IMAMAT 22:10 - Allah Wene Fano Wene Hupla Inane

¹⁰ Afuni nen An nobaget fuluk wo'nesi weri'lagwi mene andi re ap amu mene it imam inom inawi misi'mo mene halok ogo, nen iren yabu yonggo palek waganogo fisugu mene halok ogo, ekhe ninggi logogun lek. We, it imam mene ineisok erokwe mene halok enek ninggi logogun fano.

IMAMAT 22:10 ပူးပေါင်းရင်းမြစ်များ

EZRA 2:63

It afuni a'nogo re at gubernur en yagaisikhi logolik he, ”Ap imam misik ekhe nen Tuhan endawimo anggikherek mene inelu asuageluk kino ugu mene Urim inom Tumim inom aremnogo inoba oan kino igi'lek logolik he, yi mene ti mene Allah faget iluk fei wagungge andoma ninggi logogun lek,” iluk ane silo fesikhe.

KELUARAN 12:43

Tuhan nen Musa Harun emberek yagaisikhi logolik he, ”Hiren seni Paskah isati logolik hilingiti logogun he yi'nogo: Ap pok mene halok he linggene Paskah andiba wam domba watu mene andi eino ninggi logogun lek o.

KELUARAN 12:45

Ap o ekhema nen wagaikha mene inom, ap yabu onggo faget hilingitarek mene inom he, hit hinom seberogo negoin lek o.

KELUARAN 29:33

Nen, it inebe menogo inunggul sebelinafik nen inaweak lek hilingisogo ninobagauwagiluk wam domba eino inom, roti inom fogoin mene andi mondogat ninggi logogun. Meneat he, Allah faget fogoin mene andi horek mene hilingi'mo re, it afuni we mene nogoin mondok lek.

YEHEZKIEL 44:8

It he inonggwarek inamu nen An nawi wuri'mo hore'ma andoma wene kabogeti logolik hilingiti logou mene re iren yabu omanogo ap pok mene nen hilingisuageluk yagaisili'lagwi.

IMAMAT 21:22

Andiba nen he, iren nunggu mene mondok hihorek mene inom, we horek mene enogo fugu mene inom, An nobaget waganogo fei wagu mene andoma ninggi logogun fano.

IMAMAT 22:13

Oba nen he, it imam mene ina'logomi sogwe werek mene halok inom, athe lologo herakfisugu halok inom, emberegat inomalik legengge ineisena inagaisa inaiba we'luk were'ma eisena nen halhu mene halok enek he, at eisena fikhit agu mene andoma ninggi logogin. We, imam ineisok erokwe mene nek An nobaget fugu mene andoma ninggi logogun fano.

BILANGAN 3:10

Meneba nen Harun inom, at againafuri inom he iren yabu imam mene hilingiti logouwageluk haren menfisano: It andi nek hilingiti logogun oba nen, it fenakwe ekhe nen yabu andi mene hilingisugun iluk hilingitu halok he ebe pinggi wa'no.” iluk yagatikhe.

MATIUS 12:4

At Daud Allah awi wuri'mo kwisikhesik he, sumburu roti Allah faget fisagarek mene it ap Allah eisewerek mene inalegat enek ninggi logogun. Meneat he, at Daud ebe inom, it ap at ombo'ne lagaukwa mene inom, inom nogoin lek mene wanhukwasik nasukwa iluk Allah ane lisu palek werek a'nogo hit hikhi lagep lek nogo?

1 SAMUEL 21:6

A'nogo yagatikhemo re, at ap Allah eisewerek mene a'nogo nen, sumburu roti amu mene lek andi nen he, Allah faget fisasukwa mene, wam, yi mene ti mene Allah faget noletarek oba welagaikhe mene hobuk obulu'mo ket werago mene fouwogoluk amumo fesukwa mene a'nogo wanhikhesik he, Daud wogotikhe.

1 SAMUEL 21:7

(A'nogo hilingitunem fanoasuak andem sambul he at hun Doeg awi Edom agun andi it at Saul en anggo konharek mene inoe a'nogo aren afuni nen wene melalek oba hilingiti logolik obaget hilingitu aple hilingisigin iluk wagaikhesik andoma welagaikhe.)