IMAMAT 26:32 - Allah Wene Fano Wene Hupla Inane

³² Hit hinawi sili An nen mondogat leget foumo re, it hinaselei mene nen a'nogo hilingik logogin mene andi ineilenggen hambik he youk logoin.

IMAMAT 26:32 ပူးပေါင်းရင်းမြစ်များ

1RAJA-RAJA 9:8

O An nobaget hilingiti logogun oba yi mondok meisak lambukhogo hilingfoumo were'ma, afuni kwe yi kwe lagik-wagik ikhi logogun mene nen ina'manggen laluk inali'lip aga logogin o. A'nogo hilingiti logolik he, mel ikhi logogun: Tuhan nen, o yoma elokhonggen weagetfigik, o wurik yi, weagetfigik, ikhe andi nenahalok?

YESAYA 24:1

Tuhan nen kweang unggum wogosumo re, mondogat ungguloakhogo re abolok lek asigin. Nen Aren he kweang enden hamo re yi afuni ti afuni mondogat telfol ugun.

YESAYA 5:6

Arigin foumo re yi engga ti engga weak mene sagarogo wulibigin. nen anggur ebe mene andi ogore enggi tegeti'lek herakfisamo re selegerati logogin lek. Arigin foumo re engga inom alok alogengge inom hokhorogo wilibimbik sebelek logouwageluk herakfisagain, nen ohena nen ogo at oba meiso pelabi wesinogo iluk nane waik paliginat,” iluk ikhe.

YESAYA 5:9

An nesanggo holhugunem en he Tuhan Omame Mondok Hokho mene a'nogo nen hombuk palhi logolik, ”O hokho mene wurik oma inom, fanorogo wurik mene oma mondogat inom he foluk arik lagain o.

YESAYA 6:11

A'nogo yaganetemo an nen he, ”A'nogo nek hilingik werek kwelek huli ki huliba nen iren futfogoin nogo?” iluk heinok wokhigi.

YESAYA 64:10

Hat honggwarek hawi kota-kota horek mene mondogat he o leimo higit hilinglaga o. Nen, handom Sion he o leimo higit hilinglagik, haiba Yerusalem he afuni inebe le'ma hakhogo foluk agik, ikhe.

YEREMIA 12:11

Io, iren he An naiba nanggweang lei pirimhogo nendawimo mondok weakhogo hilingisogo fili'lagwi. Andoma mondogat he we hesangge hilingfugunem afuni nen ekhe fut fili' lagwi lek.

YEREMIA 18:16

O kweang yiba re iren obalik mondogat namel melhogo hilingisogo faga, nen inenggi mondok-mondok andomaba re afuni nen inalitnoratuba hilingik logogin. Afuni kwe andoma bene lagu mene nen he inunggul kwanit haluk inamel melhogo kwelakhikhi logogun.

YEREMIA 19:8

An nen kota yiba re enggin-fenggin mondok hokho mene lakfei wesumo re afuni kwe andoma kwe lagu mene nen inebe lombogen he youk laluk inamelmel enek aga logogun.

YEREMIA 25:11

O kweang yi abirengge re An nen wolelenggenhogo weaget fisamo re inane tiring-tereng ugun. It inunggulenu lombok esanggo-esanggo werek mene andoma re raja Babel mene amingmingengge 70 tahun logolik obaget hilingiti logogun.

YEREMIA 25:18

Yerusalem inom, o Yehuda ba nen kota abirengge andoma inom, ap raja-raja inom, kaindek yabu legoma hilingitarek inap inom he an nen anggur agai a'nogo noageluk wogisugunem nunggunem he it inebe re lei mondok pirimhogo esi lek andi higit aga lagaikha. Nen, yogondak huli nen he it inenu igisogo aben homan fisagarek.

YEREMIA 25:38

Mene singa kweang elema nen wulibi wagarek hak, Tuhan nen ogo againafuri unggum wogisageluk andi hakhogo wulibi wagarek. Tuhan a'mage lagaikherek mene inom, weim yaferek mene inom, aniniba weagerinaferek mene inom omanogo o kweang yiba nen hebekhogo re lei esi le'ma hilinglaga.

YEREMIA 33:10

Tuhan ane ikhi logolik afuni nen he yi'nogo ili'lagwi o ikhe, ”O yoma re leimo hak hilingik, afuni ogo yi mene ti mene eluk werek mene ogo ekhe werek lek iluk ili'lagwi. Nen iren a'nogo ili'lagwi andi re eberogo nenat, andi re o Yehuda ba kota omanogo inom, o Yerusalem kwebene omanogo inom mondogat he tiring terengse'ma re, nen afuni ogo eluk-elugengge ogo andoma ekhe werek legat.

YEREMIA 44:2

At Tuhan Omame Mondok Hokho mene, Israel mene ineisena Allah a'nogo nen it faget ikhe mene re yi, ”An nen afuni Yerusalem mene inom Yehuda ba nen o kota-kota amukwe omanogo inom oba enggin mene lakfei wagi aple andi re hiren ogo hineilenggen enek hegebat. Yogondak huli nen ogo o kota andoma mondok wolelenggen tagalogo hilingi'mo re afuni welagaikharek legat.

YEREMIA 44:22

Hiren tugwi kembu obaget yi mene ti mene fuluk wogoti lagep mene andoma re Tuhan nen kwelakhinarek logou re abit mondok hisili'lago, hiren hilingiti lagep mene andoma re, mondok hineloukhogo hinali'norek mene nek hilingiti lagep. Hiren he, Aren yi'nogo hilingi'no ti'nogo hilingi'no iluk yagahisikhe mene omanogo hologo hilingitep lek andiba re Tuhan oba weak hilingiti lagep. Ma re, yogondak ari hit hinanggweang mondogat weaget fisikhemo re afuni ekhe logou re elo'lek ari o, nen aben homan fisouwogeluk he o andi enu igisogo agarek. Nen, ap ineilenggen hagarek mene nen he, inamelmel inaferek,” iluk yagaisigi.

YEREMIA 9:11

An nen a'nogo ugunem he, Tuhan ane ikhi logolik, ”O Yerusalem meisa'lambukhogo hilingisogo figik, mene olomene enggama mene ebe hinago werek oba hangge hilingisogo figik, igin o. Nen, afuni Yehuda mene inawi kota mondogat he afuni inebe le'ma somung logouwageluk hilingisogo fagain aro,” iluk ikhe.

RATAPAN 4:12

It ap raja-raja andoma mene ekhe nen ogo, nen afuni o kweangma werek mene mondogaren ogo, o kota Yerusalem leget pa'leget waganek mene andiba kwe ambe palekwe omanogo nen aselei mene kwi wesugun mel anggaga lek andi.

YEHEZKIEL 5:15

An nen hat hele wathafi logolik na'mage nen unggum wokhetunem, inunggulenu amu mene hera'lukwe haningisogo logogun mene omanogo nen ineilenggen healuk he hagaisethafi logogun. Iren he hat li'nothafi logolik ineilenggen kumut healuk inali'lip aga logogun.

DANIEL 9:18

Allah neisena, hesanggo langet fembik he, ninane hesanggo holhik, heilenggen fenggen lasimbik he, ninebe inom, ninawi kota Yerusalem, Allah were'ma iluk enu agarek awiba a'nogo inom, mondok weaget ninafukwama weak welago yi kwelaknisigik, in o, neisena. Nit ninobabut fano hilingiti lago, iluk Hat hayonggo fikhi lago fuk. We, Haren nit ninobaget hendawit ninabinogen iluk, hayonggo fikhi lago o, neisena.

HABAKUK 3:17

E ara enggen ugu lek kwelek oba nen, e anggur enggen ugu mene lek kwelek oba nen, e zaitun enggen palhu sambul palhu mene lek kwelek oba nen, yabukwe gandum enggen itu le'ma nendawimo weak agu kwelek oba nen, wam domba ogo mondogat wa'lagu kwelek oba nen, wam awi senggelek kwe somong arik lagu kwelek oba nen,

LUKAS 21:20

At Yesus nen a'nogo yagaisasikhesik, wene ekhe mel yagaisasikhe: ”It ap tentara mene nen o kota Yerusalem ari mondok walingisogo kwelafa halok he, O larogo wulil tagalogo ninoasugun a'nogo arat horok asi waga higi o, iluk, hinendawimo anggano.

ULANGAN 28:37

O kweang At hineisena Tuhan nen nalek-falek hinobagagin oba andoma nen he afuni nen inamel-melhogo ineil kumuthisikhi logolik he pilibethinafik, endo yakhinafik, hilinghinafi logogun.