IMAMAT 26:16 - Allah Wene Fano Wene Hupla Inane

¹⁶ An nen enggin mene hit hinoba asuageluk hilingfigik, hinebeba ou aganhan engge mene andi nen hineilenggen puk agik, nen hinoba fano asu elo'lek mene andi nen hutet hisugunem inebe mondok weak agik ugun. Hit hineabu wokfakhaluk awi yasugun oba nen he enggen oan ninggi'le'ma, it hinaselei mene nen sebela kwi we'luk ninggi logogun.

IMAMAT 26:16 ပူးပေါင်းရင်းမြစ်များ

1RAJA-RAJA 8:37

O yoma sumburu ouwak hea, ou ero weak mene hea, wagik, o sogoi aganhan weak mene nen funha waga logolik, yi mene ti mene yago mene pugetfisigik, elugengge hea, pulue hea, nen weagetfisigik, hagainafuri inaselei mene nen inebe o ekhe pin talogo inoasuogoluk igik, ou en inoatik, hilinglagu halok he,

AYUB 18:11

It ap kwanirogo hilingiri'lagwi andi re, inabel fena-fena inamel-mel aple nek hilingigen he youk lagaikharek, nen it laga logolik he inamel-melhogo nek lagaikharek.

AYUB 20:25

At ebe tok watfoumo re oba oumo asigin, tok ambisang werelek kabuk enggeba re at ebe agaukhwe furulhogo wasumo re at endawimo ailo mene oba asi wesigin.

AYUB 31:8

andi re yi mene ti mene an nen yati mene it ekhe ninggik, nen yabukwe yi mene ti mene yago mene re weak akhoago.

MAZMUR 109:6

At andi obaget awene katokhogo paluageluk, ap kwanirogo hilingiri'lago mene ekhe menfein o, at ebe it aselei mene andoma nen oba wene hikhip hoak.

MAZMUR 73:19

Ineilenggen humun la'luk fenggen lagaikharek hak koma lagaikha heat, lek agaikharek. It inebe lek agaikharek sambul andi re mondok hunikhogo hiling lagarek.

MAZMUR 78:33

Andiba re, At Allah nen it inebe ineluk werek mene a'nogo horoget fisasikhemo, tahun it welagaukwa mene aremnogoba re mondogat inailo mene youk kwelakfisasikhemo werek kwelek enek he it ineluk werek mene a'nogo arat kobogi lagaikhe.

KELUARAN 15:26

A'nogo ikhi logolik, mel yagaisasikhe: ”Hiren eberogoat mondok an nane hologo hilingitik, an nen andi fano iluk anggigirek mene andiat hilingitik, an nen, yi'nogo hilingiti logoino, ti'nogo hilingiti logoino, iluk komorogo yagahisigi mene andiat higithogo hilingiti logoino o. A'nogo hilingiti logogun halok he, an nen yi ou ti ou afuni Mesir mene inoba figi a'nogo hangge ekhe hinoba fagain lego. Hit hinebe se asuageluk hinoba fano hilinghinafirek mene hineisena Tuhan nebere Anaro,” iluk yagaisasikhe.

AMSAL 3:33

Ap weak hilingitarek mene inaiba re Tuhan nen homan ikfisikherek, oba nen, ap At oba lombokhogo welagaikharek mene inaiba re fanot fisikherek.

YESAYA 10:4

Hit hinebeba hilinglasigin mene re weim oba nen wa'lasugun hea, athe hele warogo wokhinarek logoin hea? Oba nen he, Tuhan a'mage oan lagagunem he, eberogo nen unggum hinoba fagain aro.

YESAYA 62:8

Tuhan nen ane hombuk palogo wene wati logolik At omameba hobuk higithogo hilingisigin iluk ikhe. Aren he, ”An nen hinangge kandum selei mene inenggiba fagain lego, nen ap pok mene re anggur hiren likhak warogo hinenggi ambisangma nen helikhi logogun mene andoma re ninggi logogun legaro.

YESAYA 7:2

Afuni nen ikhi logolik, ”Ap Siria mene esa fologo afuni Israel mene were'ma kwi wagaikhasik inom mangotha ugunem raja Ahas inom, afuni mondogat omanogo inom inesanggo holhukwasik inailo hokho mene agaikhemo re e wilibik mene sogoien funhugunem leigeterek hak inoak leigeti lagaukwa.

YEREMIA 12:13

An nagainafuri nen he gandum enggen feik foli'lagwi ba nen he enggen he alok-alok agayo enggen pali'lagwi. Iren mondok elo'lekhogo hilingiri'lagwiba nen, iren hilingiri'lagwi mene andoma ambisangma fano ari'lago mene ekhe werek lek. An nen mondogat na'mage inoba fikhi lagimo re iren enggen ugu fanorogo pali'lagwi lek andi o,” iluk ikhe.

YEREMIA 15:3

An Tuhan nen he unggum ero enggaminogo mene it inoba asigin iluk fouget figimo werego: It he weim elema nen wa'lasumo re it inebe warek omanogo re mene nen lithalagik ninggik, sue nen inom, maro mene nen inom legaberinafik, ugun o.

YEREMIA 15:8

Hit hinanggweang oba andoma re hemi sogwe mene nek hoporek logogun, ial i esanggokwe welagarek mene andoma endep hak oba nen it he mondok hokho-pokhorogo hilingik logogun. An nen he inebe sougeba nenat inoasumo re, it inagaisawi re neneik yabasugun. O linggene re An nen ap inoaterek mene ekhe lakfei wesumo re, iren inailo asimbik inendawi fisugun.

YEREMIA 20:4

Tuhan ebe nen ikhi logolik, ”Hat he honggwarek inom, it hagaila'lak inom, aben hinoasuageluk hinobagagin o. It hagaila'lak andoma re ap selei mene nen inoatunem heilenggen isagain. Nen, afuni Yehuda mene mondogat he raja Babel mene nen sebelinarek logouwageluk hilingfisagain, it mene fenakwe re hele warogo woginarek he o Babel lagain, nen tindelasugun mene re pinggi inoasigin.

YEREMIA 5:17

Iren hit hinanggweang oba nen enggen ugu andoma inom, hit hinangge nunggu mene inom legetfuluk he hinagainafuri pinggi inoasugunat. Hinanggo sapi, domba inom he iren warogoinat, hit hinagayo anggur yabu inom, arah yabu inom he iren wolelenggen isogoin. Hit hinaiba leget pa'leget omamerogo waganek mene re iren meisak langgukhogo lakfisogoin.

YEHEZKIEL 24:23

Hit hinunggul topi ugu legengge laga logogun lek, le yi-yi iluk asugun legat. Hit hinaweak oba nek hinendawinggen selekwe lakfigik, hirenat it ekhe nen ekhe mene inoba hinane yabul yagaisigik, hilingirik laga logogun.

YEHEZKIEL 33:10

Tuhan ane an noba yaganeti logolik, ”Afuni wa'lagaikarek mene yi, it ap Israel mene inoba wene iren agarek mene yi agap sagalogo yagaisan, ’Nit ninonggwarek weak elekwe weak mene inom kwanirek mene inom, hilingiti lagoba ninoasiginmo re, nit ninggi'nogo ninelu logogun anggegep?’ iluk agarek.

AMOS 5:11

Hiren afuni inangge lek inelagaik mene sebelogo fisaluk, inamburu gandum he hinenggi abisak helikhi lagep. A'nogo hilingiti lagep andi nen, hit hinebe hinawi fano mondok wurikhi lagep oba andoma logogun mondok lego. Nen, hinagayo anggur awi hineabukwe yago mene andoma enggen amusu ninggi logogun mondok legaro.

MIKHA 6:15

Hiren hinangge gandum awi feik lakfikhi logogun oba nen he enggen palikhi logogun lek. Nen, hinagayo zaitun amusu keralikhi logogun oba nen he, i amusu ebe hit he ninggi logogun lek, nen hiren hinagayo anggur enggen perelikhi logogun oba nen he i anggur amusu andi ebe hit ninggi logogun legat.

HAGAI 1:6

Hiren awingge feik hokhorogo folhi lagep, oba nen he enggen ugu re endebengge nek palikhi lagep, hit hinangge nunggu mene higit ninggi lagep, oba nen he hinalabut ning ili'lago lek. Hit hinagai anggur agai higit werek, oba nen he hinoba homot hinobagali'lago lek. Hit hinasu re laberek welagep, oba nen he hinagap oba aganhanet hinobagali'lago lek. Nen, hit ap yabu hilingitu hinap onggo wokhisugunem helikhi lagep mene ogore aremnogoba higithogo hineluk logou lek hak ari'lago.

ZAKHARIA 14:12

It ap inunggulenu lombok it Yerusalem mene inom weim yabi wesugun mene andoma mondogat inoba re, Tuhan nen ou mondok inailo mene lakfei wesigin. Andi nen he, inebe ineluk werek kwelek ineilenggen inom, inamelinggen inom, inebe abirengge inom mondok fili aga logogun.

MALEAKHI 2:3

Hit he An nen unggum hinoba fembik, hit hinebe re wam hiren warogo noli waga lagep mene andoma al hinelokhe kwe taget hinobagaluk, hit hinebe lit hinarek he, wam al wurik kabok lagaikherek oba andoma hinobagai lagain o.

ULANGAN 28:51

It a'nogo waga logolik, hiren takhikhi lagep mene inom, hinanggweang oba nen enggen palikhi legep mene inom, legetfikhi logolik hit faget iluk gandum ogo, anggur agai ogo, zaitun amusu ogo, sapi, kambing, domba ogo, mondogat helamo re hit nele nen mondogat wa'lasugun o.

ULANGAN 32:25

It inebe endakwe lagunem, weim yafi logolik inoasugun, It inebe oloba were'ma, inali'lip hokhorogo hilinglasugun, Ap alage helime yenggerugwi, inebe mondogat legetfisagain, It omalik ketago mene ogo, it ekhe yamanugwi mene ogo, inebe mondok legetfisagainat.

IBRANI 10:31

Wene a'nogo inoba fagain andi, nit weak hilingitunem ninebe Allah eluk mondok welagarek mene enggiba ninobagaikhe halok, ninailo mondok asigin andi.

HAKIM–HAKIM 6:11

Linggene ekhe sambul he malaikat Tuhan ekhe o kota Ofra andoma wagaikhesik he, e patie hun Yoas agayo unggulenu hakhogo Abiezer mene a'nogo eroma andoma hurek welagaikhe. Hurek were'ma he at Yoas amlogo enu Gideon a'nogo re afuni Midian mene nen ineil neanogoluk andoma hinago logolik anggur enggen perelhunem omanogo anggur enggen lologo pelafik, asinagap ibilhik ikhi lagaikhe.

1 SAMUEL 2:33

A'nogo meneat he, haren tagomangge mene ap misik ekhe eluk logolik An nobaget hilingiti logouwageluk enogo foumo at ebe imam logolik An nobaget hilingiti logogin. Oba nen he at ebe eil mondok mum mene asimbik, anggolo huranerogo logogin. Nen, haren tagomangge mene fena mondogat he wa'lasugun.