolik, afuni inom, wam inom, mondogat leget fisan, iluk yagasigin halok legabesu hagaro.

YEHEZKIEL 14:21

Tuhan Lego Mondok welagarek mene a'nogo nen ikhi logolik, ”An nen unggum ero enggaminogo mene enggin mondok hokho mene o Yerusalem oba pelak foumo re, afuni inom, yi wam ti wam andoma inom, legetfisan o. Unggum andi re weim inom, sumburu ouwak inom, ou amben weak mene inom, olomene aik anini mene inom inoba lakfei wesigin.

YEHEZKIEL 34:25

An nen it ninom wene wati logolik, it inebe inendawinggen hambukhogo logouwageluk abok wene warisagain. An nen he mene olomene nen senggeli'logo mene andoma mondogat he o kweangma mondogat mugusogo wulak fisagainmo re An mene nanggo domba andoma re inendawinggen hambukhogo leikwe welagik, o engga ogoikwe nogogik, ikhi logogun.

YEHEZKIEL 34:27

E wilibik mene enggen itik, yi mene ti mene yabukwe yago mene enggen itik, ugunem afuni mondogat he it inanggweang inonggwaregen meneba inendawinggen yamukhogo logogun. Posiemanggen An nagainafuri homaginarek mene andi re An nen lebek isigik, nen ap inamingmingengge hilingfisaluk welagaikharek oba andoma nen fikhalogo wulaginabi wagik umo re, An nebe Tuhan welagirek mene a'nogo inelu asugun.

YEHEZKIEL 5:17

We sumburu ouwak andi nek he lek oba nen, ekhe ou amben weak mene lakfei wagik, wene obabut weak mene nek asi wagik ikhi logolik, inaniniba weim yafarek mene inom, afuni hat werekwe mene leget fisigik, nen mene obabut weak mene nen it inagainafuri haum higik noageluk lakfei wagik, igin. Iluk An Tuhan nen nane mondogat igi o,” ikhe.

HOSEA 2:18

Andem sambul he, yi wam ti wam inom, sue tarogo nikherek mene inom, kisu kweanggwe pololangerik nikherek mene inom, mondogat wene warisikhi logolik, Hiren An nagainafuri weagerinafi logou fugo, iluk wene warisagain. A'nogo wene warisambik, An nagainafuri inaiba andoma inebe fano lioksek logouwagaluk, sikhe, sige, karok, weim yafarek mene andoma mondogat lilibukhogo legetfisagain.

HOSEA 2:20

An nen wene warogo isigi mene higithogo, hat hebe re An nen igisogo wokhabigin. Hat honggwarek hambeba nenat An nobaget fakhogo ikhi logolik An neisena re Tuhan andi aro, iluk ikhi logogin o.

IMAMAT 25:18

”Hiren ap pok mene inaiba yoma logolik hinailo lekhogo fano logobagaigen iluk, Tuhan awene palek inom, awene melalek inom, higithogo hilingiti logoni o.

IMAMAT 25:19

O andoma hinanggweang oba enggen fanorogo ikhinafunem hinangge nunggu mene higithogo helikhi logolik hinebe mondok fani fanorogo logogun.

IMAMAT 26:22

An nen maro aik anini mene hit hinanggelekwe lakfei wesumo maro andoma nen hinagainafuri senggelogo pilisigik, hinanggo senggelinafik, hilingitunem hit hinebe endebengge were'ma hinaiba ebekhe kwe andoma mondogat tiring tereng ikhi logogin.

IMAMAT 26:25

Hiren An ninom wene katokhogo wato mene a'nogo sagalfuluk hilingitu halok he, An nen hit hinawi kota hinanggele'ma andoma weim liabigin. Nen, hiren o kota ba andoma kaboge'luk koma hina'lasu iluk obalik herasugun oba nen he An nen ou mondok weak mene fano hilinglasu elo'lek mene lakfei wesumo re, hiren ninggi'nogo hilingisugun iluk elo'legen hinaselei mene inenggiba aga logogun.

IMAMAT 26:7

Hiren ap hinaselei mene inomame elok mabenet fisikhi logogun.

MIKHA 4:4

Afuni inebe lombok he, it inangge anggur yabumo inom, inagayo ara erokwe inom fano liole'ma logogun. A'nogo logolik he afuni ekhe nen inailot fisogoin iluk hilingiti logogun lek, iluk At Tuhan Omame Mondok Hokho mene a'nogo nen wene wate andi.

ZEFANYA 3:13

Nen, it afuni Israel mene o andoma inebe endebengge logogun mene re, iren afuni ekhe inoba iluk ogo weak inoba figik, ineranhogo wene yagaisigik, inane nen lalinafik ikhi logogun mondok lek. It he inangge yi mene ti mene sik-pikhogo were'ma inoba fanorogo nek logogun, nen iren afuni inoba ekhe inailoti logogun lek,” iluk, ikhe isikhe.

HAGAI 2:9

An nawi attak wurik welaga mene andi re we harek hak oba nen, ket wusugun mene andi nek he fano mondok logogin, nen, o andi re An nen hit hinendawinggen serogo logobagaigeluk hilingisogo hinobagagik, hit An nagainafuri hinunggulenu yi mene hinoba hinangge sik-pikhogo hilinghinobagagik, igin o,” iluk An Tuhan Nomame Mondok Hokho mene a'nogo nen nane mondogat igi o, yagatikhe.

ZAKHARIA 9:10

An Hineisena Tuhan nen ikhi logolik, ”It Efraim mene inanggo kuda andoma re An nen hugisagain o, o Yerusalem oba inanggo kuda andoma re, An nen mondogat legetfisagain, nen, inasikhe andoma mondogat lilibukhogo lakfisagain. Hit hinoe raja andi nen ap inunggulenu mene inanggele'ma andoma fano liokhogo welagaikharek mene faget wene menfagain o. I laut ekheba nen ekheba andoma At omame a'ma nek ferinarek logogin, nen, i Efrat ima nen he, o kweang wurep kobokhogo andoma huli re At enggiba nek logogin.

YOHANES 14:27

Halok, hit hinendawinggen hambukhogo logouwageluk an nendawinggen hambukhogo welagirek mene wokhisaluk lagain o. Andi re, afuni kweangma mene nen wogisagarek hak wokhisagain lek andi nen he, hinendawinggen fiti logolik hinailo agubo.

KISAH PARA RASUL 12:6

Samban a'nogo ugu kwelek he, at Herodes nen ohealekwe re Petrus ebe waganogo afuni inenggiba feigeluk endawimo anggasikhesik, oan werek kwelek he, o andi sambul hubanggo, ap tentara mene omanogo, it inebe ekhe kweba kagalek werek kwelek, inebe pire ekhe Petrus enggi fena-fena hele homago nogo ugu kwelek, it abel fena-fena logolik hele elugun inenggiba kelogo welagaukwa.

ROMA 5:1

Yogondak he, nit ninendawinggen Allah oba himbiret fesugu andi nen, wene ninoba mene korogo wokhaluk ninom ninambotkwe hunogo ninobagaikhemo, ninoe Enupogot Yesus Kristus nen hilingitikhe andiba Allah ninom lambulogo fano liokhogo welago.