IMAMAT 24:5 - Allah Wene Fano Wene Hupla Inane

⁵ Ekhe inom ikhi logolik, ”Tepung mondok fano mene 12 kilo nen waluk he, kilo misik mene andiba amu-amu roti hombonu mene ebe 12 nen hilingi'no.

IMAMAT 24:5 ပူးပေါင်းရင်းမြစ်များ

1 TAWARIKH 23:29

Iren ogo wene yi faget hilingiti logogun mene re yi: roti Tuhan obaget weragaisogo fei wagu mene inom, tepung Allah obaget foukhogo hilingiti logogun mene inom, kue serapolweak mene ebe ragi legenggeba werago mene inom, wam werogo inom, tepung e zaitun amusu inom munenek engge inom, andi faget hilingiti logolik halhi logogun. Nen irenat he, afuni nen Tuhan Awi wuri'mo obaget fei wagu mene omanogo enggin walhigik, keralhik, hilingiti logogun.

1 TAWARIKH 9:32

It inunggulenu Kehat inap he it samban ugu sambul hari Sabat a'nogo ba linggene hundik-hundik roti enu warek weragaisogo foukhogo fei lagu mene faget welagaukwa.

2 TAWARIKH 13:11

O hubet inom, hu'mokwe inom, linggene hundik-hundik iren Tuhan obaget amben fano mene noletik, wam warogo noletuba omanogo noletik, roti enu warek a'nogo weragaisogo fisa lagik, hilingiri'lagwi. O hubanggo re lampu eisok posiemanggen emas mene hilingik omanogoba ibilfigik hilingiri'lagwiat. Hit he Tuhan herakfuluk laga lagep oba nen he, nit enek he, At Tuhan awene melalek a'nogo hologo hilingitu mondok welago.

NEHEMIA 10:33

Niren o TUHAN aiba omanogo kabogeti logolik hilingiti logogun mene faget he: roti TUHAN obaget weragaisogo meja ba fikhi logogun mene faget inom, gandum inenggi hundik-hundik fugu mene faget inom, wam TUHAN endawimo agaiyek hoageluk linggene hundik-hundik warogo noletu mene faget inom, yi mene ti mene wene enogo werek mene faget hilingitu mene faget inom, wam afuni Israel mene ninaweak legaphogo fouwageluk warogo wogetu mene faget inom, nen o TUHAN awi wurik oba andoma yi mene ti mene hilingitu mene faget inom, fougerati logogun.

NEHEMIA 10:34

Nit afuni holhu mene inom, ap imam inom, it Lewi inap inom, en he wene melalek werek mene higithogo re, nit nineisena TUHAN Allah Awi wuri'mo andoma nen wam yi mene ti mene warogo nolhu mene faget it inunggulenu ki mene nen e wurogo fikhi logogun iluk tahun hundik-hundik andomaba enek asuageluk he helep enggen waleti logogun.

KELUARAN 25:30

Meja andi re Peti wene warek andi elokhoma andem foumo were'ma, meja andi amboloba re, roti werago mene hundik fuguba logogin.”

KELUARAN 39:36

e meja inom, yi mene ti mene amboloba andoma nen hilingiti logogun mene mondogat inom, nen roti Allah faget werati logogum mene inom,

KELUARAN 40:23

A'nogo fesikhesik, sumburu roti Allah faget fesukwa mene meja andiba earogo fesikhe.

KELUARAN 40:4

Andi nen, meja mene, elonggoma andoma nen hilingitarek mene mondogat inom, esage lampu eisok ogo kwelakfembik he, lampu ebe ibil feino.

BILANGAN 4:7

Iren he meja roti weragaisogo Tuhan obaget fugungge a'nogo amboloba re kain elokhe muli pogot hak mene ekheba yanggul fikhi logogun, nen meja andi amboloba re talengge inom, amben fanongge dupa nolhuba obalik a'nogo inom, yi mene ti mene waluk fei laguba obalik a'nogo inom, anggur agai hinagaisogo fei lagungge i wak a'nogo inom, fikhi logogun. Nen meja talek oba andem he roti werago mene hundik-hundik fei lagunem logogin.

MATIUS 12:4

At Daud Allah awi wuri'mo kwisikhesik he, sumburu roti Allah faget fisagarek mene it ap Allah eisewerek mene inalegat enek ninggi logogun. Meneat he, at Daud ebe inom, it ap at ombo'ne lagaukwa mene inom, inom nogoin lek mene wanhukwasik nasukwa iluk Allah ane lisu palek werek a'nogo hit hikhi lagep lek nogo?

KISAH PARA RASUL 26:7

Attagat nit afuni Yahudi mene ninunggulenu lombok 12 yoma mondogat Allah nen he, yi'nogo fanothinabigin, iluk wene warisasikhe andi, ebe hilinginabuageluk, Allah oba himbirik logolik, linggene hubanggo, at fogeratu mondok welagaikharek. An ogo re, wene warisasikhe andi eberogoat hilingninabigin aro, iluk eberek welagi andi nenat, it ap Yahudi mene yi nen wene noba fili'lagwi yi, noe,” iluk at Agripa yagatikhesik,

IBRANI 9:2

O andi hulu endakwe senggelek enu re, o hulu wesama u hak, Allah awi wurik ikhi lagaukwa. Andoma esage ibilogo fagarek mene inom, e meja talek sumburu Allah faget fisagarek oba mene inom, welagaikhe.

YAKOBUS 1:1

At Iblis nen hinendawinggen kagaligeluk yi enggin ti enggin hinoba fugunem hinendawimo hinagaiyek hikhi logoni o.

1 SAMUEL 21:6

A'nogo yagatikhemo re, at ap Allah eisewerek mene a'nogo nen, sumburu roti amu mene lek andi nen he, Allah faget fisasukwa mene, wam, yi mene ti mene Allah faget noletarek oba welagaikhe mene hobuk obulu'mo ket werago mene fouwogoluk amumo fesukwa mene a'nogo wanhikhesik he, Daud wogotikhe.

1 SAMUEL 21:7

(A'nogo hilingitunem fanoasuak andem sambul he at hun Doeg awi Edom agun andi it at Saul en anggo konharek mene inoe a'nogo aren afuni nen wene melalek oba hilingiti logolik obaget hilingitu aple hilingisigin iluk wagaikhesik andoma welagaikhe.)