A'nogo hilinglagaikhe andem sambul he, ap ekhe Allah ane yagaisikhi lagaikhe mene enu Elia, aiba Gilead mene, o kota enu Tisbe andi welagaikhe. Logolik, inenggi ekhe sambul he, at Elia andi ap raja Ahab oba lagaikhesik mel yagatikhe: ”Nit afuni Israel mene nineisena Tuhan Allah eluk mondok welagarek mene, an nen At obaget hilingitirek mene a'nogo oak. Hobuk tahun pire hea? henagan hea, logogun andem oba re, lilengge engga bene ekhe welagik, o meiso endebat halok ekhe ninggik, igin mondok lego. We, an nen lilengge hea, moiso hea, wesuak igin halok enek he, wesigin o,” iluk yagatikhe.
IMAMAT 26:4 - Allah Wene Fano Wene Hupla Inane4 An nen hari higithogo meiso pelakhisa wagunem hinanggweang oba nen hokhorogo fulelhik, hit hinagayo enggen itik ikhi logogin. အခန်းကိုကြည့်ပါ။ |
IMAMAT 26:4
31 ပူးပေါင်းရင်းမြစ်များ
Arigin foumo re yi engga ti engga weak mene sagarogo wulibigin. nen anggur ebe mene andi ogore enggi tegeti'lek herakfisamo re selegerati logogin lek. Arigin foumo re engga inom alok alogengge inom hokhorogo wilibimbik sebelek logouwageluk herakfisagain, nen ohena nen ogo at oba meiso pelabi wesinogo iluk nane waik paliginat,” iluk ikhe.
It he, inendawinggen fanoba nek awingge enggen feik lakfikhi logogun. Nen, it inagayo anggur enggen itik, inanggweang oba nen enggen ugu paligik, meiso pogoroba nen hokhorogo pelagisa wagik, ikhi logogin. It inunggulenu ari mene nen fena ineluk werek mene andoma inoba re An nen fanoabet fisikhi logogin aro.
A'nogo meneat he, it afuni nen at ebe futfouwageluk, yi mene ti mene ekhe elalhi'lek onggot agaikhemo welagarek fuk. We, at fano nek hilingiti logolik, ninamburu ninalabut ninghogo ninggik, ninendawimo agaiyek agik, ikhi logouwageluk, aren meiso pogoroba nen pelakfei wagik, nonggorek mene andi nogoin higit asi wagunem hokhorogoat wo'nisigik, ikherek andi,” iluk komorinafikhe.
Hiren a'nogo hilingiti logogun halok he, at hineisena Tuhan nen meisoba hit enggen mondogat palhunem inom, awi ket yatunem inom, hinanggweang oba pelakhisa waga logogin. A'nogo hilinghinafunem, hit hinebe faget gandum inom, anggur inom, e zaitun amusu inom, nen hinanggo engga ninggerek mene faget inom, higithogo nek hilingik logogin.
At hineisena Tuhan Allah pogoroba meiso yenggelogo fisogo welagarek mene omanogo liba pelakhisa waga logogin. A'nogo hilingiti logolik hiren ekhe mene ekhe mene hilingitu mene omanogoba fanothinobagagunem hiren ap inunggulenu amu meneba hinangge palegengge hak hobuk obali'mo wo'nisobagaigen iluk wogisikhi logogun oba nen he hiren it inoba a'nogo mene ekhe kino ikhi logogun lek.
Andi nenat, nerugwi nagailak lak. Ninoe Enupogot ebe oan wagi'lek werek kwelek he, hinendawinggen puk agi'lek hinafe morogo nenangorogo logoino o. Afuni nen yabu wagane'ma sumburu awi yakfuluk welagaikharek andi hinendawimo futfeni! A'nogo awi yakfuluk werek kwelek meiso o mo lagagu kwelek ninggik, pugu kwelek ninggik, hobuk attak nunggu kwelek inendawimo pugagi'legat, ”Hobuk sumburu hokho agunem ebe hokho mene takhagain,” iluk inafe morogo nenangorogo welagaikharek andi hak,
Nen, iren Allah ane yagaisikhi logolik, ”Meiso pogoroba nen pi wesigin lek,” iluk elogat yagatik, i mondogat mep asuageluk elogat hilingitik, nen inendawimo amolo anggogoin oba, ”Afuni kweangma mene yi ou ti ou inoba fouwok,” iluk elogat ou ero inoba figik, ikhi logouwageluk, Allah nen eisewerek fisikhemo a'nogo hilingisugun isigi.
ကြော်ငြာတွေ