IMAMAT 26:14 - Allah Wene Fano Wene Hupla Inane

¹⁴ Tuhan nen ikhi logolik, ”Hiren An nane holhi'lek Nawene melalek inom higithogo hilingiti'lek halok inom,

IMAMAT 26:14 ပူးပေါင်းရင်းမြစ်များ

2 RAJA-RAJA 22:13

”Nit ninombalagen wene Allah nen, yi'nogo hilingiti logoin o, ti'nogo hilingiti logoin o, iluk nit faget komotninafikhe wene lisu palek werek andi higithogo hilingiti lagaukwa le'ma re, Tuhan a'mage nit ninoba fikhesik werek andi nen he, buku andi elonggoma lisu palek mene andi faget, an inom, afuni Yehuda mene mondogat inom, ninomen hilingisugun mene faget nineisena Tuhan nen yaganisoagen he, heinok wokha lani o,” iluk lakfisasikhe.

2 TAWARIKH 34:24

It afuni Yerusalem mene inom, it mondogat inomen he, An inambothan linet nobagaluk he, iren wam warogo ap Allah inonggot mene fogerati lagaukwa kwe omanogo nobagai lagik, ikhi lagaikha. Iren a'nogo mondok hilingiti lagaukwa mene andoma oba re An na'mage kwelafi lagaukwama re An nen Yerusalem mene inoba na'mage figirik he, An na'mage lagaikhe mene andi re sebel ha mondok elo'lego, Enggere buku andiba senggerogo palek were'ma at raja oba pilingisogo yagate mene andiba an nen Yerusalem oba inom, it afuni andoma werek mene inoba inom, homan igisogo wene palek mene a'nogo higithogo unggum inoba fisagain o.

2 TAWARIKH 7:19

Oba nen he hat inom it afuni hagainafuri holhu mene andoma inom, An nawene melalek werek mene a'nogo sagalogo herakfuluk tugwi kembuba nen allah ap-ap hilingfuluk fogeratarek mene omanogoba fogerati logogun halok he,

MAZMUR 81:12

Oba nen he, it An nagainafuri omanogo nen he An nane holhu aple inabit welagaukwa. It afuni Israel mene nen he An nane hologo hilingitu aple mondok inabit welagaukwa.

AMSAL 3:33

Ap weak hilingitarek mene inaiba re Tuhan nen homan ikfisikherek, oba nen, ap At oba lombokhogo welagaikharek mene inaiba re fanot fisikherek.

YEREMIA 11:8

iren An ninom wene watugu mene andi hologo hilingiti logouwageluk yagaisikhi lagi. Oba nen he, holhi'lek logolik nane hologo hilingiri'lagwi lek, iren he inendawinggen peterek logolik attak hilingiti lagaukwa hakhogo inobaharo werek. Andiba re wene warek werek mene andiba unggum inoba asigin mene iluk palek werek mene a'nogo re An nen it inoba figi andi o,” iluk ikhe isikhe.

YEREMIA 17:27

Oba nen he hiren An nane hologo hilingiti'lek, linggene Sabat mene andi An nobaget enogo figi'lek, nen linggene sabat mene andiba kwe ambe palekwe andi nen hinasungge salmakhaluk wulibi lagik hilingiti logogun halok he, o Yerusalem kwe ambe palekwe andoma inom ap raja ebe were'ma andoma inom An nen endu oba mondogat foumo re endu andi re nagulu elo'lek logogin o, iluk ikhe yagaisano,” isikhe.

YEREMIA 26:4

Tuhan nen an yaganeti logolik he yi'nogo yagaisano ikhe, ”An Tuhan nen wene melalhinobagakhi logolik, hiren An nane hologo hilingitik, wene yi'nogo ti'nogo hilingiti logoino iluk yagaisasigi mene omanogo higithogo hilingitik, ugunogo iluk yagahisasigi.

YEREMIA 28:8

Ap nabi-nabi nit ninebe oan ta'lagi'le'ma attak welagaukwa mene nen asigin mene faget yi'nogo isukwa: Weim yafik, enggin-fenggin agik, ou amben weak mene saga igik, ikhi logolik ap inunggulenu mene inom, inawi kerajaan omame logogin mene omanogo inoba asi wesigin o, iluk yagaisikhi lagaukwa.

YEREMIA 32:23

Oba nen he it o kweang yiba sebeli kwi wagaukwasik logolik, iren Hat hane ugu mene omanogo hologo hilingiti lagaukwa lek. Haren yagaisugu mene andoma mondogat he iren we misikhogo iluk ekhe hilingiti lagaukwa legat. Andiba re yogondak he Haren yi enggin ti enggin inoba lakfei waga lagen yi o.

YEREMIA 40:2

Ap tentara Babel mene inoe kain a'nogo nen an namu nek wolnafesik ane ikhi logolik, ”Tuhan Allah hat heisena andi nen he o kweang yi mondogat weagerogo fagain iluk anggomo palhe o.

RATAPAN 1:18

Oba nen we Tuhan enek he eberogo mene werek. Aren wene melalek ikhe mene omanogo an nen sagalogo fikhi lagagi. Yago, hit yi afuni ti afuni hinunggulenu lombogen he an nane yi hinesanggo holini o, An yi enggin ti enggin hugu mandok welagi mene andi hineilenggen neani. An nagainafuri ap souge inom helime tugum inom mondogat hele warinafasik, felelenginarek hugisa lagaikharek oba omanogo fisa lagaikha.

RATAPAN 2:17

Tuhan nen a'nogo hilinghinobagagin iluk nit ebesuageluk yaganisikhi laga mene inom, Aren ebete mene inom, a'nogo mondogat hilingite. Nit he endawit ninafi'lek mondogat wolelenggen hogo ninobagaikhesik, nit ninaselei mene re inomanet fisikhe. Nit a'nogo weaget ninobagagunem nisaluk, it ninaselei mene inagaiyek hoageluk hilingfisikhe.

DANIEL 9:13

Haren he, Mondok weak mene hinoba fagain, iluk isiginmo, wene Musa nen lisu palogo fesikhe mene andi mondogat nit ninoba fesigin meneat he, niren Hat hendawimo fano asuageluk ekhe hilingiti'lego. Ninobabut weak hilingitorek mene andi herakfisaluk, Haren ebe wene yaganisegendek mene andi higithogo hilingisu ninabirat welago andi, neisena.

HOSEA 7:12

Oba nen he iren hundik-handik a'nogo logoin iluk lagunem he, afuni nen hele webet fugunem sue ke'nok ikherek hak An nen it inebe elema kwalasuageluk su ugu legeisogo fuluk logogin. Iren inaweak hilingiri'lagwi mene andi An nelu welagimo re An nanini mene hilingiri'lagwi mene andem faget unggum wogisagain.

IMAMAT 26:18

An nen wene hinoba fugu mene hikhi logoligen hit An noba hinendawinggen tukhumet figi'legat halok, An nen wene nenggi wenagaisogo 7 nen oba inoba fagain.

MALEAKHI 2:2

Hit hinobabut hilingituba An esinet nobagaluk foget nobagakhi logoni o. Nen, hiren An nane holfigi'legengge hilingiti lagep halok he, An nen homan hinobagagin. Hiren yi mene ti mene aren wo'nisili'lago mene iluk helikhi lagep mene andoma re, An nen agaumhogo re homan ugu mene nek hilingisogo fagain o. Hiren he, An nen nawene melalek yagahisigi mene a'nogo sagalogo fuluk hilingitunem he, ibi-eberogo nen yi mene ti mene mondok fano mene andoma re, mondogat homan ikfigimo werego.

KISAH PARA RASUL 3:23

Sa nen wene aren yagahisagain mene andi esanggo holhi'lek halok he, Allah nen, at againafuri inanggele'ma nen lisogo wulakfisambik weagetfagain o, iluk yagaisasikhe.

IBRANI 12:25

It afuni Allah ane kweangma yagaisugunem inesanggo holu inabit welagaukwa mene, inebe ineluk herakfisigi'lek inoati lagaikhe andi. Halok he, nit yi ogo re, wene pogoroba nen yaganisugunem ninesanggo holu ninabit logogun halok he, ninoati'lek herakninobagagin anggegeba? Lego. Mondok ninoasigin andi nen he, at ane ugu kwelek hinesanggo holhi'lek, ”Ninabit,” iluk herakfisanogo nen he, hinebe hebelogo logoino o.

YOSUA 23:15

Oba nen he Aren wene wathisikhe mene omanogo mondogat hit hinoba tiphogo nek hilingite hakhogore, Aren he hit hinebe ogo hinoasigin iluk ikhe mene andi re ibi-eberogo nenat hinoasigin o.

HAKIM–HAKIM 2:15

Inomame a'nogo lek agaikhesik, it inaselei mene inom weim yafi lagaukwa andi ebe lombok, endamat at Tuhan nen, yi'nogo hilinghinabigin, iluk it inendawimo eberek logouwageluk yagaisasikhe andi hak, it Israel mene inaselei mene higit enek hilinglaga lagaikhe. A'nogo hilingitunem nogo nen he, it inoba enggin-fengginhogo hilinglaga lagaikhe.

1 SAMUEL 12:15

Meneat he, hiren nineisena Tuhan ane hologo hilingiti'lek, we sagalogo hilingiti logogun halok he, hit inom hinoe raja wenagaisogo fegep mene ari inom he, hineisena Tuhan he aselei mene higit logogun o.