IMAMAT 22:4 - Allah Wene Fano Wene Hupla Inane

⁴ It Harun ambisangma mene ekhe ou agap oba purak hangge inoba were'ma halok ogo, agap enggalimo mene ou logolik kurele wulibi wagu halok ogore, at ebe oan pugunsek yagati'lek werek kwelek aren yi mene ti mene An nobaget fei wagu mene andoma ekhe nanogo. Ap imam misik ekhe nen ap warek meneba fakhikhe halok inom, agap enggalimo meneba nen kurele wulibi wagu halok inom,

IMAMAT 22:4 ပူးပေါင်းရင်းမြစ်များ

IMAMAT 11:39

Ap sa nen ekhe yi mene ti mene wesa werek mene andi warek filiba senhagain halok, at andi emerek werek kwelek enek mo ubuk ikhi logogin.

IMAMAT 15:17

Yi mene ti mene su kain meneba ogo, nen agap meneba kwagongge mene ogo ap amusu andi nen senhikhe mene halok he, yi mene ti mene andoma re mondogat emerek werek kwelek enek mo ubuk ikhi logogin.

IMAMAT 2:10

Tindel agu mene re, it ap imam mene aga logogun. Roti andi re Tuhan faget fei wagu mene hilingi'mo mondok horek mene logogin.

IMAMAT 2:3

Enu warogo fei wagu mene omanogo re, fena minggilogo it imam nunggu mene faget. Nen nunggu mene andi ebe re Tuhan faget fugu mene hilingi'mo re mondok fano horek mene logogin.

IMAMAT 21:1

Tuhan nen wene melalek yi it Harun inom at ambisangma mene inomen hilingiti logogun mene yagaisoageluk Musa yagatikhe. Yagati logolik, it imam halok he at agaisa, eisena inom inomalik inom, are inom wa'lagu halok enek he, aren afuni salinafuba andoma laga logogin oba nen he at agaila'lak erugwi amu mene salinafunem halok he, ebe emetlasinogo re laga logogin lek,

IMAMAT 21:22

Andiba nen he, iren nunggu mene mondok hihorek mene inom, we horek mene enogo fugu mene inom, An nobaget waganogo fei wagu mene andoma ninggi logogun fano.

HAGAI 2:13

A'nogo isukwama re hobuk at Hagai nen heinok wogisikhi logolik, ”Ap ekhe nen ambi ap warek senetuba ap a'nogo emerek mene agunem, nekhengge at a'nogo nen nunggungge werek mene omanogo misik ekhe oba senhamo nen he, nunggu mene andoma ogo emerek mene u hak nogo a?” iluk heinok wogisasikhe. A'nogo heinok wogisasikhemo it ap imam omanogo nen onggo ikhi logolik, ”Andi re hilingisu hago!” iluk yagatukwa.

BILANGAN 18:19

Hinenggi mondok-mondok andoma, afuni Israel mene nen enogo fugu mene waluk An wo'nesi wagu halok, An nen hat inom hagainafuri ap inom helime inom wokhisikhi logogin. Wene melalek andi re hinenggi mondok-mondok a'nogo were'ma re wene warek andi An ninom haren tagongge mene inomen sugwi agi'lek tiphogo nek hilingitu mondok logogun.” iluk yagatikhe.

BILANGAN 18:9

An nobaget fugu mene andoma mondogat he ebe horek mene mezbah amboloba nolhi'lek mene andoma re hat mene aga logogin. Andoma ebere An nobaget amep lek mene wo'netu mene inom, ninaweak lek hilingisogo ninobagauwageluk fugu mene inom, ap inangge alomat fuluk obali'mo fugu mene inom. andoma mondogat he horek mene iluk fikhi logogun oba nen hat inom it hagainafuri inom hinobaget logogin.

BILANGAN 19:20

Ap ekhe emetlasigin mene nen onggwarek ebe ho'nabuageluk hilingisigin lek halok, ap i horinafi logolik kweisalinafu mene a'nogo oba hosugun le'ma ap andi ebe emerek logogin. Aren Tuhan Awi wurik oba a'nogo emetfagain andi nen he, Allah againafuri mene werek anggikhi logogun lek.