IMAMAT 26:17 - Allah Wene Fano Wene Hupla Inane

¹⁷ An nen hit wene hinoba foumo, ap hinaselei mene nen hit hinomame leget fuluk it hinabit anggikhi lagep mene nen hit sebelhinarek logogun. Ap mukhinarek wagu mene lek kwelek oba nen hinailo nek a'luk heise wulifi logogun.

IMAMAT 26:17 ပူးပေါင်းရင်းမြစ်များ

KEJADIAN 4:12

Lakhobagaumo hat a'nogo pugulogo kweang herarik lagunem, kweang o ekhema nen hat henggi werek hilinghobagakhi logogin mondok lego. Yabu waganogo awi yatunem fulelogo ebe aga logogin legaro,” iluk homan fesikhe.

1RAJA-RAJA 8:33

Hagainafuri Israel mene weak hilingisugun andi nen, inaselei mene nen mabenet fisaluk, inoatu halok inambotkwe hoba we'luk nineisena Henupogot iluk fogethabluk, Hat hawi wuri'mo yi we'luk he, Weak hilingito mene haren sagalogo legetfisan o, iluk kino yagahetu halok,

2 RAJA-RAJA 13:3

Andiba re Tuhan a'mage afuni Israel mene inoba fesikhesik, raja Siria mene hun Hazael a'nogo inom nen amlogo Benhadad a'nogo inomen hundik-hundik afuni Israel mene inomame leget fisoageluk oboget isasikhe.

2 RAJA-RAJA 13:7

Nen raja Siria mene Aram a'nogo nen he it afuni Israel mene mondogat wolelenggenhogo leget fisasikhemo re, at Yoahas agoromi weim yafarek mene re kuda ba lagaikharek mene inebe 50 nen, kereta ba lagaikharek mene inebe re 10 nen, kweang kwe ineisok oba lagaikharek mene inebe 10.000 nen welagaukwa.

MAZMUR 44:10

Oba nen he, yogondak he haren oboget nisegen, nit ninomame leget ninobagauwageluk herak ninobagegen. Nen Hat he nit weim yabuogeluk logalhunem a'nogo ninom laga lagen lek.

MAZMUR 53:5

At Tuhan nen ikhi logolik he, ”Afuni weak enek hilingiri lagwi andoma re inobabut hebeli'lagwi lega? Iren An nagainafuri inangge teligik, An noba nayonggo figi'lek welagik, hilingiri'lagwi andoma ri!” iluk heinok wanherek.

MAZMUR 53:6

It afuni weak enek hilingitarek mene andi re, it inoba inailot fisugu mene lek kwelek oba nen, iren inailo nek aga logogun, At Allah nen he, it afuni hit haningisogo kwelakhinabi weri'lagwi mene andoma nabit iluk obogerisambik, it inoak lolo omanogo telfol isugunem he, hiren it elok mabenet fisikhi logogun.

AMSAL 28:1

Ap inanini weak mene andi re it ekhe nen muginarek lagi'le'maat heise lagaikharek, oba nen he ap higithogo hilingiterek mene re mene singa nen hilingiterek hak inafe hibilik hebelekhogo nek welagaikharek.

YESAYA 30:17

Hit hinaselei mene misik ekhe nen mukhisugungge faget he, hit hinebe seribu mene heise longgo ugun, nen hinaselei mene inebe fuaben mene faget he hit hinebe mondogat heise longgo ugun aro. Hit hinebe esa hokhorogo omanogoba nen he we e misik bendera telogo fogoin mene a'nogo nek punu tukse'ma legoma andoma telik logogin.

YESAYA 63:10

Oba nen he, it he At ane sagalhi logolik Tuhan a'mage kwelafu mene welagaukwa. Andiba re, At amolo re it inaselei mene higit hilingfuluk, At Tuhan ebe inom weim yafi lagaikha.

YEREMIA 19:7

Obalik yiba nen he An nen ap Yehuda mene nen inom, afuni Yerusalem werek mene nen inom hilingitu mene iluk wene lenggalek werek mene andoma sugit fagain o. It inebe re weim yafunemen inaselei mene nen mabenet fisambik inoasuageluk herakfisagain. It inebe warek he An nen herakfisamo sue nen inom mene olomene nen inom nogoin.

YEREMIA 44:11

Andiba re, An Tuhan Nomame Mondok Hokho mene, Israel mene ineisena Allah a'nogo nen he hit eil hinabimbik he, Yehuda mene mondogat alperelogo fisagain o.

RATAPAN 1:5

It inaselei mene re iren nit sebelogo ninobagakhi logolik a'luk he, it he inalong ari'lagwi. At aweak hokhorogo hilingi'mo re, Tuhan nen at enggin-fenggin hokhorogo hoageluk hilingfili'lago. Afuni at againafuri mene re hele warogo felelenginarek he huginabi lagaikharek oba omanogo fisa lagama werek.

RATAPAN 2:4

Nit At aselei mene hakhogo, Aren asikhe lirik logolik, andok he nit ninebikhit pisinghogo lakfei waga. Ap nit ninendawimo nina'ma lolo kwelafarek mene omanogo re, Aren inebe mondogat inoate. Endu engganggan palogo lagarek hak, Aren o kota Yerusalem yinogo aniniba hilingisogo fikhe.

YEHEZKIEL 15:7

An nen it unggum wogisagain. It endumo nen heiselogo wulibugun oba nen ogore, hobuk endu nenat nolinabigin. Andiba re haren An nebe Tuhan welagirek mene a'nogo furogo helu asigin.

IMAMAT 17:10

Nen, afuni Israel mene ogo, it pok meneba nen afuni Israel mene inanggelekwe femhoho werek mene nen ogo wam kurik meberengge nunggu halok he Tuhan nen wene oba fagain, nen at ebe faget An namlogo mene werek he anggagain lek.

ULANGAN 28:25

Hiren At hineisena Tuhan Allah ane hologo hilingiti lagep lek halok he hit hinaselei mene nen hinomame leget hinobagakhi logogun. Nen hiren fanorogo hinebe eratfuluk weim yabi laga logogun oba nen wulifi logolik he hesangge nalek-falek wulifi logogun. Hit a'nogo hilingitunem weak mene hinoba nek aga logogin mene andi faget, it afuni inunggulenu amu mene nen hit hinoba inamel-melhogo nek kwelakhisikhi logogun.

YOSUA 7:4

Andi isukwama re o andoma pin talogo inoasugun iluk lagaukwa mene re ap inebe tiga ribu nen lagaukwa, oba nen he it Ai inaben he it Israel mene a'nogo yei warogo inambotkwe lakfisa wagaukwa.

HAKIM–HAKIM 3:14

Sebelhikhesik 18 tahun andi re ap Eglon andi nen it Israel mene sebelinarek welagaikhe.

HAKIM–HAKIM 3:8

Andiba re, Tuhan nen afuni Israel mene inoba anini fesikhesik he, afuni Israel mene andi at raja Kusyan-Risyataim awi Mesopotamia mene andi nen inomame leget fisoageluk herakfisasikhe. Herakfisasikhemo 8 tahun he raja andi nen ferinarek welagaikhe.

HAKIM–HAKIM 6:2

A'nogo logolik he afuni Israel mene afuni Midian mene inoba mondok inailo nen he oumokwe inom, tomkwe inom afuni nen ineilenggen isa lekwe inom andoma hinago welagaukwa.

1 SAMUEL 12:15

Meneat he, hiren nineisena Tuhan ane hologo hilingiti'lek, we sagalogo hilingiti logogun halok he, hit inom hinoe raja wenagaisogo fegep mene ari inom he, hineisena Tuhan he aselei mene higit logogun o.

1 SAMUEL 31:1

A'nogo hilingitu kwelek, ap Filistin mene nen it Israel mene inoasuogeluk o Gilboa andoma wagaukwa. Wagaukwasik, inom weim yafi logolik, ap Israel mene inebe hokhorogoat andoma inoatukwa. A'nogo inoatu kwelek, it ap fena Saul againafuri inom heise poloksek wulifukwa.

1 SAMUEL 4:10

A'nogo isukwasik, it ap Filistin mene a'nogo weim mondok aninirogo yafi logolik, ap tentara Israel mene mabenet fisasukwasik inoatukwa. A'nogo inoatukwama, ap Israel mene heise inawi tenda wurikwe lombok wagaukwa. Weim andi yafi logolik, ap tentara Israel mene mondok mabenet fisasukwasik, inebe mondok hokhorogo 30.000 nen inoatukwa.