IMAMAT 26:43 - Allah Wene Fano Wene Hupla Inane

⁴³ Ariginik oba nen he, kweang andi eberogo nen set waroageluk attak he afuni werek mene andomaba nen seleget fesigi. Nen, An nagainafuri mene andi re An nawene melalek inom yi'nogo hilingi'no ti'nogo hilingi'no iluk yagahisasigi mene a'nogo tiphogo hilingiti lagep le'ma re, An nen it inoba wene enggin mene fikhi lagi mene andi tak enek hogoinat.

IMAMAT 26:43 ပူးပေါင်းရင်းမြစ်များ

2 TAWARIKH 33:12

A'nogo waluk fei lagaukwama oba enggin-fenggin hiki logolik he, aren Tuhan Allah oba endawinggen sebe isikhesik, lebetneoageluk samban isikhe.

2 TAWARIKH 36:21

At Tuhan nen nabi Yeremia bene nen wene ikhi logolik he, ”Iren he tahun-tahun Sabat a'nogoba fogerati legengge nek hilingitu nen he o Yerusalem oba inom, Yehudaba inom andoma 70 tahun andi re kweang iringik mondok logogin,” iluk isikhe aple a'nogo higithogo hilinglagaikhe.

AYUB 5:17

Allah nen he, inendawimo weak asuagaluk hilinginaferesik, hobuk inendawimo fanot fisigik, yei inoateresigen hobuk inoba lombugeratik, ikherek andi nen he, Aren wenakhetik, komothafik, ikhe halok he, hendawimo nen, nabire, iluk anggigi'lek hagaiyek hugu mondok logoino o.

MAZMUR 119:67

Oan unggum wo'neti'le'ma re an nen wene melalek taganhogo nek hilingiti lagagi, yogondak he, Haren wene yi'nogo hilingiti logoino ti'nogo hilingiti logoino iluk isigin mene a'nogo hologo hilingitu welagi.

MAZMUR 119:71

Haren wene melalek yi'nogo hilingiti logoino ti'nogo hilingiti logoino iluk fesigin mene andi an furogo nelu asuageluk andi re, fano asuak haren unggum noba fikhi lagen.

MAZMUR 119:75

Tuhan neisena, wene Haren tegeti lagen mene andoma re we katokhogo nek tegeti lagen hilingi'mo re an mondogat nelu o, Haren we tiphogo nek hilingiti lagen a'nogoba re an wene noba fegen o.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 50:17

Hit he An nen komo wene yagahisikhi lagi mene a'nogo wanhi'legengge logolik, An Nawene Melalek a'nogo ninabit iluk herakfuluk hilingiti lagep.

YESAYA 26:16

Haren nit unggum wo'nisasiginmo nit ninoba enggin-fenggin hilingik logolik, niren Hat nineisena Tuhan hoba samban ikhi lago.

YEREMIA 31:19

Niren Hat herakhobagaluk mondogat wilifugu meneba nen Haren komotninafi lagen andiba re, niren hilingito mene andi faget ninendawimo warikhi lago. Haren nit unggum wo'nisegenma re nit ninendawinggen heiselhu nen ninunggul wamborogo welago. Nit ninebe alageba nenat weak hilingiti lagoma re, nit ninenggali nen sebel fakhogosik welago o, nineisena,” ugunem holhi.

DANIEL 9:14

Neisena Tuhan ALLAH hobabut higithogo nek hilingitendek andi nen he, Haren, Mondok weak mene ninoba lakfei wesigin iluk isigin mene arat wendeberogo fesigindik, ninoba higithogoat lakfei wagen. Meneat he, niren hat hane ninesanggo hologo hilingiti logou mondok ninabit andi.

IMAMAT 26:11

An nebe hit hinanggele'ma Nawi Sabu salek oba ninom logogun, nen hit nabit iluk oboget hisagain mondok lek.

IMAMAT 26:15

nen hit inom An ninom wene watugu mene a'nogo taganet fugu halok inom nen hiren nawene melalek yi'nogo hilingi'no ti'nogo hilingi'no iluk yagahisigi mene furogo hilingitu lek halok inom,

IMAMAT 26:30

An nendawimo hebak naferogo, hiren punu kwe fogerasi laga-lagep kwe andoma inom, dupa amben fano mene nolhi lagep mene obuluk wurik andi inom. wolelenggen tagalogo fembik, hit hinebe warek he tugwi kembu hiren mene wolelenggen hogo fagain mene omanogo ambolebene hukhisagain.

IMAMAT 26:41

Andiba An nen nomameba mugusogo it afuni hinaselei mene inanggweangma hukhisa lagagi. Ariginhigi andiba re, hiren tagomangge mene nen inaweak hilingitik, nane sagalhik hilingita mene An nobaget inendawinggen sebel fakhaluk hilingisugun halok he,

AMOS 5:10

Hit he, wene pilingitarek oba ap ekhe wene weakhogo pilingisugunem wenagisagarek mene hinabit inoba fisigik, wene eberogoat agarek mene hinendawimo seramet fisigik, egepsek andi.

ZAKHARIA 11:8

An nen a'nogo halinafunem he, ap gembala inebe henagan mene nen an li'norogo wena'neti logolik inabit noba fugunem he, an na'mage sebelu mondok elo'lekhogo hilingnafi laga. A'nogo hilingnafu nen he, tugi misik meneba nek he, it a'nogo mugusogo wulakfisigi.

YOHANES 7:7

It afuni kweangma mene nen hit halok he, inabit mondok hilinginabi'lagwi lek meneat he, an nen, it hilingitarek andi weak mondok, iluk igirek andi nen he, anat inabit mondok hilingnabi'lagwi o,” iluk yagaisasikhesik,

ROMA 8:7

Afuni inobabut inetogat logolik hilingitarek mene a'nogo oba ebeti logolik, Allah awe a'ma kuluk ane hologo welagaikharek lek andi nen at inom weim palegat werego.

ULANGAN 32:36

Nineisena Enupogoren, againafuri telinabimbik, it afuni at amingmingengge mene, inomame legasimbik were'ma, it hilingisu elo'legen he, Aren eilenggen isambik endawirinabigin.