IMAMAT 26:12 - Allah Wene Fano Wene Hupla Inane

¹² An nen hit fethinarek mondok logogin, hit hineisena Allah re Anat asimbik hit hinebe An Nonggwarek nagainafuri mene asugun.

IMAMAT 26:12 ပူးပေါင်းရင်းမြစ်များ

KEJADIAN 17:7

An nen hat hebe inom, haren tagongge mene nen ta'larik laga logogun mene inom, yi'nogo wokhisagain o, iluk wene wathisigi mene andi munenhi'lek higithogoat wokhisugu mondok logogin o. Hat heisena Allah Anaro, nen haren tagongge mene ineisena Allah Anat logogin.

KEJADIAN 17:8

An nen he, kweang o Kanaan hat hebe ap pok higit welagenma yoma, hat inom, haren tagongge mene inom, wokhesigin o. Mondogat haren tagongge mene eise asimbik mondok werek kwelek, An Allah it ineisenaat asimbik logogin o,” iluk wene waretikhe.

KEJADIAN 3:8

A'nogo hilingitukwasik were'ma nen hu'mokwe re inesanggo holhasukwa re, Tuhan Allah e enggen yabumo a'nogo nugunem abolok holhukwasik he, ”Eilenggen nisanogo,” iluk it emberegat e omanogo anggele'ma hina'lagaukwa.

KEJADIAN 5:22

Nen, at Henokh Allah inom hundik werek kwelek enek he 300 tahun huli welagaikhesigen, aren againafuri helime inom alage inom taginafikhe.

KEJADIAN 5:24

At Henokh Allah inom horokhogo hundik werek aple nen Allah nen wanhikhemo ebe hobuk hasukwa mondok lek.

KEJADIAN 6:9

Nuh nen hilingitikhe re, yi'nogo. At Nuh againafuri ap inebe henagan mene taginafikhe. Inenu re, Sem inom, Yafet inom, Ham inom. Nen, at Nuh ebe obabut he, at Allah inom horokhogo hundik logolik, weak ekhe hilingiti'lek higithogo nek hilingiti lagaikhe. Andem sambul he, at amunek fano hilingiti lagaikhe.

2 SAMUEL 7:7

An hit afuni hinunggulenu Israel mene ninom o yi awi ti awi nikhi logolik, hit hinogogwi An nen wenagaisogo menfisilik wagirek mene inoba ekhe, hiren An nawi e laik o Libanon meneba wurogo nobagagi'lek hilingiti lagep andi nenahalok, iluk inoba heinok ekhe wogisigirek mondok lego.

MAZMUR 50:7

Yago, hit An nagainafuri mene yi sani, An nane ikhi lagi mene hinesanggo fanorogo holini o, Hit Israel hinap yi hineilhanem fageti logolik he, Hit hineisena Allah re An nebe aro, An he hit hineisena Allah welagi.

KELUARAN 29:45

An nebe it inunggulenu Israel mene inanggele'ma logolik he it Ineisena Allah Anat logogin.

KELUARAN 29:46

Nen, iren An Tuhan Allah nobaget, nineisena ninanggele'ma logogiluk o Mesir en woginarek wulibi waga mene a'nogo iluk, inelurek logogun. An nebere it ineisena Tuhan Allah a'nogo aro” iluk yagatikhe.

KELUARAN 3:6

Hat hombalak Abraham inom, Ishak inom, Yakub inom, ineisena Allah Anaro,” iluk yagatikhe. A'nogo yagatikhemo, at Musa eilenggen Allah yetha ailo agaikhemo, elokhe salhikhe.

KELUARAN 6:7

An nen he, o Abraham inom, Ishak inom, Yakub inom, hit wokhisagain, iluk hombuk palogo wene warisasigiba andoma wokhinarek lagain o. Lambik o andoma, hit hinonggwarek faget eise mondok logobagaigeluk wokhisagain o. Hineisena Tuhan he, Anaro,” iluk yagaisasikhe.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.

YEREMIA 11:4

Wene andi re An nen it inombawi o Mesir faget iren endu amulok oba hak anggikhi lagaukwaba andi nen woginarek wulibi waga logolik warisasigi. An nen it inoba yagaisikhi logolik an nane hologo hilingitik, An nen yi'nogo ti'nogo hilingi'no iluk yagahisigi mene hilingitik, hilingiti logoino isigi. Yogondak An nen nekhengge afuni Yehuda mene inom Yerusalem werek mene inom inoba ikhi logolik hiren An nane hologo hilingiti logogun halok, hit he An nagainafuri asumo An he hit hineisena Allah asigin o, isigi.

YEREMIA 31:33

An nen nagainafuri Israel mene ninom wene ket mene wasugun mene andi ebere yi: An Nawene melalek a'nogo it inendawinggenma figik, inendawimo lisu palfisigik, igin o. An nebe re it ineisena Allah asigin, nen it he An nagainafuri asugun.

YEREMIA 32:38

It he An nagainafuri mene asumo, An he it ineisena Allah asigin.

YEREMIA 7:23

An nen he we An nebe it inobaget ineisena Allah were'ma it An nagainafuri a'luk logouwageluk he An nane hologo hilingiti logoino iluk enek he yagaisasigi. Nen, it inendawimo inagaiyekhogo logouwageluk he An nawene melalek higithogo hilingiti logoino iluk yagaisasigiat.

YEHEZKIEL 11:20

A'nogo hilingisumo, iren An nawene melalek inom, yi'nogo ti'nogo hilingiti logoino iluk melalinafirek mene inom, omanogo futfuluk hilingiti logogun. It he An nagainafuri asugun nen An he it ineisena Allah asigin.

YEHEZKIEL 36:38

Yogondak o kota ulun enek hilinglagama afuni inareng lek awi ari hobuk he o Yerusalem attak linggene esin mene faget ebeti logolik kaboge'luk domba warogo nolhu mene warogo fugunem hopo ikhi lagaikhe a'nogo hak hilinglasigin. A'nogo hilinglagunem hiren An Tuhan welagirek mene a'nogo furogo hinelu asugun o, iluk ikhe.

YOEL 2:27

A'nogo hilinghinafunem he, hit afuni Israel mene nen An hit hinanggele'ma welagirek mene inom, nen, An nebe hit hineisena Tuhan Allah welagirek mene inom a'nogo furogo hinelu asugun o. Allah amu mene re ekhe werek lek, we An namunek Nebe Allah welagi. Nen, it An nagainafuri mene andoma inenggali asugun lego!” iluk yagaisasikhe.

ZAKHARIA 13:9

We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.

BILANGAN 5:3

An nebe namlogomi ninom welagiba andoma emetlasinogo iluk he, it wulibi loageluk yagaisikhi logogun,” iluk yagaisano yagatikhe.

2 KORINTUS 6:16

At Allah awi wurik andi inom, tugwi kembu awi wurik inom, inom misi'mo lambuget fogoin nogo? At Allah eluk mondok welagarek mene awi wurik he, nit ninebe yiaro. Aren he, mel isikhe: ”It inendawimo an nawi wurogo logogin o. An nen it ninom logogin. It ineisena Allah anat logogin o. Nen, an nagainafuri irat logogun o,” iluk isikhe andi nen he,

ULANGAN 23:14

At hineisena Tuhan Allah nen hit hinebe hinawi sabu wuri'mo omanogo awe a'ma fethinarek were'ma, it hinaselei mene inelokhoma hit hinebe hinalonget hinobagakhi logogin. Andi nen he hit hinawi sabu wurikwe andoma mondogat fanorogo pugunhogo logoino. Nen a'nogo logogun lek halok he hit hinanggele'ma andoma obabut weak mene ekhe were'ma, At hineisena Tuhan Allah hit hinebe herak hinobagaluk laga logoinogo o,” iluk yagaisasikhe.

ULANGAN 23:15

A'nogo yagaisasikhesik ekhe inom yagaisikhi logolik, ”Ap inamingmingengge misik ekhe eisena aiba nen wulibi laluk, hit hinambit hina'nobagani iluk wagu halok he, at oba haiba lan, iluk yagasu fuk.

IBRANI 11:16

We, it ebeti lagaukwa andi re, inawi ebe fano mondok pogoroba mene faget inamolo anggikhi lagaukwa andi nen he, Allah nen it faget inawi arat tegelogo fisasikhemo andi nen he, aren, ”An it ineisena,” iluk, enggali legat ikherek andi.

WAHYU 2:1

A'nogo yaganetesik hobuk mel yaganete: ”An nenggi ebekwe hesagal ebe 7 nen fisogo logolik, esage ibilogo fagarek mene ebe 7 nen eisok emas meneba hilingisogo telik omanogo esanggokwe werek kwelek, anggele'ma tulem nikhi lagi mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Efesus andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palin:

WAHYU 21:7

At sa nen omame asigin mene halok, wene mondogat igi mene andi at eisewerek logogin o. A'nogo eisewerek logolik, an Allah at eisena endawinggen noba himbirik mene logogin, nen at an namlogoat logogin o.