IMAMAT 26:13 - Allah Wene Fano Wene Hupla Inane

¹³ Hit ap inamingmingengge logogun lek iluk, inomameba sebelhinarek welaga mene a'nogo omame leget fuluk, fikhalogo hinobagagirik o Mesir en wokhinarek wulibi wagagi mene, hineisena Tuhan Allah a'nogo Nebe Anaro,” iluk yagaisasikhe.

IMAMAT 26:13 ပူးပေါင်းရင်းမြစ်များ

MAZMUR 116:16

An yi neisena Tuhan hamingmingengge mene o. Nagaisa nen Hat faget hilingiti lagaikhe hak, an ogo Hat fagerat hilingitirego. Nebe hele warek were'ma, Haren hele fikhalnafigin.

KELUARAN 14:8

At nineisena Tuhan en raja endawinggen helep mondok hilingisogo fesikhemo nogo nen he, afuni Israel mene nineisena Tuhan nen woginarek o Mesir en wulibi wagaikhesik wagunem muginarek wagaikhe andi.

KELUARAN 6:7

An nen he, o Abraham inom, Ishak inom, Yakub inom, hit wokhisagain, iluk hombuk palogo wene warisasigiba andoma wokhinarek lagain o. Lambik o andoma, hit hinonggwarek faget eise mondok logobagaigeluk wokhisagain o. Hineisena Tuhan he, Anaro,” iluk yagaisasikhe.

YESAYA 51:23

Enggin fenggin andi re, An nen it afuni hit sebelogo hinobagakhi logolik, kweangma weingla'ni o, iluk hit hinebe afuni kwe lagukwe hakhogo hilinghinobagaluk sibil-sebel hisikhi lagaukwa mene omanogo inoba fagain o,” iluk ikhe isikhe.

YESAYA 9:3

Harenat it inoba enggin mene waganogo figik, it inomoloba e ha'luk lagaikharek mene korogo figik, ikhi lagen. Haren o attak andoma ap tentara Midian mene mabenet fisasigin hak, it inunggulenu ekhe mene nen hat hagainafuri yi enggin ti enggin inoba fikhi logolik were'ma haren mabenet fisambik telinabigin o.

YEREMIA 2:20

Tuhan nen ikhi logolik: ”Hit An namingmingengge logolik, noba lomborogo logou hinabiren, nane hologo fogetnafi'lek endamaren wulifigip andi. A'nogo wulifigipsik he, tom hokhondek mene unggul uan meneba lagagik, e engga hikweak mene erokwe fanokwe andoma lagik ikhi logolik, tugwi kembu nen muliraterek mene iluk fogerati lagep andi.

YEREMIA 28:2

Tuhan Omame Mondok Hokho mene, Allah afuni Israel mene ineisena a'nogo nen yi'nogo ikhe, ”Raja Babel mene omame werek a'nogo re An nen abi sit figi o.

YEREMIA 28:4

Ekhe re An nen hun Yoyakhim amlogo Yoyakhin afuni Yehuda mene inoe raja a'nogo inom, nen afuni Yehuda mene inebe seberogo o Babel woginapluk lagaukwa mene omanogo inom, nekhengge woginapluk wesigin. Eberogo nen he An nen raja Babel mene omame werek mene andire abi sirogo lobaget fagain o. Iluk An Tuhan nen nane mondogat igi,” ikhe iluk yagaisasikhe.

YEHEZKIEL 30:18

Andem oba An nen at Mesir omamerogo logolik melalinafunem lego werek mene a'nogo nen at omame logolik wonoget fakhikherek mene a'nogo inom waganogo nenggimo wanigin, o Tahpanhes andoma re mondogat mum asumo hemi andoma mene re inenggi abisak woginabugun.

YEHEZKIEL 34:27

E wilibik mene enggen itik, yi mene ti mene yabukwe yago mene enggen itik, ugunem afuni mondogat he it inanggweang inonggwaregen meneba inendawinggen yamukhogo logogun. Posiemanggen An nagainafuri homaginarek mene andi re An nen lebek isigik, nen ap inamingmingengge hilingfisaluk welagaikharek oba andoma nen fikhalogo wulaginabi wagik umo re, An nebe Tuhan welagirek mene a'nogo inelu asugun.

HOSEA 11:4

An nen at ebe nendawirati lagarik, noba lomborogo logouwageluk fei wagagisik, oba enggin-fenggin were'ma An nen lebethigik, nendawi sakhoregen at nunggungge ninggi logouwageluk wogotik, ikhi lagi meneat he,

IMAMAT 25:38

Wene melalek An Tuhan Allah o Kanaan wokhisagain oba andi hineisena Allah Anat asigiluk o Mesir en wokhinarek wulibi wagagi mene re andi o,” iluk isikhe.

IMAMAT 25:42

It afuni Israel mene halok he, An nen o Mesir en woginarek wulibi wagagimo re hit he An namingmingengge mene. Andi nen he iren inebe inamingmingengge higit onggo palinabugun lego.

IMAMAT 25:55

At Tuhan nenat o Mesir en woginarek wulibi wagaikhemo, it ineisena Tuhan Allah re At amuat werego. It afuni Israel mene halok he An namingmingengge hilingi'mo, it ineluk logogun oba afuni ekhe inamingmingengge a'luk logogun mondok lego, iluk yagaisano,” iluk yagatikhe.

NAHUM 1:13

Nen, yogondak he it Asyur mene inomame a'ma sebelhinarek werek mene andi mondogat legetfisagain o, nen hele posiemanggen meneba hit hinoba homakhinarek werek mene andi re An nen mondogat tekhogo lakfisagain o,” iluk yagaisasikhe.