IMAMAT 26:36 - Allah Wene Fano Wene Hupla Inane

³⁶ Nen, It hinagaila'lak ap hinaselei mene nen hugisa lamo logogun mene andoma re, An nen inailo mondok hokho mene hilingfisamo e engga sogoi en fun hugunem abolok lelok ugungge faget he inailo nen heise wulifi logogun. It afuni inaselei mene hinera'lu horokhogo werek lek oba nen ogore, it inaselei mene nen weim oba mukhinarek wagunem hak hit hinailo nen yawarilik laga logolik longgo ikhi logogun.

IMAMAT 26:36 ပူးပေါင်းရင်းမြစ်များ

KEJADIAN 35:5

Salfuluk, at Yakub agoromi inagainafuri inom inebe mondogat wilipluk wagu kwelek, it afuni o kota andoma mene nen muginarek wesinogoluk, Allah nen inebe mondogat inailo mene hilingfisasikhemo, it inebe selek wagaukwa.

KEJADIAN 4:12

Lakhobagaumo hat a'nogo pugulogo kweang herarik lagunem, kweang o ekhema nen hat henggi werek hilinghobagakhi logogin mondok lego. Yabu waganogo awi yatunem fulelogo ebe aga logogin legaro,” iluk homan fesikhe.

AYUB 13:25

An he sogoi funha wagunem engga lologo pikherek andi hak oba nen he, Haren noak leiget fikhi lagen omari! An he engga sawet a'luk pugagarek hak werek kwelek oba nen he nenahalok Haren an si'narek-mu'narek nikhi lagen omari!

MAZMUR 53:5

At Tuhan nen ikhi logolik he, ”Afuni weak enek hilingiri lagwi andoma re inobabut hebeli'lagwi lega? Iren An nagainafuri inangge teligik, An noba nayonggo figi'lek welagik, hilingiri'lagwi andoma ri!” iluk heinok wanherek.

MAZMUR 53:6

It afuni weak enek hilingitarek mene andi re, it inoba inailot fisugu mene lek kwelek oba nen, iren inailo nek aga logogun, At Allah nen he, it afuni hit haningisogo kwelakhinabi weri'lagwi mene andoma nabit iluk obogerisambik, it inoak lolo omanogo telfol isugunem he, hiren it elok mabenet fisikhi logogun.

MAZMUR 89:43

At aselei mene inomame a'luk, at mabenet fisoageluk homame wogisegen. At inom weim palek mene omanogo mondogat inendawimo inagayek asuageluk hilinginafen.

AMSAL 28:1

Ap inanini weak mene andi re it ekhe nen muginarek lagi'le'maat heise lagaikharek, oba nen he ap higithogo hilingiterek mene re mene singa nen hilingiterek hak inafe hibilik hebelekhogo nek welagaikharek.

YESAYA 30:17

Hit hinaselei mene misik ekhe nen mukhisugungge faget he, hit hinebe seribu mene heise longgo ugun, nen hinaselei mene inebe fuaben mene faget he hit hinebe mondogat heise longgo ugun aro. Hit hinebe esa hokhorogo omanogoba nen he we e misik bendera telogo fogoin mene a'nogo nek punu tukse'ma legoma andoma telik logogin.

YESAYA 7:2

Afuni nen ikhi logolik, ”Ap Siria mene esa fologo afuni Israel mene were'ma kwi wagaikhasik inom mangotha ugunem raja Ahas inom, afuni mondogat omanogo inom inesanggo holhukwasik inailo hokho mene agaikhemo re e wilibik mene sogoien funhugunem leigeterek hak inoak leigeti lagaukwa.

YESAYA 7:4

Lambik yagati logolik he, ”Hendawinggen hambukhogo logolik hafe hebelogo logoino. Hailo a'luk ninggi'nogo hilingisigin iluk nonghongge hilingisu fuk. Raja Pekah inom, Resin inom, it inagoromi tentara o Siria mene andoma re we elo'lek hangge, endu aro pire meneba nen amulok legengge so'le nek irop arophogo lagaikherek andi hak werek.

YEREMIA 37:10

Haren ap tentara Babel mene inebe mondogat inomame leget fisegen hama nen, we afuni inoumo hokhorogo werek mene nek it inawi tenda wurikwe logoumo mene ogore, iren inambotkwe siakhogo wulifi logolik o kota yi endu fou hagaro,’ ikhe iluk yagasuakhogo yagaisan o,” iluk yaganete.

YEREMIA 46:16

Hiren mene tentara esa hokhorogo omanogo re tunghogo warogo pi pou ugun o. Iren ekhe nen ekheba ikhi logolik, ’Nit he, ap selei mene inenggarok oba nen polokhogo wilibimbik, nit ninaiba ninonggwarek ninunggulenu mene were'ma omanogoba louwogen o,’ ikhi lagep.

RATAPAN 1:3

Afuni Yehuda mene re sebelogo ferinarek logolik inomameba wiik weakhogo hilingfisugunem enggin weak-peakhogo hugu mondok logolik he, it inawi eroma omanogo herakfisaluk wulifa. Yogondak it inebe re inoba yamukhogo inendawinggen hambuget haluk werek aplere elo'lek agunem, ap inunggulenu amu mene inanggelek kwe omanogo werek. It a'nogo enggin elo'lekhogo hugu were'ma, it inaselei mene we'luk he hukhogo kwelaginabi waga lagaikha.

RATAPAN 1:6

O kota Yerusalem enu werek welagaikhe mene a'nogo re, we attak andoma hilingita mene iluk tindelharek mene hangge hilingik. O andiba inogogwi ferinarek welagaikharek mene re no rusa amburu nele nen omame lek welagarek andi hak inomame mondogat lek werek. A'nogo hilingik logolik it inaselei mene nen muginarek wagunem yi'nogo ti'nogo hilingisu mondogat elo'lek.

RATAPAN 4:19

Sue rajawali nen pogotkwe tarogo lagarek andi re aninurek hak oba nen nit mu'ninarek weri'lagwi mene re mondok ferekhogo weri'lagwi. Iren he tomkwe omanogo nit mu'ninarek laluk, o leikwe omanogo nen he nit ninanggwe pali'lagwi.

YEHEZKIEL 21:12

Afuni wa'lagaikharek mene yi re, hat he le yakhigik, hane kwetik ikhi logoin! Karok andi re An nagainafuri ninom weim yabugun mene foukhogo werek. It Israel mene inogogwi kaindek ferinarek werek mene inom, it afuni inunggulenu mondogat inom he karok andiba talogo inoasumo wa'lasugun. Andi nen he hinendawimo weakhogo hinamik poueti logoni,

YEHEZKIEL 21:15

Karok andi nen hilingik enggeba re An nunggulenu mene inailo asuageluk youk kwelakfikhemo re inailo legengge inambong serogo werek mene a'nogo lek hilingisogo figik, tunghogo warigik aga. An nen it inawi kota andi weaget fagain iluk karok andiba eilaburen kulunget hikherek hak hilingiti logolik ap wasigin iluk hilingik engge andi hinoasigin iluk nane walhogo figirik welagi.

YEHEZKIEL 21:7

A'nogo hilingitunem iren heinok wokhafi logolik, nenahalok neneik yabatu welagen iluk yagahetu halok it inoba yagaisikhi logolik, wene hobuk hilinglasigin mene faget hilingiti lagi o, iluk ugunogo. Wene andi nen he it inendawinggen abolok igik, inenggi omame legagik, ineindep leigetik, inoba mondogat lebelek agik, ugun. A'nogo asigin mene andi re eberogo nen asigin mo re, hilinglasigin mene arat horogasi waga o. Iluk An Tuhan Lego Mondok welagirek mene a'nogo nen nane mondogat igi o,” ikhe.

HOSEA 8:3

oba nen iren fano mene helugu aple andoma inabit eri'lagwi. Andiba re it inebe ap selei mene nen mugisogoin.

IMAMAT 26:17

An nen hit wene hinoba foumo, ap hinaselei mene nen hit hinomame leget fuluk it hinabit anggikhi lagep mene nen hit sebelhinarek logogun. Ap mukhinarek wagu mene lek kwelek oba nen hinailo nek a'luk heise wulifi logogun.

ULANGAN 1:44

A'nogo lagagipmo it afuni Amori mene o tomkwe andoma welagaikharek inap wulibi laga logolik hit hinom weim yafigip. It inebe esa re kin awi meisalfugunem wulibi wagarek hakhogo hilingik logolik, iren hit mukhinarek o Horma horokhogo huli hinobagai wagaukwasik, it o Edom mene were'ma tom oba omanogo nen hit mabenet hinobagasukwa.

YOSUA 5:1

A'nogo hilinglagaikhemo, afuni nen he, ”Tuhan Allah againafuri Israel mene i palogo wulibi wesuageluk, i Yordan firitokhogo hilingfesikhemo, wulibi wagaikha o,” iluk ugunem afuni Amori mene inogogwi kaindek i Yordan aik yiba mo ubukhogo kwikherek higit welagaukwa mene inom, ap kaindek afuni Kanaan mene inogogwi i Laut Tengah era'lukwe welagaukwa mene mondogat inom, inesanggo holhukwasik he, afuni Israel mene inaleigen inailo agaukwasik, inoagelekwe lei'leik isikhe.

YOSUA 7:5

Ap andi inaben he it Israel mene lagaukwa mene a'nogo o kota Ai kwi lagaikharek oba kwe ambe pale'ma andoma nen muginarek he posie mene kweangma nen habuliluk hilingitarek oba andoma huli fisa lagaukwasik he, it omanogo inanggele'ma nen he ap inebe tiga puluh enam en engge tom alema andoma nen pinggi inoasi lagaukwa. Andiba re afuni Israel mene inendawinggen sebe isukwasik inailo nek agaukwa.

1 SAMUEL 17:24

A'nogo ugunem ap Israel mene at Goliat ineilenggen hasukwasik he, inailo nen heise maminget ha wagaukwasik he,