IMAMAT 26:10 - Allah Wene Fano Wene Hupla Inane

¹⁰ Hit hinanggweang oba nen enggen mondok hokho-bokhorogo ik hinafunem tahun misik nunggu wela'luk tindelogo fikhi logogunat. Nen, enggen palikhi logogun mene omanogo attak mene wulak fikhi logolik ket mene faget obalik selekhogo fikhi logogun.

IMAMAT 26:10 ပူးပေါင်းရင်းမြစ်များ

2 RAJA-RAJA 19:29

At Yesaya nen a'nogo lakfei waga logolik, wene ekhe yi warogo Hizkia oba lakfei wagaikheat. A'nogo lakfei waga logolik mel yagatikhe: ”Hiren he, Allah nen wene ikhe andi eberogoat hilinglasigin, iluk fut fouwageluk inendawi wenggelogo tahun yogondak yiba inom, tahun ombo'ne logogun andiba inom, afuni nen gandum erabisak fuleligin mene ninggi logogun a'naga o. A'nogo meneat he, a'nogo ninggi logombik, hobuk it ineranen gandum inom, anggur inom, awi yakfembik enggen fano mondok palogo ninggi logogun a'naga o.

YOEL 2:24

Hobuk gandum enggen keralharek oba hetokhogo kwalogo fogoin. Nen, anggur enggen inom, zaitun enggen inom, sagalogo amusu keralharek oba keralimbik ambem hetokhogo hilinglasigin aro.

IMAMAT 25:22

Nen, hiren tahun 8 meneba awi yatu sambul ogore enggen ugu tahun 6 meneba nen omanogo hit ninggi logouwageluk logogin. Attak mene were'ma hobuk oba saluk i waga logogin,” iluk isikhe.

LUKAS 12:17

at ap a'nogo endawimo nen he, Awi yati mene ebe enggen hokhorogo ite andi, ebe palogo fagain oba obuluk lek yoma, ninggi'nogo hilingisigin, iluk, endawimo ebeti lagaikhe.

YOSUA 5:11

Nasukwasik ohealekwe re, afuni Israel mene yi mene ti mene o Kanaan yago mene enggen enduk inonggot mene, gandum enggen endu enggen oba werago mene inom, roti fisuageluk enggen pelafi'lek mene werago mene inom, o Kanaan yago mene attak-attagat nasukwa andi.