IMAMAT 24:19 - Allah Wene Fano Wene Hupla Inane

¹⁹ Ap misik ekhe nen are inom wene palhi logolik agambut palfikhe halok he, at agailak a'nogo oba ogo agambut palfeinoat.

IMAMAT 24:19 ပူးပေါင်းရင်းမြစ်များ

MATIUS 7:2

Hiren wene it ekhe inoba fikhi lagep andi hak, at Allah nen a'nogoat wene hinoba fagain aro. Nen, hiren ilirengge walfuluk it ekhe wogisikhi lagep andi hak, at Allah nen ilirengge andibaat walhaluk wokhisagain aro.

MATIUS 5:38

A'nogo yagaisasikhesik, wene ekhe mel yagaisasikhe, ”Attagat wene ekhe mel isukwa: Hineilenggen hemelhu halok he, onggo ineilenggenat hemelugun. Nen, hinaik langgulhu halok he, onggo inaigat langguluguno, iluk isukwa mene andi hinesanggo holhi lagebo.

ULANGAN 19:21

Afuni weak andi hangge hilingitunem, hinendawirinafi'lek wene inoba fikhi logoino. Wene inoba fikhi logogun andi ebe yi'nogo: inebe inoatu halok, inebeat inoatunogo. Ineilenggen hemelhu halok, ineilenggenat hemelhu nogo. Inaik langgulhu halok, inaigat langgulhu nogo. Inenggi palhu halok, inenggiat palhunogo. Nen, ineisok palhu halok, ineisogat palhunogo,” iluk yagaisasikhe.

KELUARAN 21:23

Oba nen, he andi ou enggin asigin halok he, arigin lasigin mene andi faget unggum he, at ebe wa'laga halok, ap wate mene andi inom wuret fogoin,

IMAMAT 24:18

Areagun werek mene inom halok he, areagun werek mene inomat wut-wut aga logogun iluk awene melalek were'ma, ap sa en ap ekhe anggo wate halok he, anggo obali'mo higithogo wogeti logogun.

IMAMAT 24:20

Aren ambi oak sombologo wate halok he, arogo oak sombologo watfeinoat, nen aren agailak eilenggen fena tugul fikhe halok he, arogo eilenggen fana fikhit tugul feinoat. Nen aren ambi ap watunemen aik langgorogo wate halok he, arogo aik langgorogo wasugunat. Aren ambi ap amu mene inoba ninggi'nogo mene hilingfisikhemo inebeba ou mene ekhe aga halok he, at andi oba ogo aren hilingite mene aremnogo onggo higithogoat hiling feino.

HAKIM–HAKIM 1:7

Tegetukwama, at Adoni-Bezek en yi'nogo isikhe, ”Attak he it ap inogogwi raja inebe 70 nen mene, an nen inenggi fuap inom ineisok fuap inom tegerinafigimo logolik, it inamburu an nambe abu'ne pugu mene tolhigik ninggi lagaukwa a'nogo. Nen yogondak he an nen it hilingfisasigi mene a'nogo ambisangma re Allah nen an noba a'nogoat hilingnobagaikhe yi o,” iluk isikhe. Andoni-Bezek ebere hobugen waluk o Yerusalem lagaukwama andoma nen at ebe wa'lagaikhe.

KELUARAN 21:24

ap ekhe eilenggen taunget hikhe halok he, onggo eilenggenat taunget fogoin. Ap ekhe nen aik langgot fikhe halok he, onggo at aik langgot fogoin. Nen ap ekhe nen inenggi sombol fikhe halok he, onggo at enggi sombol fogoin. Nen ap ekhe nen ineisok sombol fikhe halok he, onggo at eisok sombol fogoin,

KELUARAN 21:25

ap ekhe nen inebeba inagap palfikhe halok he, onggo arogo ebeba agap palfogoin. Nen, ap ekhe nen it ekhe inoba endu nolfikhe halok he, onggo aroba endu nolfogoin. Nen, ap ekhe nen are ekhe watfoumo ebeba fisigin halok he, onggo arogo watfoumo ebe fisigin.