A'nogo wutukwasik, pesta hilingitu inenggi 7 nen welagaukwa. A'nogo hilingiti logolik, wene Allah nen komorinafikhe mene lisu palek mene a'nogo at Ezra nen hundik-handik enggi ekhe sambul wene ero ekhe mene enu salogo yagaisigik, inenggi ekhe sambul wene ero ekhe mene enu salogo yagaisigik, o ebe lombogat a'nogo nek yagaisikhi lagaikhe. A'nogo yagaisikhi lagaikhesik, inenggi ekhe 8 meneba re, wene palek a'nogo higithogo elugun warogo hilingitukwa.
IMAMAT 23:41 - Allah Wene Fano Wene Hupla Inane41 Hari Hokho mene andi hilingisuogeluk he, hinenggi 7 nen andi inukhogo hilingiti logoino. Nen yi'nogo hilingiti logoino ti'nogo hilingiti logoino iluk yagahisigi mene andi hit hinagainafuri tagomangge mene nen ogo a'nogo nek hilingirik laga logogun. အခန်းကိုကြည့်ပါ။ |
IMAMAT 23:41
5 ပူးပေါင်းရင်းမြစ်များ
Yi mene ti mene andi An hineisena Tuhan faget oan figi'lek logolik, gandum enggen ket palek mene ekhe eluk ninggik, weat weragaisogo ninggik, roti hilingisogo werago ninggik, ugun mondok lego. An nen hit hilingiti logogun mene wene yagahisigi mene andi re, hit hinagainafuri tagomangge mene inebe mondogaren hologo hilingirik laga logouwageluk igi o,” iluk yagatikhe.
Hinenggi attak-attak yi mene ti mene hineabumo yago mene enggen fano mene nek wendeberogo palino o. Palhi logolik, sel engga inom, e enggi engga hokhorogo werek mene ekhe inom, palogo re, An hineisena Tuhan Allah fogetnabuogoluk hinendawimo hinagayegeti logolik, An Nobaget eroba a'nogo hilingiti logoino o.
Hit hinagainafuri tagomangge mene nen he, Nineisena Tuhan nen nit ninombalak o Mesir en woginarek wulibi waga logolik o sabu engga mene elama faget wuri'mo logouwageluk yagaisasikhemo welagaukwa, iluk inelu logouwageluk, hit afuni Israel mene hinebe mondogat o sabu e engga meneba salogo hinenggi 7 nen logogun o. Hineisena Tuhan Allah Anaro, iluk ikhe yagaisano,” iluk yagatikhemo yagaisasikhe.
ကြော်ငြာတွေ