IMAMAT 23:2 - Allah Wene Fano Wene Hupla Inane

² ”Hinendawimo eberek logolik, hari hokho mene, ekhe sambul-ekhe sambul, An fogetnabuogeluk hinenggi weat logolik hinebe andoget fuluk yi'nogo hilingirik laga logoino, iluk yagahesigin mene yi, afuni Israel mene yagaisano o.

IMAMAT 23:2 ပူးပေါင်းရင်းမြစ်များ

2 RAJA-RAJA 10:20

A'nogo hilingitukwasik he Yehu nen wene melalek yi'nogo isikhe, ”Hiren he linggene ti sambul Baal apne wanhi logogun iluk tekhogo ini o,” iluk yagaisasikhe. A'nogo yagaisasikhe mo re afuni nen linggene andi sambul he,

1 TAWARIKH 23:31

It andi nen ekhe re inenggi Sabat a'nogoba inom, tugi ket fololhunem fogerati logolik inom linggene amu-amu mene omanogoba fogerati logolik inom, wam ekhe warogo Tuhan obaget fei wagu halok ogo halhi logogunat. It Lewi inap andi linggene hundik-hundik yabu hilingiti logogun mene faget iluk he wene melalogo mondogat fesikhe andi. Mondok-mondok faget it Lewi inap andi re yabu andi mene nek hilingiti logogun isikhe.

2 TAWARIKH 2:3

A'nogo hilingfisasikhesik he at Salomo nen hun raja Tinus mene enu Hiram a'nogoba re wene yi'nogo lakfesikhe, ”Noe, haren attak an neisena hinom hilingiti lagagin hakhogo re an ninom ogore a'nogoat hat hangge an noba onggo faget waluk wagunem an nen onggo palhi logogin nen ninom hunisuogo. Noe haren an neisenaba e laik o Libanon mene omanogo at ebe werek oba awi wusoageluk oba onggo wanhen.

EZRA 3:5

Nen, ekhe noleti lagaukwa re, Allah faget, Yi'nogo warogo noleti logogun, iluk wene palek werek higit hogoat warogo noleti logolik, Tugi Ket folelhu halok inom, inenggi ekheba ineisena Tuhan agaukhogo iluk noletarek oba asi wagu halok, ebe lombok inom, inanggo warogo noleti lagaukwaat. A'nogo noleti logolik oba loukhogo, yi mene ti mene inendawimo nen fanorogo Tuhan wogoti lagaukwa.

MAZMUR 81:3

Wuni wulak fuluk pinggong rebana abologet hikhi logolik he, pinggong gambus inom, kecapi ba inom ane ngalurogo kong e'ni.

KELUARAN 32:5

A'nogo isukwama, at Harun nenat yi mene ti mene Allah faget warogo endu noleti logogun oba obuluk ekhe tugwi kembu sapi mene andi era'lu wutikhesik he, mel yagaisasikhe: ”Ohealek Allah fogerasuogeluk he, pesta ekhe hilingisugun o,” iluk yagaisasikhe.

YESAYA 33:20

Kota Sion hiren Allah wene faget ebeti logolik seni pesta isati logogun oba andi kwelakhikhi logoni. O Yerusalem ogo kwelakhikhi logoniat! O andem oba logou mondok fano hambuksek aiba andi re, o sabu hambokhogo ale'ma fei lagi'lek, athe pebuk enggi senengge pelabek mene heneti'lek, nen hele kelik mene tegesu mondok elo'lek, hilingik welagarek andi hak werek aiba andire hineil kumuti logoni.

RATAPAN 1:4

Linggene hokho meneba re, afuni misik iluk ogo ekhe Allah Awi wuri'mo omanogo weri'lagwi lek. Helime wuni watarek mene omanogo re enggin-fenggin hili'lagwi, nen it imam-imam omanogo re inendawimo weakhogo limamit falhu werek. O kwe ambe palek hokho meneba omanogo re afuni ekhe werek mondok lek, nen o kota Sion a'nogo re fong warogo werek.

YEHEZKIEL 44:24

Wene minggirik awene weinam agu halok legabesuogeluk halok he, An nawene melalek yi'nogo ti'nogo hilingiti logoino iluk wokhisasigi mene andomaba higithogo nek hilingiti logoino. Iren seni inenggi esin meneba isati logolik, wene melalek werek mene inom yi'nogo ti'nogo hilingitu awene inom higithogo nek hilingiti logolik, inenggi sabat mene andiba An nobaget enogo fuluk legeisogo nobagakhi logouwak.

HOSEA 2:11

Aren, afuni Yahudi mene nen hilingitarek higithogo hilingiti logolik, tahun misigat wela'luk pesta seni isago ninggik, tugi ket mene folelhunem pesta hilingitik, enggi sabit oba An faget weat welagik, ikherek mene andi re, mondogat An nen legetfagain o.

YOEL 1:14

Afuni mondogat yagaisaluk he inambe heang logouwageluk yagaisano, It afuni kaindek welagaikharek mene inom inogogwi inaluendek mene inom, it afuni Yehuda mene inebe mondogat inom, o Allah awi wuri'mo we'luk Aren lebethisoageluk ayonggo fikhi logoino o.

YOEL 2:15

Hinebe misi'mo andoget fuluk, sumburu ninggi'lek logolik, Allah ayonggo fikhi logobagaigen he, tom Sion Allah andom oba andoma nen pinggong ane hokho mene anethambik inayonggo feni o.

IMAMAT 23:1

Tuhan nen Musa mel yagatikhe:

IMAMAT 23:21

Yi mene ti mene An nobagakhi logogun sambul andi re, hinenggingge hokhorogo wanhi'lek, An nobaget hilingisuogeluk hinebe andogoti logoino o. A'nogo andogoti logouwageluk igi andi re, hiren tagomangge mene inebe, we, o koma it logogun kwe lombogen, andoma mondok higithogo hilingirik laga logouwago.

IMAMAT 23:37

An hineisena Tuhan nen he, hiren an nobagaget hilingiti logogun mene wenagaisogo figi mene andi yagaisikhi logoino o. A'nogo hilingiti logolik, An hineisena Tuhan fogetnabuogeluk hinebe andoget fuluk, An faget hilingitik, sumburu yi mene ti mene nobagagik, yi mene ti mene nolnetik, ekhe inenggi lakfigik wakfigik ulugen wo'netik, hinanggo ekhe wa'netik, anggur enggen amusu ekhe nobagagik ikhi logogun mene andi re, hinenggi ekhe sambul-ekhe sambul higithogo nek nobagakhi logoino o.

IMAMAT 23:4

Yi'nogo hilingiti logoino, iluk hari hokho mene wenagaisogo figi mene andiba An hineisena Tuhan faget hilingisugun oba arat asi wagu halok, hilingiti logogun mene wene palek higithogoat yagaisikhi logoino o,” iluk yagatikhe.

IMAMAT 23:44

At Tuhan nen, ”An fogetnabuogeluk, nobaget yi'nogo hilingirik laga logoino o,” iluk isikhe mene wene palek andi at Musa nen it afuni Israel mene yagaisoagaluk yagatikhe higithogoat yagaisasikhe.

NAHUM 1:15

Yethani, ap yonggo misik ekhe o tomkwe a'lima nen waga logolik wene husumbi fano liolek logogun mene, inomame asugun mene faget waluk weri'lago a'li. Yago, hit afuni Yehuda mene yi sani, hiren he linggene hokho mene andi faget ebeti logolik, hineisena Allah ba yi'nogo hilingisugun iluk isigip mene andoma faget obaget fikhi logoni o. Ap inanini mondok weak mene re mondogat wolelenggen tagalogo lek agaikha hilingi'mo re, hit hinawi hinanggweang oba andoma afuni nen ekhe inomameba sebelhinabi wesugun lego.

BILANGAN 10:10

Andi nen ekhe sambul hit hinagaiyegen hilingisugun oba inom, tugi ket meneba seni isatik, nen linggene amu-amu sambul omanogo fogeratik, hilingiti logolik andoma inom, hiren wam warogo nolnesi waga logolik inom, nen wam lambulogo fisugu mene faget nolneti logolik inom he, trompet tombouwe ane hangge mene andi futhikhi logoino. Andiba re An nen hit lebethisikhi logogin. Hit hineisena Tuhan Allah re Anaro, iluk yagatikhe.

BILANGAN 29:39

Andire hiren hinenggi hokho mene logogun aremnogoba fogerati logolik he, Tuhan endawimo fanorogo iluk warogo nolhu mene nolhik, amep lek mene wogetik, anggur agai hinago wogetik, lambulogo ninobagagu mene iluk warogo noletik, ikhi logogun. Andoma mondogat he hiren yi'nogo hilingisugun iluk hinane menfogoin mene a'nogo faget inom, nen hinendawi fano nen warogo nolhu mene a'nogo faget inom, oba andoma mangot fugu mene faget fikhi logogun.

YOHANES 5:1

A'nogo hilingi'luk he, it Yahudi mene seni ekhe isati lagaukwa mene isatunem Yesus hobuk o Yerusalem pisikhe.

KOLOSE 2:1

An nen he, hit inom, it afuni o Laodikia mene inom, it ekhe hokhorogoat inom, an nebe hinonggot mene faget nomamerogo hilingiti lagi mene andi, hit hinelurogo logobagaigeluk yagahisigi andi.

KOLOSE 2:16

Andi nenat, it afuni ekhe nen he: ”Sumburu, i, yi mene nenggarek mene ti mene nenggarek lek mene,” igik, ”Mo yiba pugu halok, tiba lagagu halok, yi'nogo hilingisu mene,” igik, ”Tugi folelhu halok, yi'nogo hilingisu mene,” igik, ”Inenggi Allah faget weat logolik, yi'nogo hilingisu mene,” igik, ugu kwelek, hit hesangge hilingitunem wene andi mene faget wene hinoba fogoin lek.