IMAMAT 25:2 - Allah Wene Fano Wene Hupla Inane

² ”Afuni Israel mene o An nen wogisagain oba andoma kwi lambik hiren hinobabut yi'nogo Tuhan legeisogo fikhi logogun iluk wene melalek yi'nogo yagaisa lan. Hundik-hundik tahun 7 meneba asi wagu halok he, hiren yi mene ti mene yasugun iluk, yabu wanhi logogun lek.

IMAMAT 25:2 ပူးပေါင်းရင်းမြစ်များ

2 TAWARIKH 36:21

At Tuhan nen nabi Yeremia bene nen wene ikhi logolik he, ”Iren he tahun-tahun Sabat a'nogoba fogerati legengge nek hilingitu nen he o Yerusalem oba inom, Yehudaba inom andoma 70 tahun andi re kweang iringik mondok logogin,” iluk isikhe aple a'nogo higithogo hilinglagaikhe.

MAZMUR 115:16

Pogot andi ebe eisewerek he nineisena Tuhan onggwarek welagarek. Meneat he kweang enek he, nit afuni eiserogo logouwageluk wo'nisasikhe.

KELUARAN 23:10

”Tahun falfaligen logolik he hiren hineabu waganek mene awi yatik, enggen eluk mene paligik, ikhi logoino.

YESAYA 8:8

It wesimbik he i fu hetok-hetok lagakhi logolik inalonggop huli lagaikherek hak yi mene ti mene mondogat sebeli wesugun, Nen it inebe seralogo mamingisi waga logolik o kweang hit hinawi hinebe welagep oba andoma fena minggilogo sebelhinabi wesugun o, iluk eberogonenat u hak he Imanuel igi andi.

YEREMIA 27:5

”An Nomame Hokho meneba inom, nen Nalong welagi mameba inom pogot kweang inom, afuni inom, ineluk werek engge andoma mondogat elalhigi mene andoma re ap ekhe An nelokhoma fano hilingiri'lago halok he at andiat wogosigin o.

IMAMAT 14:34

it afuni Israel mene o Kanaan Tuhan nen wokhisasikheba omanogo mondogat kwi lambik o wurik oba fili agu halok hilingiti logogun mene iluk wene melalek yi inoba fesikhe.

IMAMAT 23:32

Tugi andi mene tanggal 9 oba o mo eil ubukhogo kwi lagain huli nen he, tanggal 10 mene o mo eil ubukhogo kwi lagain huli andi re, An faget weat set walogo welagep andi higithogoat logolik, hinendawimo sebel fakhaluk sumburu hinambe heang mondok logoino o,” iluk yagatikhe.

IMAMAT 25:1

Tom Sinai ungguloba nen Tuhan nen Musa wene yagatikhesik ebe mimingiti logolik:

IMAMAT 25:3

Tahun 6 meneba re, hiren hineabukwe awingge awi yatik, anggur yago mene enggi tekhogo yogolhik, hinanggweang oba nen enggen palogo kabogetik hilingiti logogun.

ULANGAN 32:49

”O kota Yerikho nen wulakfei wagunem, o Moab mene Abarim tom ebene andoma lano o. Lambik he, tom enu Nebo ba lagambik, o Kanaan An nen afuni inunggulenu Israel mene inenggi welagi'legat wogisagain oba andoma heilenggen yethano o.

ULANGAN 32:8

At Lego Mondok welagarek mene nen, kweang sumburisikhi logolik, afuni inunggulenu lombok, inawi lombok wogisasikhe, Inunggulenu lombok faget, inomameba ferinarek logouwageluk aren againafuri Israel mene, inebe werek higithogo eisewerek fisasikhe.

ULANGAN 34:4

A'nogo yagatikhesik, at nineisena Tuhan nen Musa mel yagatikhe: ”Musa, o heilenggen yethegen oma re, An nen Abraham inom, Ishak inom, Yakub inom, yagaisikhi logolik, O hiren tagongge mene wogisagain o, iluk wene warisasigi a'nogo re, ebe yethegen oma o. O oma re, we, heilenggen enek yethanogen iluk yagaheti meneat he, hat hebe o a'lima lanogoluk yagahesigin lego,” iluk yagatikhe.